A Tx'an Is Carta San Pablo Bay Eb Aj Filipos 2:7 - A Txꞌan Biblia Yin Kꞌanjobal 1989

⁷ Yuj tu', max bekcan masanil yet tu', cax max tita', max ul yuten ba chekbejal. Max ul yak' ba aljok yin animail.

A Tx'an Is Carta San Pablo Bay Eb Aj Filipos 2:7 Iomraidhean Croise

Salmos 22:6

Axa in xin, man animaok in chi wabej, axca wal junok no patz in ayin ti'. Tzeyejtak wayji yuj eb wet animail, cax intaknebil in can elok.

Is 42:1

Chi yal Jehová: Tix jun in chekbej ti', a ton jun ti' chi wiaj can, ayin max in siq'uilok, ay ton wal in tzalojc'ulal yin. Maxax wacan oc Wespíritu yin, yet watx' chi beyc'ulnej masanil mimek conoblak yin tojolal.

Is 49:3

Max yalon ayin axca ti': Ach ti' Israel tol in chekbej ach, yujtol oj wali, xan ok in al-lay watx'il, ẍi Jehová ayin.

Is 53:11

A yet mayal lajwi ec' xiwil yailal yiban, ok tzalojbok aj c'ul yiloni, tol man nabac'alok max yab yail. Axca ti' yalon Jehová: A in chekbej tojol, xiwil mactxel ok yaoc yin watx'il, chi yal elapnok, a ton eb chi ojtaknen wal elok, yujtol a ok ion el is yobtakil eb.

Dn 9:26

A yet mayal lajwican ec' 62 semana tu', cax ok ilay el is k'inal jun Yajaw sic'bil el tu', xan man ok yi' tzet t'inan yioni. Lajwi tu' cax ok ayc'ay templo c'al conob Jerusalén yuj is conob jun yajaw ok jayok. Ayman ok uchlay pax lajwok Jerusalén axca jay junok a' elom aej. Ok beyc'altok yoc owal c'al uchlejbail atac'ala' tzet nabil yuj Dios masantac'al yet is lajub c'ual.

Zacarías 3:8

Chi cam aben xin Josué, ach ti', tol sat sacerdote ayji ocok. Cax chi cam yaben c'apax eb ayoc yin opiso etok, yujtol ayex ti', tx'oxbanil e yayji yuj junok tzet lanan jayocok. Ok witek in chekbej, a ton jun mac chi yik Wolej.

Zacarías 9:9

Axca ti' yalon Jehová: Tzalojanek ex aj conob Sión. Bitnanek yin tzalojc'ulal ex aj Jerusalén. Ilab wal jay e reyal e xol, tojol Cham. A' ok ak'on colbanilej. Yaynakil ok yut ba, ayaj Cham yiban jun no burrito, is yune' jun no txutx burro.

Mt 12:18

A ton jun in chekbej sic'bil el wuj ti'; caw ay in camc'ulal yin, ay ton wal in tzalojc'ulal yin. Ok wacan oc Wespíritu yin, axa yalon el nan xol eb man Israelok tu', tol ok beyc'ulnelay eb yin watx'il.

Mt 20:28

Ilab in, ayin Chekbilintek yuj Dios xol eb jet animail ti', man yujok wak'lay serbil, xan max in jayi, palta yuj wak'wi serbil. Max in jay yuj ul wak'on in ba camok, yet watx' xiwil mactxel chi colchajcan el wuj, ẍi bay eb.

Mc 9:12

Axa yalon Jesús bay eb tu' axca ti': —Yel toni, yowalil chi babji jay Elías tu', yuj watx'nen masanil. Palta ¿tzet ẍi tx'an Un Tz'ibbilcan win ayin Chekbilintek yuj Dios xol eb jet animail ti'? Chi yal yul tx'an tol ok wil yailal, cax ok in intaknelaycan el yuj anima.

Lc 22:27

K'inalok yet chi oc junok loj tinani', ¿mactxel caw miman yelapnok che na'? ¿A mi mac chi ay chotan lowok, ma a mac chi batxwi eltek loj? A mac chi batxlay low tu', caw miman yelapnok, palta ayin ti', axca mosejal wayji e xol, yin ex wak'on serbil.

