A Tx'an Is Carta San Pablo Bay Eb Aj Filipos 3:18 - A Txꞌan Biblia Yin Kꞌanjobal 1989

¹⁸ Ay jun tzet tx'ial elc'al albilxa ayex wuj. A yet chi walontok ayex tinani', caw chin ok'i, yujtol xiwil eb yob chi yut is beybal, xan txequel tol c'am yelapnok is camichal Cristo yin curus yul sat eb.

A Tx'an Is Carta San Pablo Bay Eb Aj Filipos 3:18 Iomraidhean Croise

Salmos 119:136

Xiwilxa chin ok'i, yujtol c'am yelapnok a cuybej yul sat eb wet animail.

Is 8:11

Yin wal ipejal max oc mitx'an Jehová win, max yalon ayin: Manchak a beybalnej is beybal juntzan anima ti'.

Jeremías 13:17

Tatol man ok e cha e yabej, ok in ok' wal yin ewantakil yuj e mimanbail tu'. Caw wal ok eltek yal in sat, yujtol ok ex ilaytok yin presoal, ẍi Jeremías.

Jeremías 9:1

¡Matawal lajanxac'al in sat ti' axca junok nuk' aej tol chi el yakan, yet chin ok'i chi ec' c'u c'al ak'bal yuj masanil jantak eb wet conob max cami!

Dn 4:37

A wal tinani' xin, ayin wal caw chi wiaj can Cham Reyal satcan, yujtol a masanil tzet chi yunej, watx'c'al elok, cax tojolc'al yin masanil, cax chi je' yion ay mac chi yaloc ba tol miman yelapnok, ẍitok cham Nabucodonosor.

Lv 11:16

yetok no avestruz, no lechuza, no teẍeliẍ, c'al masanil pojanil no tx'acbaj,

Lv 13:8

Ta a yet chi il-lay jun ya'ay tu' junelxa, chi yiloni tol a jun ilya' tu', lanan beytoj yin is mimanil, axa yalon jun sacerdote tu', tol a jun ilya' tu', lepra toni.

Lc 19:41

A yet max yilontok Jesús conob Jerusalén, yet max apni oc is cawilal, caw wal max ok' yuj.

Tzetak Yetal Max El Yunen Eb Chekbej Jesús 20:19

Ayinc'al oc wak'on serbil Cham Jajawil yin ayilal. Ay bay max in ok' sic'libil yuj pitalil anima. Xiwil el max in ak'lay porobal yuj juntzan tzet man watx'ok max yaoc eb wet israelal wiban.

Ro 9:2

Caw chi cus in c'ul. Pitz'anc'al oc eb wet israelal yin in c'ul, yujtol caw wal chi wochej chi colchaj eb.

1 Co 1:18

A yabixal camichal Cristo yin te curus, c'am yelapnok yul sat eb anima chi c'ayic'ok. A pax yul co sat ayon lanan co colchaj ti', yipalil Dios yayji yabixal tu'.

1 Co 6:9

¿Tom man e yojtakok, tol a eb man tojolok chi yut ba, c'am yalon yet eb yoc yul k'ab Dios? Manchak e yetnej e ba yul e yet, yujtol a eb ok waltek ti', c'am wal jabok yalon eb yet yoc yul k'ab Dios: Eb chi yun mul yin tol mantoc'al yetbiok ba, eb chi yal ba bay tzet chi al-lay oc diosal, eb chi yaoc mul yul k'ab yistzil ma yul k'ab yichamil, c'al eb chi mitx'lej oc ba yetok yet winakil,

2 Co 11:13

A eb tu', toc'al chi tz'ak yaloc ba eb chekbejok Cristo. Caw etnem anima eb yetok is k'anej tu'.

2 Co 11:29

Ta ay mac c'amto chi yi' yip yin is creyenteal, caw chin oc il yuj eb, axca tol c'amto chi wi' c'apax wip yetok eb. Ta ay eb chi ak'lay etax el is nabal, caw chi oc pitz'an yail yin in c'ul sic'libil.

2 Co 2:4

A yet max in tz'ibentok jun in carta tu' ayex, caw wal chin oc il e yuj. Caw chi yab yail in c'ul e yuj, toltax chin ok' e yuj bian. Palta man yujok ex in tx'emon cusok xan max in tz'ibejtok ayex. Max in tz'ibejtok ayex, yet watx' che yojtaknej elok, tol chi camil in c'ul e yin sic'libil.

