A Tx'an Is Carta San Pablo Bay Eb Aj Filipos 2:9 - A Txꞌan Biblia Yin Kꞌanjobal 1989

⁹ Yuj tu', caw mimanbil yuj Dios tinani'. A ak'nej jun is bi tol ec'ban yelapnok yintak masanil biej.

A Tx'an Is Carta San Pablo Bay Eb Aj Filipos 2:9 Iomraidhean Croise

Gn 3:15

Chi wacan oc ajc'ulal e nan e xol yetok ix ix, c'al yetok masanil enatil, c'al yinatil ix. A yinatil ix ti', a' ok ak'on poj a jolom. Achxa xin, ok ak' yasjok yakan yinatil ix tu', ẍi Cham.

Salmos 110:1

A Jehová max alon bay cham wajawil: Ayan chotan bay in watx' k'ab ti' masantac'al ok wacan oc eb ajc'ul oc en batxlubok akan, ẍi Jehová.

Salmos 110:5

A bay a watx' k'ab ayic' Jehová. Yet jun c'ual ok caktzaj tit yowal Cham, ok yuch c'ay Cham eb rey.

Salmos 89:27

Ayinxa ok wak' sataknej is satak babel unin. Yelxac'al miman satak nak yintak masanil eb rey.

Salmos 91:14

Chi yal Cham Jehová: Ayin ok in colcan el eb mactxel chin camc'ulneni. Ok in oc yenelok eb, yujtol chin yaloc eb is Yajawilok.

Is 52:13

Axca ti' yalon Jehová: A in chekbej ok ujc'al yuj, yelxac'al miman ok yun yilay aj can.

Is 53:12

Yuj tu' xan caw wal miman yikbej ok wak' bay xol eb yajaw. Ok wak' yunej tol ay yalon yet xol eb tec'an, yujtol max yak' ba yul k'ab camich, cax max utlay axca chi utlay eb yobtakwom. A ti' yet xin, tol max yikcan aj is yobtakilal xiwil yobtakwom, cax max tewi yuj yak'lay tan is mul eb tu', ẍi Jehová.

Is 9:7

Ok yak' Cham reyalil q'uexelok cham rey David. Ok yak' cuenta bay masanil lugar, cax man ok tancan el junc'ulal yin tojbalk'inal. Ok yi yip is yajawil tu' sic'libil, yuj beyc'ulnen yin watx'c'ulal, c'al yin tojolal. A jun ti' ok yunej, yujtol nabil yuj Jehová Cham Yajaw yin Masanil.

Dn 7:14

Cax max ak'lay is yikbej c'al is mimanbilal yin reyal. Masanil nacionlak c'al tiejlak chi ak'on serbil. A is yipalil ayc'al yin tojbalk'inal, c'am yechel ok lajwok is yikbej.

Mt 11:27

Max lajwi tu xin, max yalon c'apax axca ti': Max yak'can in Mam masanil tzetak yetal yul in k'ab. C'am junok mactxel ojtaknej in ayin is C'ajol in ti', asan in Mam ojtaknen in. Yetok c'apaxok, c'am mac comonc'al chi ojtaknen el in Mam. Asan ayin is C'ajol in ti' wojtak, yetok eb mac bay chi yal in c'ul chi wak' ojtaknelay elok.

Mt 28:18

Max jitztek ba Jesús c'atan eb yusluc'wanil, max yalon bay eb: —Max ak'lay wikbej yiban masanil tzet ay bay satcan, c'al yiban masanil tzet ay bay yulyibank'inal ti'.

Lc 10:22

Max lajwi tu', max yalon bay eb anima ayic' tu' axca ti': Max yak'can in Mam masanil tzetak yetal yul in k'ab. C'am junok mactxel ojtaknej in ayin is C'ajol in ti', asan in Mam ojtaknej in. Yetok c'apaxok, c'am mac comonc'al chi ojtaknen el in Mam, axa in ayin is C'ajol in ti', wojtak, yetok c'apax eb mac bay chi yal in c'ul chi wak' ojtaknelay elok, ẍi bay eb.

Jn 17:11

Txenxanej tiempoal ayin ec' yulyibank'inal ti', axa in paxaj etok tu'. A pax eb ti xin, okto can eb jabokxa bay yulyibank'inal ti'. Mamin, caw wal watx' a nabal. Taynej eb yetok ekbej, a ton jun ekbej max ak' ayin, yet watx' junxanejokab nabal eb axca wak'on etok.

Jn 17:12

A yet ayin ec' yetok eb bay yulyibank'inal ti', max in taynej eb yetok ekbej max ak' ayin. Yuj tu xan c'am junok eb max c'ayilok, palta asannej nak t'inanc'alta' c'ayilok, yet watx' chi yun tzet tz'ibbilcan yul tx'an Un.

Jn 17:5

A yet manto esnelay aj yulyibank'inal ti', ayinxac'alta' ec' etok bay xol co watx'ilal. Axa tinani xin Mamin, cha' in paxaj etok bay xol co watx'ilal tu', axcac'alta' wayji ec' etok.

