A Tx'an Is Carta San Pablo Bay Eb Aj Filipos 2:29 - A Txꞌan Biblia Yin Kꞌanjobal 1989

²⁹ Chaek apnok nak yin tzalojc'ulal e nan e xol tu', yujtol e yuẍtak c'apax e ba yetok nak yin Cham Jajawil. Masanilc'al eb lajan nabal axca Epafrodito ti', ayokab yelapnok eb yul e sat.

A Tx'an Is Carta San Pablo Bay Eb Aj Filipos 2:29 Iomraidhean Croise

Is 52:7

A wal yet chi jilon bay chonlak tzalan, xiwil watx'il yili yet chi jayoc nak chi alon watx' abix, a yabixal junc'ulal ibil oc yuj, a ton chi alon el yabixal bekbanilal, cax chi yalon axca ti': Ex aj Sión, a e Diosal ayxa oc yin Reyal, ẍi.

Lc 9:5

Ta ay mac c'am chex chaoni, chex el yul is conob eb tu'. Che tziccan el pokokal e yakan yuj e tx'oxk'abnen elok tol c'amxa e yalon e yet yin eb, cax chex toji, ẍi Jesús bay eb.

Jn 13:20

Wal yel chi wal ayex, a mac chi chaon eb in chekbej, ayin ton chin is cha eb. A eb chin chaon tu', chi cha' c'apax eb Cham cheknejintek, ẍi Jesús.

Tzetak Yetal Max El Yunen Eb Chekbej Jesús 2:46

Junjunc'al c'u, cayc'al ti' wajban ba eb bay yamak'il templo Dios. Chi wajbaj c'apax ba eb bay nalak, cax chi pojon ec' eb is pan xol. Junxanej loj chi yun eb yuj tzalojc'ulal. Caw chi aj can junc'ulal xol eb.

Tzetak Yetal Max El Yunen Eb Chekbej Jesús 28:10

Xiwil camc'ulal eb aj lugar bay tu' jin. Axa yet max jay tiempoal co toj yul junxa barco xin, maxc'al yak' eb co tzetak yetal chi oc yopiso juj yulak be.

Tzetak Yetal Max El Yunen Eb Chekbej Jesús 8:8

Yuj juntzan tzet max uj tu', xan caw wal max tzaloj aj eb anima bay jun conob tu'.

Ro 10:15

Palta, ¿tzet ok yun toj eb aloj abix, ta c'am mac chi chekontok eb? Yuj tu' xan chi yal c'apax tx'an Un tu' axca ti': Xiwil watx'il yili yet chi jayoc eb chi alon watx' abix, ẍi.

Ro 16:2

Watx' che yut e chaon apnok xal ayex tu', yujtol yet-xa Cham Jajawil xal jetok. Ayon creyente on ti', moj axca tu' chi jut co chaon eb juẍtak c'al eb janab chi ec' ayon. Chex colwaj bay xal yin tzanc'al tzet yetal chi k'anabax oc yuj, yujtol xiwil mac bay chi colwaj xal. Ilab tol max colwaj c'apax xal ayin.

1 Co 16:10

Ta ok apnok oc Timoteo ayex tu', ya'ilnejek, yet watx' c'amokab tzet chi na', cax chi ayji ec' e yetok yin tzalojc'ulalil, yujtol chi mulnaj c'apax yin yet Cham Jajawil axca in ti'.

1 Co 16:18

Axca wal max yun yion can yip e nabal yuj eb bay tu', caytu' max yun c'apax yion yip in nabal yuj eb cayti', xan matawal ay yelapnok eb yul e sat. Ta ay juntzanokxa mactxel axca eb ti', ayokab c'apax yelapnok eb yul e sat.

2 Co 10:18

Ay eb munilc'al chi yal ba watx'il yul yet, palta manak eb tu' yel watx'. Asan mac chi al-lay watx'il yuj Cham Jajawil, asan eb tu' watx'.

2 Co 7:2

Aek oc yin e c'ul tzet chi jala'. Ilab c'am junok ex bay ocnak co mul. C'am junok ex max etax el e nabal juj. C'am c'apax junok ex max ex jetnej.

A Tx'an Is Carta San Pablo Bay Eb Aj Filipos 2:28

Yuj tu', chi wochej chin chektok nak ayex, yet watx' chex tzaloj ajok, cax che yilon yapni nak ayex junelxa. Ta axca tu', ayinxa ok c'ayaj in cusc'ulal cayti'.

A Tx'an Is Carta San Pablo Bay Eb Aj Colosas 4:10

A Aristarco ayoc preso wetok cayti', chi yatok cawil e c'ul. C'al nak Marcos, nak yican Bernabé, chi ya c'apaxtok nak cawil e c'ul. Walnakxatok ayex yuj Marcos ti', ta ok apnok ayex tu', chaek apnok nak yin tzalojc'ulalil.

1 Ts 5:12

Ex wuẍtak, ex wanab, ay eb chi mulnaj e nan e xol yuj Cham Jajawil, lanan ex yak'on cuenta eb, lananc'al yaon oc eb e nabal. Chon tewi ayex, tol nachajokab el e yuj, tol ak'bil yopiso eb yuj Dios.

1 Ti 5:17

A eb anciano watx' yak'on cuenta yet creyenteal, yowalil ayokab ay yelapnok eb yul sat yet creyenteal masanil. Mawal eb chi yak' yip cuywaji, c'al yalon el k'anej Dios, yelxac'al ec'ban yelapnok eb.

Hebreos 13:17

Ikejek tzet chi yal eb chex ak'on cuenta. Bekek oc e ba yul k'ab eb. Yujtol a eb chi taynenc'al e yanimail. Yojtak eb tol ok yak' eb cuenta bay Dios. Watx'okab che yut e ba, yet watx' chi tzaloj eb yilon jun mulnajil tu', cax c'am chi cusaj c'ul eb. Ta chi cusaj c'ul eb e yuj, man watx'ok e yet.

3 Jn 1:10

Yuj tu' xan a yet ok in apnok ayex tu', cax ok walon tzet is mul nak, yujtol chi ec' naaj nak k'anej ayex jin. Man asannejok juntzan tu' chi yal nak, palta c'am chi cha' pax nak eb juẍtak chi apni ayex tu'. Ilab ta ayex che yochej che cha' eb, chi tit yowal nak e yin, toltax chex yuktej el nak xol iglesia tu'.