Jn 1:14

A Cham chi yik K'anej Dios tu', max oc yin animail. Ulnak ec' co xol ti' jun tiempoal. A Cham caw wal yel, miman watx'c'ulal Dios max ul tx'ox ayon. Max jil yin, caw wal miman yelapnok, yujtol asan ch'an jun c'otan C'ajol Dios tu', chekbiltek yuj is Mam.

Ro 1:3

A jun watx' abix ti', a ton yabixal Cham Jajawil Jesucristo, Cham C'ajol Dios. A Jesucristo, yin yinatil cham rey David titnak is mimanil, xan anima toni.

Ro 15:3

Yujtol a Cristo, man munilokc'al max yak' is nabal tx'oklil. Palta jaynak yiban, tzet albilcan yul tx'an Un axca ti': A yet chi buchwaj eb en, ayin jun chi wab c'apax yail, ẍi yul tx'an Un tu'.

Ro 15:8

Chi wal juntzan ti' ayex, yujtol a Cristo, ul yak'nak ba yak'omal serbil eb jet israelal on. A ul ak'nej yun tzet yalnak Dios bay eb jichmam on, yet max yak'on is ti' bay eb. Xan axca ti' max yut tx'oxk'abnen el Cristo tol chic'al yun tzet chi yal Dios.

Ro 8:3

Yuj co yob ochwanilal ti', xan c'am chi je' jiken tzet chi yal ley Moisés. Yuj tu', c'am yopiso jun ley tu' on is coloni. Palta a Dios chon coloni, yuj yanaktek is C'ajol yuj ul yuten ba yin animail. Lajan is mimanil Cristo axca jet ayon anima on ti', yuj tu' max je' cam yuj co mul. A yet max cami, tz'akan max yi' lowbanilej yailal mulej yin is mimanil, tol lajan axca jet.

2 Co 13:4

Yel toni, a yet max curusnelay Cham, axca wal tol c'am yip Cham, palta yuj yipal Dios, xan iquis Cham tinani'. Ilab on c'apaxok, axca wal tol c'am jabok jelapnok on c'apax yetok, palta yuj yipal Dios, xan iquis on yetok Cristo, yet watx' ac'ala' ex jak'on serbil.

2 Co 8:9

Yujtol jojtak, a Cham Jajawil Jesucristo, caw miman is watx'c'ulal Cham. Xiwil beyomal Cham bay satcan; palta ul yutnak ba Cham mebail yuj camc'ulal Cham jin. Max yut ba Cham axca tu', yet watx', a is mebail Cham tu' chi on joccan beyomal yul sat Dios.

Gl 4:4

Palta a yet max ajapnok tiempoal, max yaontek Dios is C'ajol, max ul aljok yin jun ix ix axca chi yun jalji ayon anima on ti'. Max ul yuten ba israelal. Ayoc yul k'ab ley Moisés.

A Tx'an Is Carta San Pablo Bay Eb Aj Filipos 2:6

A Cristo, caxc'al Dios c'alta'a, palta max el wal yin c'ul, max bekoncan jun bay ay yalon yet yetok Dios. C'am jabok tzet max na' yet max bekoncanok.

Hebreos 12:2

Jaek oc co nabal yin Jesús, Cham chi ak'on jaon oc co c'ul yin. Yuj Cham xan tz'akaki chi jut c'apax jaon oc yin co c'ul. Max yab yail Cham yin curus. C'am yelapnok ta q'uixwiltak max yun cami, yujtol yojtak Cham tol a yet ok lajwok yaben yail tu', caw tzalojc'ulal yet. A tinani', chotan ay Cham bay is watx' k'ab Dios.

Hebreos 13:3

Co naektek eb jet creyenteal ayoc preso, axcaokab tol ayon oc preso yetok eb. Co naek c'apaxtek eb chi ilon yailal, axcaok tol ayon jun chi jab yail yetok eb.

Hebreos 4:15

A jun co sat sacerdote tu', yojtak chi ok' c'ul jin yuj c'am co tec'anil, yujtol max yak'lej nak diablo yikban Cham yin masanil yobtakil axca on ti'; asan xin, c'am junelok max oc is yobtakil.