Tzetak Yetal Max El Yunen Eb Chekbej Jesús 5:31

A' max ak'on yopiso, cax max yion paxaj bay is watx' k'ab. Max yaoc co Yajawilok, c'al co Colomalok. Xan a Jesús chi ak'on co na co ba ayon israel on ti', yet watx' chi elcan co yobtakil yuj.

Ef 1:10

A yet ok jay tiempoal, cax ok yunen el jun is yochwan tu', yujtol a yet tu' ok watx'nej oc masanil mactxel yetok masanil tzetak yetal, a ton tzetak yetal ay bay satcan, c'al tzetak yetal ay yulyibank'inal ti'. Junxanej ok yut yaoncan oc masanil yalan yikbej.

A Tx'an Is Carta San Pablo Bay Eb Aj Colosas 1:18

Jolomej yayji Cham bay iglesia, axa ayon iglesia on ti', axca tol is mimanil Cham jayji, yujtol a Cham chi ak'on co k'inal. A Cham babel ictzojnak xol eb camnak, yet watx' miman yelapnok Cham yintak masanil.

2 Ts 1:12

Ta caytu' che beybalnej, ok al-lay watx' k'anej yin Cham Jajawil Jesucristo e yuj, cax ok ex yalon c'apax Cristo watx'il. Caytu' ok ex eloc axca tu', yujtol a co Diosal, c'al Cham Jajawil Jesucristo ok tx'ox watx'c'ulal ayex.

Hebreos 1:4

A Cham C'ajol Dios, ec'ban yelapnok Cham yintak eb ángel, yujtol a is yikbej ak'bil yuj is Mam, ec'ban yintak yet eb ángel tu'.

Hebreos 1:9

A wal tojolal chi cha a c'ul; c'am chi cha a c'ul yobtakil. A wal yuj tu' xan max ach siq'uil Dios, a ton a Diosal. Max yak' miman tzalojc'ulal ayach yintak juntzanxa eb ay yopiso etok, ẍi yul tx'an Un tu'.

Hebreos 12:2

Jaek oc co nabal yin Jesús, Cham chi ak'on jaon oc co c'ul yin. Yuj Cham xan tz'akaki chi jut c'apax jaon oc yin co c'ul. Max yab yail Cham yin curus. C'am yelapnok ta q'uixwiltak max yun cami, yujtol yojtak Cham tol a yet ok lajwok yaben yail tu', caw tzalojc'ulal yet. A tinani', chotan ay Cham bay is watx' k'ab Dios.

Hebreos 2:9

Palta chi jiloc yin Jesús, Cham max utlay yaynakil janic' tiempoal yintak eb ángel yuj Dios, yet max oc animail. Yuj watx'c'ulal Dios, xan max el yin c'ul cam Jesús jujc'al co masanil. Axa tinani' xin, caw ec'ban watx'il max utlay Cham, cax miman yelapnok Cham, yujtol max yab yail camich.

Is Babel Carta San Pedro 3:22

Max paxaj Cham bay satcan. A tu' ayic' Cham bay watx' k'ab Dios tinani'. A' chi ikban eb ángel, yetok juntzanxa eb ay yikbej, c'al eb ay yipalil.

Yet Is Cab Carta San Pedro 1:17

Acaw ilbil juj, yet max ilay can yuj co Mam Dios. Max jab yalon Dios tol miman yelapnok Cham Jajawil tu'. Max yal aytek Dios xol tzekekial axca ti': A ton jun in C'ajol ti', camc'ulnebil wuj. Caw chin tzaloj yetok, ẍi aytek.

3 Jn 1:7

A eb tu', asan yuj yak'on serbil eb Jesucristo, xan chi ec' eb. C'am jabok tzet yetal chi cha' eb bay eb man creyenteok.

Ap 1:5

Yak'okabc'al Jesucristo, Cham acaw testigo is watx'c'ulal c'al is junc'ulal ayex. A Cham babel ictzonebil aj xol eb camnak, Yajaw yayji yiban eb rey bay yulyibank'inal ti'. Caw wal ay is camc'ulal Cham jin. Max yiel Cham co yobtakil yetok is chiq'uil.

Ap 11:15

Axa yet max xuon jun yet is suk ángel tu' is trompeta, max oc juntzan aw bay satcan. Caw yip yalon axca ti': A eb yajaw bay yulyibank'inal, wal tinani' chi can yikbej eb yul k'ab Dios Jajawil, chi can c'apax yul k'ab Cristo, a ton Cham ak'bil yikbej yuj Dios. A' ok ak'on yajawilal yin tojbalk'inal, ẍi eb.

Ap 19:16

A yin is pichil bay sat xub, a tu' tz'ibbil oc jun biej ti': Reyal eb rey, Yajawilal eb yajaw, ẍi.

Ap 3:21

A eb ok yak' techajok, ok in chotbaj ay eb bay in despacho wetok, axca c'apax max yun wak'on techajok, xan max in ay chotan yetok in Mam bay is despacho.

Ap 5:12

Caw yip eb yalon axca ti': A Cham chi yik Calnel, tol max mak'lay camok, caw moj chi jal yin tol ay yikbej, ay is beyomal, ay is jelanil, c'al yip. Mimanbil Cham, caw miman yelapnok. Caw moj ton jalon watx' k'anej bay, ẍi eb.