A Tx'an Is Carta San Pablo Bay Eb Aj Filipos 2:14 - A Txꞌan Biblia Yin Kꞌanjobal 1989

¹⁴ A yet chi ak'lay e yun junok tzet yetal, manokab yinok chichonc'ulal che yunej. Manokab xiwilok che yalubtanej tzet yuj xan chi ak'lay e yunej.

A Tx'an Is Carta San Pablo Bay Eb Aj Filipos 2:14 Iomraidhean Croise

Salmos 106:25

Max alxi eb yin Jehová bay cajan eb; maj ton yikej eb bay tzet max yal Cham.

Pr 13:10

A mactxel chi maynej ba, asan owal chi yuch ajok; axa mac chi cha yabej, chi yi' is jelanil.

Nm 14:27

—¿Jantaktoc'al tiempoal ok techaj juntzan anima c'am watx'il is nabal ti' wuj? Max wab yalon eb in k'umal.

Mt 20:11

A yet max lajwi chaon eb tojol tu', max tit yowal eb yin cham aj mulnajil tu'.

Mc 14:5

Aktam tol max txonlay elok, cax max pojlay ec' tojol xol eb meba', yujtol a jun ti' ec'ban mi junok 300 denario*fn* is tojol, ẍi eb. Caw wal max tzulay ix yuj eb.

Mc 9:14

A yet lanan yapni eb bay ayic' juntzanxa eb cuywom, max yilontok Jesús tol xiwil anima ayic' yetok eb. Axa eb meẍtol yin ley Moisés, lanan teyelen ba eb yetok eb cuywom Jesús.

Lc 5:30

Palta eb fariseo xin, yetok eb meẍtol yin ley Moisés, yob tzet chi yal eb bay eb cuywom Jesús. Max yalon eb axca ti': —¿Tzet yuj xan chex lowi c'al e yuq'uen a' yetok eb tekom el tojlabal, c'al yetok juntzanxa eb yob is beybal ti'? ẍi eb bay eb.

Tzetak Yetal Max El Yunen Eb Chekbej Jesús 15:2

Axa teyelen ba Pablo c'al Bernabé yetok eb tu', palta majc'al watx'jok ay yuj eb. Yuj tu' xan max yal eb creyente tol chi toj Pablo yetok Bernabé bay Jerusalén, cax chi toj c'apax jaywanok creyente yetok eb, yuj toj k'anlen eb bay eb chekbej Jesús, c'al bay eb anciano ay bay tu'.

Tzetak Yetal Max El Yunen Eb Chekbej Jesús 15:39

Axa max yunajok, max teyelen aj ba eb yujc'al nak, majxa chalej ba k'anjab eb. Yuj tu xin, tx'ok tx'okxac'al max tojcan junjun eb. A Bernabé max oc yul barco max toj bay Chipre. Max yicantok Marcos yetok.

Tzetak Yetal Max El Yunen Eb Chekbej Jesús 15:7

Mayaltaxc'al c'oli teyelen ba eb xin, max aj wan Pedro nan xol eb, cax max yalon axca ti': —Ex wuẍtak, e yojtakxata'a, tol ayxa tiempo in sic'laycan el yuj Dios, yuj walon el k'anejal yet colbanilej bay eb man israelok, yet watx' chi yaoc eb c'ul yin Cristo.

Tzetak Yetal Max El Yunen Eb Chekbej Jesús 6:1

A yet jun tiempoal tu', yelc'ulal wal tol max ch'ib bisil eb creyente. Palta a eb creyente griego, max caklej aj ba eb yetok eb hebreo, yujtol a yet chi ak'lay low eb meba' junjun c'u, man tz'akanok chi ak'lay yet eb xal ix camnakxa yichamil xol eb griego tu'.

Ro 12:18

Jak'ek jip jayji ec' yin junc'ulal yetok eb masanil.

Ro 14:1

Ay eb creyente manto tec'anok waayi, yujtol c'amto chi nachaj el cuybej Cristo sic'libil yuj eb. Chaek oc eb e yetok, palta man comonok che teyelej e ba yetok eb yin tzet manto nachaj el yuj eb tu'.

