A Tx'an Is Carta San Pablo Bay Eb Aj Filipos 3:10 - A Txꞌan Biblia Yin Kꞌanjobal 1989

¹⁰ Chi wochej chi wojtaknej el Cristo wal sic'libil, yet watx' a ipejal max ak'on ictzoj ajok, a' chi mulnaj oc win. Chi wochej chi wab yail yetok, cax chin ayji axca max yun yayji Cristo yet max cami.

A Tx'an Is Carta San Pablo Bay Eb Aj Filipos 3:10 Iomraidhean Croise

Jeremías 9:23

Max yalon pax Jehová axca ti': C'amokab chi yak' tzalojbok c'ul eb jelan yuj is jelanil, tamwal eb ay yip yuj is yipalil, tamwal eb beyom yuj is beyomal.

Mt 20:23

—Yel toni axca yailal ok eq'uel wiban, caytu' yailal ok eq'uel e yiban. Palta c'am walon wet ex in chotban ay bay in watx' k'ab, ma bay in q'uexan, yujtol a co Mam Dios, watx'xa yayji yuj, mac eb ok ay chotan bay tu', a' ok ak'on bay eb, ẍi Jesús bay eb.

Jn 10:18

Ayin ti', chi el yin in c'ul wak'on in ba camok. C'am mac chi je' in yak'on camok, ta c'am chi yal in c'ul. Ay wikbej wak'on in ba camok. Ay c'apax wikbej wiquisbi aj junelxa, yujtol caytu' max yut yak'oncan in Mam jun chekbanil ti' ayin, ẍi Jesús bay eb.

Jn 17:3

A k'inalej yin tojbalk'inal, chi yal elapnok tol chach yojtaknej el eb anima, ach jun c'otan acaw Dios, c'al in yojtaknen el eb, ayin Jesucristo in, tol chekbilintek oj.

Ro 8:17

Yujtol yuninal onxa Dios, yuj tu' ok co cha' co satak ok yak'a'. Ac'al oc jet ok co cha' yetok Cristo. Tatol chi jab yail yetok Cham, junnej ok on ayjok yetok xol is watx'ilal.

Ro 8:29

Yojtakxa Dios yet payxa, tol yet on. Atax yet tu' sic'nej on can elok, yet watx' lajan chi juncan el axca is C'ajol. Max con yut Dios axca tu', yet watx' a is C'ajol tu' chi oc babel winakil co xol ayon yuninal on Dios ti'.

Ro 8:36

Axca yaloncan tx'an Un: Oj wali, xan chon yak' cam eb yin junjun txolan axca calnel chi ilaytok yet chi cami, caytu' chon yut eb, ẍi yul tx'an Un tu'.

2 Co 1:10

Jabxanej man camnakok on yuj mimek yailal tu'; palta axa Dios max on colon elok. Lananc'al co col-lay el yuj tinani'. Ayoc Cham yipok co c'ul sic'libil, tol ok on is colc'al bay juntzan yailal tu'.

2 Co 1:5

A tinani', caw chi jab yail yetok Cristo, palta ac'al oc chi ak'on pax mimanil co c'ul. Axca chi jut jaben yail tu', caytu' chi yun yak'lay c'apax mimanil co c'ul.

2 Co 13:4

Yel toni, a yet max curusnelay Cham, axca wal tol c'am yip Cham, palta yuj yipal Dios, xan iquis Cham tinani'. Ilab on c'apaxok, axca wal tol c'am jabok jelapnok on c'apax yetok, palta yuj yipal Dios, xan iquis on yetok Cristo, yet watx' ac'ala' ex jak'on serbil.

Gl 2:20

A tinani', a yul sat Dios curusnebil on yetok Cristo; yuj tu' mayonxanak on iquis on tinani'. Axa Cristo iquis oc jin. A tzet chi jun yetok co mimanil tinani', chi jun yuj jaon oc co c'ul yin Cham C'ajol Dios, Cham max camc'ul jin, xan max yak' cam ba juj.

Gl 6:17

A tinani', c'amokab junok mac chin etneni, yujtol a juntzan yechel yas ayoc win ti', a' chi tx'oxk'abnen elok, tol yak'omal in serbil Cham Jajawil Jesús.

Ef 4:13

Chi yak' juntzan opiso ti' ayon, yet watx' jun lajan jaon oc co c'ul yin, cax ok jojtaknen wal el Cham C'ajol Dios. Ta axca tu', ok yi' wal yip co nabal. Lajanxa ok yun co nabal axca Cristo, tol c'am jabok is paltail.

A Tx'an Is Carta San Pablo Bay Eb Aj Filipos 3:8

Masanil juntzan tzet max walej oc yipok in c'ul tu', c'am jabok yelapnok yul in sat tinani', yujtol ay junxa tzet caw watx' chi el wunen tinani', tol chi wojtaknej el Cristo Jesús Cham Jajawil. Yuj Cristo ti', xan max c'aycan el masanil juntzan walejnak oc yipok in c'ul tu'. Axa tinani', axcaxa k'alem yayji yul in sat, yujtol chi wochej chi wi' can Cristo junelnej,

A Tx'an Is Carta San Pablo Bay Eb Aj Colosas 1:24

A tinani', lanan wilon yail yuj e watx'ilok, palta chin tzaloji, yujtol a yet chi waben yail yin in mimanil ti', axca tol lanan in tz'aktzen yailal Cristo, jun yailal max yab Cham juj ayon yiglesia on ti', tol axca is mimanil Cham jayji.

A Tx'an Is Carta San Pablo Bay Eb Aj Colosas 2:13

A yet yalan, camnak ex el yul sat Dios yuj e yobtakil, yujtol mayex ak'bilok circuncidar; palta tinani', junnej max yut yak'on Dios co k'inal yetok Cristo, cax max yak'on lajwok co yobtakil.

A Tx'an Is Carta San Pablo Bay Eb Aj Colosas 3:1

A tinani', max on ictzonelay aj yetok Cristo yul sat Dios. Yuj tu', jaokabtok co nabal yin juntzan tzet ay bay satcan, bay chotan ay Cristo bay is watx' k'ab Dios.

Is Babel Carta San Pedro 1:3

Jalek watx' k'anej bay Dios, is Mam Cham Jajawil Jesucristo, yujtol max ok' c'ul Cham jin. Max con yak' aljok Cham yet cayelal, yuj yictzojbail Jesucristo xol eb camnak. Yuj tu xan chi jaoc yipok co c'ul, tol a' ok ak'on co k'inal.

Yet Is Cab Carta San Pedro 1:13

Chin na' tol watx' chex wiptzej, cax chin jekon e na' juntzan ti', yak'ban tol iquis into ec'ok.

1 Jn 2:3

Ta chi jikej tzet chi cheklay co beybalnej yuj Dios, tita' tol jojtakxa Dios sic'libil chi yal tu'.

1 Jn 2:5

Ta chi jikej tzet chi al-lay xin, wal yel ay ton wal co camc'ulal yin Cham sic'libil. Axca ton ti' chi yun jojtaknen elok, tol ayon ton oc yin Cham.

Ap 1:18

Iquis in ec'ok. Caxc'al max in camlej, palta iquis in yin tojbalk'inal tinani'. Ayin ti', yajawil in camich, yajaw in c'apax jun lugar bay wajan ec' pixan eb camnak.