A Tx'an Is Carta San Pablo Bay Eb Aj Filipos 2:2 - A Txꞌan Biblia Yin Kꞌanjobal 1989

² Yuj juntzan ti', xan caw wal junxanejokab che yut e nabal yin Cham. Jun lajanokab che yut e camc'ulnen e ba. Jun lajanokab che yut e naon masanil tzetak yetal. Jun lajanokab che yut e c'ul. Ta che beybalnej axca tu', ok jay in tzalojc'ulal e yuj cayti'.

A Tx'an Is Carta San Pablo Bay Eb Aj Filipos 2:2 Iomraidhean Croise

Salmos 122:8

Yuj watx'ilok eb wican c'al eb wet conob xan ok wala': Ayokab junc'ulal, quin chi.

Jn 3:29

K'inalok ay*fn* junok nupayil chi oc tinani', a nak chi nupayi, chi yi nak ix t'inanc'alta' yioni. A yamigo nak ayic' yetok, chi yechbanej yaben k'anjab nak chi nupay tu'; a yet chi yabeni, caw wal chi tzaloji. Cayton tu' in tzaloj tinani', yujtol lanan yapni eb anima bay Jesús.

Tzetak Yetal Max El Yunen Eb Chekbej Jesús 1:14

Junjunc'al c'u chi wajbaj ba eb masanil, yuj txajli eb bay Dios. Ay eb ix chi txajli yetok eb. Ajun María is txutx Jesús yetok eb. Ajun c'apax eb yuẍtak Jesús tu'.

Tzetak Yetal Max El Yunen Eb Chekbej Jesús 2:1

A yet max ayol c'ual k'in Pentecostés,*fn* junej max wajbaj ba eb creyente masanil.

Tzetak Yetal Max El Yunen Eb Chekbej Jesús 2:46

Junjunc'al c'u, cayc'al ti' wajban ba eb bay yamak'il templo Dios. Chi wajbaj c'apax ba eb bay nalak, cax chi pojon ec' eb is pan xol. Junxanej loj chi yun eb yuj tzalojc'ulal. Caw chi aj can junc'ulal xol eb.

Tzetak Yetal Max El Yunen Eb Chekbej Jesús 5:12

A eb chekbej Jesús, xiwil milagro max tx'ox eb. Yelc'ulal wal tol max tx'oxil eb yipalil Dios nan xol anima. A bay jun tentail templo Dios chi yik tol yet Salomón, a tu' chi wajbaj ba eb creyente tu' masanil.

Ro 12:16

Junc'ulalokabc'al jayjiek co masanil. Manchak jiek can co ba. Watx'okab chi jut co ba yetok eb c'am yelapnok yul sat jet animail. Manchak co naek tol caw jelan on.

1 Co 1:10

Ex wuẍtak, ex wanab, chin tewi ayex, axcaokab tol a Cham Jajawil Jesucristo chi tewi ayex, junxanejokab che yut e nabal e masanil bay tu'. Man comonok che pojil e ba xol eb juẍtak, eb janab bay tu', palta tol axcaokab junxanej animail che yut e ba, c'al e nabal; cax jun lajanokab chaon e c'ul masanil tzetak yetal.

2 Co 13:11

Axa tinani xin, ex wuẍtak, ex wanab, ayexokab oc yin tzalojc'ulal bay tu'. Caw che watx'nej oc e nabal. Ayxaokab e mimanc'ulal. Junxanejokab che yut e nabal, junc'ulalokab ayex bay tu'. A Dios ak'om junc'ulal, c'al ak'om camc'ulal, a' ok oc e yetok.

2 Co 2:3

Yuj tu' xan axca tu' max wut in tz'ibentok ayex yin jun tx'an in carta, yet watx' a yet chin apni oc ex wiloni, c'amokab chin cusaj e yuj, tol e moj e yak'on tzalojbok in c'ul. Chi waoc yipok in c'ul, tol ta chin tzaloj aj ayin ti', ayex jun chex tzaloj aj wetok.

2 Co 7:7

Man asannejok yuj max jayoc Tito xan max jion mimanil co c'ul, palta caw chon tzaloj c'apaxok, yujtol max e mimanc'ulnej Tito ti' yet max ec' ayex. A' max alon ayin, tol xiwil che yochej che yiloc win. Max yalon c'apaxok, tol xiwil chi cus e c'ul yuj jun tzet max uj e xol tu'. Max yaloni, tol caw xiwil chin e na'. Yuj tu', caw max aj can in tzalojc'ulal e yuj.

A Tx'an Is Carta San Pablo Bay Eb Aj Filipos 1:4

A yet chin txajli junjuntak el, chin txajli yin tzalojc'ulal e yuj e masanil.

A Tx'an Is Carta San Pablo Bay Eb Aj Filipos 2:16

yujtol che yalil is k'anej Dios nan xol eb, jun k'anej chi alontek yuj co k'inal tol ayc'al yin tojbalk'inal. Ta axca tu' che yutej, caw ok in tzaloj aj e yuj yet ok jay Cristo, yujtol caw wal ok txeclojok tol man nabac'alok max in lajoc wak'on wip in mulnaj e nan e xol.

A Tx'an Is Carta San Pablo Bay Eb Aj Filipos 2:20

Yujtol c'am junokxa mac lajan naon axca Timoteo, tol caw wal chi oc il e yuj.

A Tx'an Is Carta San Pablo Bay Eb Aj Filipos 4:2

A tinani', chin tewitok bay Evodia yetok bay Síntique, yet watx' junxanejokab chi yut eb nabal, yujtol nuej ba eb yul k'ab Cham Jajawil.

A Tx'an Is Carta San Pablo Bay Eb Aj Colosas 2:5

Caxc'al c'am in ec' yin mimanilejal e yetok bay tu', palta axca tol caw ayin ec' e yetok. Yuj tu', caw chin tzaloj yet chi wabeni tol watx' e yak'on bay tu', tec'an che yut e yaon oc e c'ul yin Cristo.

2 Ts 2:13

Ex wuẍtak, ex wanab, camc'ulnebil ex yuj Cham Jajawil. Yowalil chi jal yuj diosalil bay Dios e yuj, yujtol payxatax sic'bil ex el yuj Dios jetok, yet watx' chex colchaj el yuj Yespíritu. A Yespíritu tu' chex aon oc yetok Dios. Yuj tu' xan chex colchaj jetok, yuj c'apax che yaoc jun cuybanilej caw wal yel yin e c'ul.

2 Ti 1:4

A yet chin naontek a cusc'ulal, caw chi wochej chi wiloc en junelxa, yet watx' chi ajwal can in tzalojc'ulal.

Filemón 1:20

Yuj tu' wuẍtak, tutun creyente achxa, xan ak' wal jun favor ti' ayin. Yujokab Cristo xan chak' tzalojbok in c'ul.

2 Jn 1:4

Caw wal max tzaloj aj in c'ul yet max wabeni, tol ay eb one' lanan beybalnen jun cuybej caw wal yel, axca wal yaloncan co Mam Dios ayon.

3 Jn 1:4

A yet chi wabeni tol a eb max cha' Cristo wuj, ac'ala' beybalnen eb cuybej acaw yel, xan chin tzaloji. C'am junokxa tzet bay yel chi tzaloj in c'ul axca tu', yujtol axca tol wuninal yayji oc eb.