A Tx'an Is Carta San Pablo Bay Eb Aj Filipos 2:13 - A Txꞌan Biblia Yin Kꞌanjobal 1989

¹³ Yujtol a Dios ayoc jetok, a' chi ak'on jochej junen watx'ilal, cax a' chi ak'on c'apax jip junen is yochwan.

A Tx'an Is Carta San Pablo Bay Eb Aj Filipos 2:13 Iomraidhean Croise

Babel Libroal Yabixal Eb Rey 8:58

Yak'okabc'al Jehová co nabal yet ok junen tzet chi yochej c'ul, cax ok jikenc'al is ley c'al is chekbanil, juntzan max chek yikej eb jichmam.

2 Cr 30:12

Max ak'lay yun eb anima bay Judá yin junanen is nabal yuj Dios yin yiken eb chekbanilej max yal cham rey, yetokc'al eb ayoc yin yajawilal yetok, atac'ala' tzet max yun yalon Jehová.

Esdras 1:1

A yet babel abil yoc cham Ciro reyal bay Persia, a Jehová max ak'on yun Ciro tu' watx'nen aj jun is ley, max al-lay el yin k'anejal, cax max yaontok is k'anejal jun ley tu' yin unal bay masanil yul is nación. Axca tu' max yuncan el is k'anej Jehová max yalcan el cham Jeremías. Axca ti' yalon jun ley tu':

Esdras 1:5

Yuj tu' xan max aj wan eb yajawil xol yinatil Judá c'al xol yinatil Benjamín, masanil eb sacerdote c'al eb levita, a ton eb bay max k'anjab Jehová yin is nabal, tol chi toj eb bay Jerusalén yet chi toj ca watx'nej eb is templo Cham bay tu'.

Esdras 7:27

Max lajwi tu xin, max txajli Esdras: Al-layokab watx' k'anej yin Jehová co Diosal yetok eb jichmam, yujtol a Cham max ak'on yun cham rey tol miman yelapnok templo Jehová bay Jerusalén.

Nehemías 2:4

—¿Tzet watx' chi yun in colwaj ayach xin? ẍi cham rey tu'. Xan max wabenen oc in ba bay cham Diosal satcan,

Job 33:29

Axca tu' cayel oxelc'al chi utlay eb anima yuj Dios,

Salmos 110:3

A yet ok ak'on owal yetok eb ajc'ul, ok jay a conob ayach, yuj ul yaon oc ba yin yak'on owal. Axca wal yal ak'bal yet k'inibalil, axca tu' ok yun jay eb nak ach'ej ayach bay tzalan yet ayilal.

Salmos 119:36

Ak' yun in nabal yin yochen tzet yetal chala', cax manokabnak yin pek'al tumin.

Salmos 141:4

Najattac'al checan el in nabal yin yobtakil. Manchak in a cha ec'jab yin yobal beybalej, cax manchak in a chatok low bay is mimek loj eb unem yobtakil.

Pr 21:1

A yul k'ab Jehová ayoc is nabal eb rey; a Cham chi ikban nabal eb tu', axca chi yun yilay ec' a' aej xol junok awoj yet chi oc yal.

Is 26:12

Mamin Jehová, oj wali xan watx' ok yun jayji ec'ok, yujtol oj xan chi yi ba masanil tzet chi junej.

Jeremías 31:33

Tix ok wut in trato yetok eb yinatil Israel yet yajtok tu': Ayin wal caw Jehová in chi wala', tol ok waoc juntzan in chekbanil yin is nabal eb, axca tol ok in tz'ibejcan oc yin yanimail eb, ayin ok in oc is Diosalok eb, axa eb ok occan in conobok.

Jeremías 32:38

In conob ok yun eb, ayinxa is Diosal in eb.

Lc 12:32

Ayex ti' axca tol in calnel ex. Manchak ex xiwi. Jaywannej ex toni, palta a co Mam Dios chex ion oc yul is k'ab, yujtol axca tu' max yun yel yin c'ul.

Lc 2:14

¡Jalek watx' k'anej bay Dios aj satcan! ¡Ayokab junc'ulal yetok eb anima bay max tx'ox is watx'c'ulal bay yulyibank'inal ti'! ẍi eb.

Jn 3:27

Axa yalon bay eb tu': —C'am junok mactxel comonc'al chi oc yopiso, ta manak Dios chi ak'on bay.

Jn 6:45

Ay jun xol eb chekbej Dios tz'ibnejcan ay axca ti': Cax ok cuylay masanil anima yuj Dios, ẍicanok. Yuj tu', masanil mac chi yacbaj txiquin yaben tzet chi yal co Mam Dios, ta chi nachaj el yuj eb tzet chi yala', ok jay eb ayin.

Jn 6:65

Max yalon c'apax axca ti': —Yujtol ayex c'am che yaoc e c'ul win, yuj tu', max wal ayex, tol c'am junok mac toc'al chi yak' jay ba ayin, ta manak in Mam chi ion jayok, ẍi Jesús bay eb.

