A Tx'an Is Carta San Pablo Bay Eb Aj Filipos 3:16 - A Txꞌan Biblia Yin Kꞌanjobal 1989

¹⁶ Yowalil chi co beybalnejc'al masanil tzet chi ak'lay nachaj el juj yuj Dios.

A Tx'an Is Carta San Pablo Bay Eb Aj Filipos 3:16 Iomraidhean Croise

Ro 12:16

Junc'ulalokabc'al jayjiek co masanil. Manchak jiek can co ba. Watx'okab chi jut co ba yetok eb c'am yelapnok yul sat jet animail. Manchak co naek tol caw jelan on.

Ro 15:5

A Dios chi ak'on co tec'anil, cax chi yak'on c'apax mimanil co c'ul. Chi wochej chi oc Cham e yetok, yet watx' jun lajan e nabal e masanil, axca is nabal Cristo Jesús.

Gl 5:7

Caw watx' max e yutlej e beybal yet yalantok. Palta, ¿mac xam wal max ak'on e c'ul, yuj tu' xan mayexxa yikemok bay jun cuybej a caw yel?

Gl 6:16

Masanilc'al mac chi beybalnen juntzan cuybanilej ti', a ton eb tu' yel wali, israel eb yul sat Dios, yujtol is conob yayji eb. Yak'okab Dios junc'ulal bay eb, cax ok'okab c'ul yin eb c'apaxok.

A Tx'an Is Carta San Pablo Bay Eb Aj Filipos 1:27

Palta caxc'al ok in tok ayex, ma c'amak, watx'okabc'al che yut e beybal tol chi cha ba axca yalon Cristo yin is k'anejal yet colbanilej. Ta axca tu', ok wab e k'umal, tol ac'ala' tec'an e waayi, cax tol ac'ala' junnej nabalejal e yayji bay tu'. Ok wab c'apaxok, tol jun lajanc'al e yaon oc e c'ul yin jun k'anejal yet colbanilej tu', cax caw tec'an e waay yin.

A Tx'an Is Carta San Pablo Bay Eb Aj Filipos 2:2

Yuj juntzan ti', xan caw wal junxanejokab che yut e nabal yin Cham. Jun lajanokab che yut e camc'ulnen e ba. Jun lajanokab che yut e naon masanil tzetak yetal. Jun lajanokab che yut e c'ul. Ta che beybalnej axca tu', ok jay in tzalojc'ulal e yuj cayti'.

A Tx'an Is Carta San Pablo Bay Eb Aj Filipos 4:2

A tinani', chin tewitok bay Evodia yetok bay Síntique, yet watx' junxanejokab chi yut eb nabal, yujtol nuej ba eb yul k'ab Cham Jajawil.

A Tx'an Is Carta San Pablo Bay Eb Aj Colosas 2:6

Yuj tu', axca max e yut e chaon Cham Jajawil Jesucristo, axcaokab tu' che yut e beybal yul k'ab tinani'.

A Tx'an Is Carta San Pablo Bay Eb Aj Colosas 4:2

Axa ex e masanil, yelc'ulalokab tol chex txajlic'al, cax che yalon yuj diosalil bay Dios.

Ap 3:3

Yuj tu', naektek juntzan cuybanilej max e yaoc yin e c'ul yet yalan. Naek e ba, aek oc e nabal yin junelxa. Ta c'am chex makwaji, ok in jay ayex. Axca chi yun jay junok elk'om, tol c'am mac ojtakneni janic' chi jayi, axca tu' ok yun in jay ayex.