A Tx'an Is Carta San Pablo Bay Eb Aj Filipos 3:15 - A Txꞌan Biblia Yin Kꞌanjobal 1989

¹⁵ A mac on caw tec'an onxa, yowalil axca tu' chi yun co naon junjun on. Ta ayex man axcaok tu' e naoni, ok oc Dios e yetok, yet watx' ok nachaj el juntzanxa tu' e yuj.

A Tx'an Is Carta San Pablo Bay Eb Aj Filipos 3:15 Iomraidhean Croise

Is 35:8

A bay tu' ok ec' junok miman be, ok yikcan aj jun be tu', Be eb yet-xa Dios. A eb man watx'ok, atac'ala' yalon ley, c'am chi je' yec' eb bay tu'. A eb yobtakwom, man ok je' yikban c'aytok mac chi ec' bay jun be tu'.

Mt 5:48

Tz'akakiokab che beybalnej masanil tzet yetal watx' xin, axca co Mam ayic' bay satcan, tz'akan yin masanil tzet yetal watx'.

Lc 11:13

A ayex ti', caxc'al yob ex, palta e yojtak che yak' tzet yetal watx' bay e yuninal. Akxa ta' wal co Mam ayic' bay satcan, chi yak' Cham Espíritu Santo bay eb chi k'anon bay, ẍi Jesús bay eb.

Jn 6:45

Ay jun xol eb chekbej Dios tz'ibnejcan ay axca ti': Cax ok cuylay masanil anima yuj Dios, ẍicanok. Yuj tu', masanil mac chi yacbaj txiquin yaben tzet chi yal co Mam Dios, ta chi nachaj el yuj eb tzet chi yala', ok jay eb ayin.

Jn 7:17

Ta ay mac chi yal c'ul chi yun yochwan Dios, ok nachaj el yuj ta yet Dios juntzan cuybanilej chi wal ti', ma tol yulc'al wet chi waloni.

Ro 15:1

Ayon ti', tec'an onxa yin yet Dios, yujtol chixa nachaj el juj tol c'am yowalil juntzan tu', palta ay eb manto tec'anok waayi, chi xiw eb yuj. Yuj tu' co cuenta jak'on techaj is c'am tec'anilal eb tu', yet watx' manchak somchaj el eb juj. C'am chi je' comonc'al chi jut tzet chi yochej co nabal.

1 Co 14:20

Ex wuẍtak, ex wanab, manokab axcaok nabal unin, manokab axcaok tu' che yut e nabal yin juntzan ti'. Axa e beybal xin, matawal axca unin tol c'am bay chi yun eb junok tzet man watx'ok, mata caytu' che yut e ba, cax caw tec'an che yut e nabal, yujtol may ex uninok.

1 Co 2:6

Palta a xol eb creyente tec'anxa waayi, ay jun jelanilal chi wal xol eb. Palta a jun jelanilal chi wal ti', man is jelanilalok yulyibank'inal ti'. Man c'apax is jelanilalok eb yajaw, yujtol a eb yajaw tu', toxa ok c'ayil eb.

Gl 5:10

A Cham Jajawil chi waoc yipok in c'ul e yuj, tol man ok e yaxac'altok e nabal yin junokxa tx'ok cuybanilej. Palta tzanc'al mac chi ak'on e c'ul tu', a Dios ok aon oc yailal eb.

Ef 1:17

A Cham is Diosal Cham Jajawil Jesucristo, a ton co Mam tol caw wal miman yelapnok, chin k'an bay, tol chi yak' is jelanil ayex yuj is Yespíritu, yet watx' chi te'xac'al nachaj el e yuj tzet ak'bil jojtaknej elok. Catatu' bian, ok e yojtaknej wal el co Mam Dios.

A Tx'an Is Carta San Pablo Bay Eb Aj Colosas 1:28

A ton Cristo chi jal yabixal. Yin masanil jelanil chi co tenchanej eb anima, cax chi co cuyon c'apax can junjun eb, yujtol chi jochej tol caw chi tec'anbi nabal junjun eb yuj Cham.

A Tx'an Is Carta San Pablo Bay Eb Aj Colosas 4:12

A nak e yet conob chi yik Epafras ti', ayoc nak yak'omalok serbil Cristo Jesús wetok. Caw wal chi txajli nak e yuj sic'libil, yet watx' che tec'baj e ba yet watx' asan yin tzet chi yochej Dios che ya wal oc e nabal.

1 Ts 4:9

Man yowalilok tol ayinto wal chi waltok ayex, cax che camc'ulnen eb jet creyenteal, yujtol a wal caw Dios chi ak'on nachaj el e yuj tzetbil che yut e camc'ulnelen e ba.

2 Ti 3:17

Axca ton ti' yopiso tx'an, yet watx' tz'akan chi nachaj el juj, c'al jeon juj junen juntzan yochwan Dios ayon tol yet onxa ti'.

Hebreos 5:14

A cuybej ya nachaj elok, lajan axca tzet chi lo' icham anima. Yuj tu' xan, asan eb tec'anxa is nabal chi cuyon juntzan tu'. Yojtakxa eb chi nailok, baytet ay watx', baytet ay tzet man watx'ok.

1 Jn 2:5

Ta chi jikej tzet chi al-lay xin, wal yel ay ton wal co camc'ulal yin Cham sic'libil. Axca ton ti' chi yun jojtaknen elok, tol ayon ton oc yin Cham.