Gl 1:7

Palta c'am junokxa yabixal colbanilej caw yel. Ay eb chi ochen chi q'uexontok yabixal Cristo; palta toc'al chi somchaj el e nabal yuj eb.

Gl 2:14

A yet max wilon ayin ti', tol man tojolok chi yut ba eb axca yalon k'anejal colbanilej caw yel, cax max walon bay Pedro satak masanil eb creyente axca ti': Ach ti', israel ach, palta lajan a beybal axca eb man israelok. Man lananok a beybalnen beybal eb jet israelal. Yuj tu', ¿tzet xan chochej chak' pural eb man israelok yet watx' chi beybalnej eb beybal eb jet israelal?

Gl 2:21

C'am chi je' jaloni, tol nabac'al max tx'ox Dios is watx'c'ulal ayon. K'inalok ta yujc'al jiken ley Moisés, xan chi yal Dios tol watx' on yul sat, nabac'al mi max cam Cristo juj, chi yal tu', quin chi bay Pedro.

Gl 5:21

Chi yochej oc eb tzet ay junokxa mactxel. Chi uc'wi an eb. Chi wekeki eb, cax chi el yunen eb juntzanxa axca ton juntzan ti'. Caxc'al max wal jun ti' ayex yet yalantok, palta ti' chi waltok ayex junelxa: A eb chi el yunen juntzan chi waltek ti', tutun wal c'am jabok yalon eb yet yoc yul k'ab Dios.

Gl 6:12

Ay eb chi ochen chex yak' pural e yak'on circuncidar e ba; palta toc'al chi yochej eb watx' chi can eb yul sat eb yet animail. C'am chi yochej eb chi ajc'ulnelayi, axca chi yun yajc'ulnelay eb tol asan yin is camichal Cristo yin te curus ayoc is nabal.

Gl 6:14

Palta ayin ti', c'am junok tzet chi wi' can in ba yin. Asan camichal Cham Jajawil Jesucristo yin te curus chi wiaj can. Yuj is camichal Cham tu', xan c'amxa yalon yet yulyibank'inal ti' win, axca tol camnakxa el yul in sat. Cax axca tol camnak inxa c'apax el bay yulyibank'inal ti', yujtol c'amxa walon wet yin.

Ef 4:17

A juntzan ok waltok ayex ti', chekbanil Cham Jajawil. Manxaokab lajanok che yut e beybal axca eb manto ojtaknenok Dios, yujtol ikbabil is beybal eb yuj is nabal c'am yelapnok.

A Tx'an Is Carta San Pablo Bay Eb Aj Filipos 1:4

A yet chin txajli junjuntak el, chin txajli yin tzalojc'ulal e yuj e masanil.

1 Ts 4:6

Caw wal manchak jetnejek junok jet creyenteal yuj juntzan ti'. Toxa max cam wal jalon ayex, ta ay mac chi unen juntzan yobtakil ti', ok oc tz'umal eb yuj Dios.

2 Ts 3:11

Chi jaltok juntzan ti' ayex, yujtol chi jab k'umal, tol ay ex ab c'am chi yal e c'ul chex mulnaji. Toc'al ab comon chex toj xol tzet man e yetok.

Yet Is Cab Carta San Pedro 2:10

Ay eb caw chi yaoc yin c'ul yunen juntzan tzet man watx'ok chi yochej oc yetok is mimanil. C'am wal jabok yelapnok Cham Jajawil yul sat eb. A ton eb ti' ok alaycantok bay yailal tu'. C'amxa chi xiw eb yunen tzet man watx'ok. Comonc'al chi yun eb tzet chi yochej. Toltax c'am chi xiw eb buchwaj yin juntzan mac caw miman yelapnok.

San Judas 1:13

Axca wal yipal yaj pomnaj sat a' mar, cay wal tu' eb, yujtol c'amxa chi tenchanej ba eb yin yobtakil. Axca wal sukuwal a' chi elcan tilak a', inej oc k'alem, cay wal tu' eb, yuj juntzan tzet q'uixwiltak chi yun tu'. K'inalok ay junok waycan chi c'aytok yin is be, caytu' eb. Yowalil ok apnok eb xol k'ekk'inal yin junelnej, cax ok ayjok ec' eb bay tu' yin tojbalk'inal.