Ro 16:17

Ex wuẍtak, ex wanab, ilek e ba bay eb chi yak'lej e pojchajtok, a ton eb chi yak'lej somontok e nabal. Yujtol man axcaok tu' yalon cuybej cuybil e yuj, xan pojek el e ba xol eb.

1 Co 10:10

Man comonok chon alxi aj yin Cham Jajawil, axca yutnak ba juntzan eb tu'. Yuj tu' xan lajwinak el eb yuj jun ángel ay yopiso mak'wi cam anima.

2 Co 12:20

C'am chi wochej chex toj wil tinani', a wal ta c'am che yut e ba axca wal chi wochej, a wal ta c'am c'apax chi wut in ba axca wal che yochej. C'amto chi wochej chin toj ayex tu', a wal ta aytoc'al owal e xol, c'al chichonc'ulal, c'al k'ak'alc'ulal. Talaj ay ex che yi' can e ba. Talaj ay ex che yal-lej e k'umal. Talaj ay ex che luesnej e ba, talaj ay ex che buchlej e ba, cax talaj ay ex lanan e somchaj elok.

Gl 5:15

Palta ta ac'al owal naan e yuj e nan e xol, caw wal ay is may ok e yak'lej c'ayil e ba.

Gl 5:26

Manchak co maynejek co ba, yet watx' c'am chi co tx'emlejek co ba. Manchak jochejek oc tzet ay junokxa jet creyenteal.

A Tx'an Is Carta San Pablo Bay Eb Aj Filipos 2:3

C'am chi je' jion can co ba, cax chi co luesnen co ba, palta tol yaynakilokab chi jut co ba. Aokab chi jut co nabal junjun on, tol mimanokab yelapnok eb jet creyenteal jintak.

1 Ts 5:13

Xan yowalil tol miman yelapnok eb yul e sat, che camc'ulnej eb, yujtol yin yet Cham Jajawil chi mulnaj eb. C'amokab owal e nan e xol junjun ex.

1 Ts 5:15

Che yilc'al, manchak e pak e ba bay mac chi ak'on yobc'ulal ayex. Watx'c'al che yut e ba ayex junjun ex, yetokc'al bay masanil eb jet animail.

Hebreos 12:14

Ak'ek e yip e yayji yin junc'ulal yetok masanil anima. Ak'ek c'apax e yip yet watx' watx' che yut e beybal, yujtol a eb man watx'ok is beybal maj yil eb yin Cham Jajawil.

Santiago 1:20

Yujtol a yet chi tit jowal, man yochwanok Dios chi junej.

Santiago 3:14

Palta tatol toc'al chi tit e yowal, cax asannejc'al e yet che yochej, che yochej tol asan ex che yala', ta axca tu', man e yaloc e ba jelanilal. Ta caytu' che yut e ba, miman txequel tol lanan e yak'on lek'tial yin e yalon oc e ba jelanilal tu'.

Santiago 5:9

Ex wuẍtak, ex wanab, manchak ex alxi e yin junjun ex, yet watx' man ok ex beyc'ulnelayok, yujtol toxa wal ok jay Cham ok on beyc'ulnenok.

Is Babel Carta San Pedro 3:11

Besokab el ba bay yobtakil, axa watx'ilal chi yunej; c'amokab owal chi yunej, beybalnejokab junc'ulalil.

Is Babel Carta San Pedro 4:9

Jak'ek posada eb juẍtak eb janab, palta man ok on alwokcan k'umal yintak eb.

San Judas 1:16

A eb ayic' co xol ti', owalc'al ay eb. Comonc'al chi yal eb yobtakil yin junokxa mactxel. Asan yin juntzan tzet chi yochej oc eb yetok is mimanil, asan yin tu' chi yaoc eb is nabal. Jelan ton chi yut ba eb k'anjabi. Tzanc'al mac chi yal eb watx'il, yujtol chi yochej eb chi yi' jabok tzet yin eb.