Tzetak Yetal Max El Yunen Eb Chekbej Jesús 11:21

Max oc Cham Jajawil yetok eb creyente tu', yuj tu' xan xiwil eb anima max q'uex is beybal, cax max yaon oc eb c'ul yin Cham Jajawil.

Ro 12:3

A Dios, max yak' wopiso yuj is watx'c'ulal. Yuj tu' xan chi waltok juntzan ti' ayex e masanil. C'am chi je' co naon junjun on tol ec'ban jelapnok. Yowalil yaynakilokab on co naoni, atac'ala' tzet jopiso max yak' Dios ayon junjun on, yuj chi jaoc co c'ul yin.

Ro 9:11

A yet c'amto chi alji cawan unin tu', c'amto junok tzet watx', ma junok tzet yob chi el yunen eb, max yal Dios bay Rebeca tu' axca ti': A nak babel, ok can nak yalan is chekbanil nak tzunan, ẍi bay. A jun ti' chi chalej ba yalon yetok juntzanxa tzet tz'ibbil c'apax can yul tx'an Un bay chi yal axca ti': Max in camc'ulnej Jacob, axa Esaú max in cabc'ulnejcan elok, ẍi Dios yul tx'an Un tu'. A ton juntzan k'anej ti' chi tx'oxk'abnen elok, tol ay yalon yet Dios sic'on el junok mac chi yochej. Man yujok tzet chi el juneni, xan chon yawtej oc Dios yetok.

Ro 9:16

Caxc'al chi jochej chon colchaji, caxc'al caw chi jak' jip, man yujok tu' chon colchaji, palta asan yuj chi ok' c'ul Dios jin.

1 Co 12:6

Yetok c'apaxok, tx'ok tx'okc'al co mulnajil junjun on. Palta ac'al oc Dios chi oc jetok junjun on yin tzet chi jun tu'.

1 Co 15:10

Axa tinani xin, asan yuj is watx'c'ulal Dios, xan ayin oc yin wopiso ti', palta man nabac'alok max tx'ox is watx'c'ulal tu' win, yujtol ec'ban in mulnajil yintak eb wet chekbejal masanil. Palta man in tx'oklilok chin mulnaji; a Dios chi mulnaj wetok yuj is watx'c'ulal.

2 Co 3:5

C'am chi co na on tol chi je' juj yul jet co tx'oklil, palta asan yuj ayoc Dios jetok, xan chi je' juj junok tzet yetal.

Ef 1:11

Sic'bil onxac'alta' el yuj Dios yettax payxa, yuj co chaon co satak ok yak' ayon, yujtol junxanej jayji yetok Cristo. Ok yunc'alta' jun ti' axca yochen Dios, yujtol a' chi ak'on yun masanil tzet axca chi yochej.

Ef 1:5

Xiwil is camc'ulal Cham jin. Yuj tu', payxatax max na', tol ok on yaoc yuninalok yuj Jesucristo, yujtol axca tu' max el yin c'ul.

Ef 1:9

Ay jun tzet nabilxa yuj Dios, tol t'inan yion ba yuj Cristo axca chi yochej. C'am junok mac ojtaknen jun ti' payxa. Palta tinani', a' chi ak'on jojtaknej elok.

Ef 2:8

Yuj is watx'c'ulal Dios xan max on colchaji, yuj chi jaoc co c'ul yin. A jun ti', mayonnak max co watx'nej, asan Dios chi ak'on ayon.

2 Ts 1:11

Yuj ton jun tu' xan chon txajlic'al e yuj. Chi co k'anon bay co Diosal e yuj, yet watx', watx'okabc'al ex yul sat, yujtol a' awtenej ex oc yetok. Chi co k'anon c'apaxok yet watx' chi yak' yipalil ayex, yet watx' che beybalnej masanil tzet watx' axca che yochej, c'al yin e mulnajil che yun bay, yujtol che yaoc yin e c'ul.

2 Ti 1:9

Colbil on el yuj Dios, cax awtebil on c'apax el yuj, yet watx' watx'c'al chi jut co beybal. Man yujok jabok tzet watx' max el juneni xan max on colchaji, palta yujtol axca ti' max el yin c'ul Dios chi juncan elok, c'al yuj is camc'ulal jin, yujtol junxanej jayji yetok Cristo Jesús. Ayxac'alta' camc'ulal Dios jin yet c'amto chi tz'unchaj yulyibank'inal.

Hebreos 13:21

Chi wochej tol chi watx'ji wal oc e nabal yuj Dios, yet watx', watx'c'al che yut e ba, cax a tzet chi cha' c'ul Cham che yunej. Chi wochej c'apax tol yujokab Jesucristo, xan watx'okab on yul sat, yet watx' chi tzaloj Cham jetok. Mimanokabc'al yelapnok Cham yin tojbalk'inal. Yunokabi.

Is Babel Carta San Pedro 1:3

Jalek watx' k'anej bay Dios, is Mam Cham Jajawil Jesucristo, yujtol max ok' c'ul Cham jin. Max con yak' aljok Cham yet cayelal, yuj yictzojbail Jesucristo xol eb camnak. Yuj tu xan chi jaoc yipok co c'ul, tol a' ok ak'on co k'inal.