A Tx'an Is Carta San Pablo Bay Eb Aj Filipos 2:12 - A Txꞌan Biblia Yin Kꞌanjobal 1989

¹² Yuj tu', ex in camc'ulnebil, yikemokabc'al che yut e ba, axcac'alta' e beybal yet ayin ec' e yetok bay tu', cayokabc'al tu' che yut e ba yet c'am in ec' e yetok. Ayokab e yelapnok yul e sat junjun ex; ak'ek e yip yin yaynakilal, yet watx' chi tz'aknaj el e colbanil.

A Tx'an Is Carta San Pablo Bay Eb Aj Filipos 2:12 Iomraidhean Croise

Esdras 10:3

A tinani' xin, ok jak' co ti' tol ok co chek pax eb xal jistzil tx'ok conobal tu' yetokc'al yune' eb xal, tol ok jikej tzet chal ach ti', yetok juntzanokxa eb chi iken is chekbanil Dios etok. Yunokab axca yalon is ley Cham.

Salmos 119:120

A in mimanil chi bilaj a satak, yujtol chin xiw bay a ley.

Salmos 2:11

Ak'ek ayilal bay Jehová yin tzalojc'ulalil, ayokab yelapnok Cham yul e sat.

Pr 10:16

A k'inalej, a ayoc paktzebalok bay junok watx' is beybal, axa tzet yetal chi yi' eb yobtakwom, a ton yailal.

Pr 13:4

A mac isaj ay tzet chi yochej, palta c'am chi makchaj yuj; a pax mac chi mulnaj xin, chi aj can bay.

Is 66:2

Ayin wal caw Jehová in chi wala' tol ayin max in watx'nej masanil juntzan tzet yetal ti', caytu' max yun pitzc'oj aj masanil. Palta ayin ok in taynej eb yaynakil tol chi cus c'ul yuj yobtakil, eb tol ay yelapnok in k'anej yul sat.

Is 66:5

Abek wal is k'anej Jehová, mac ex wal tol ay yelapnok Cham yul e sat: Ay juntzan e yet conob tol chi chichon oc c'ul e yin, cax chi ocxac'al eb ajc'ulal e yin yujc'al tol ayin chin e yawtej e yetok. Cax chi yalon eb axca ti' ayex: Tx'oxokab Jehová tu' is mayk'ak'al yin ex coloni, chi jochej chi jil e tzalojc'ulal, ẍi eb. Cay wal tu' chex yut buchon eb. Palta a eb tu', toxac'al ok q'uixwokcan aj eb, ẍi Jehová.

Mt 11:12

Yettaxc'al max chaon el yich Juan tu' yak'wi bautizar, masantac'al tinani', xiwil anima mayal oc yul k'ab Dios. Ay eb tec'an chi yut ba, chi yak'on yip yaon oc ba yul k'ab tu'.

Mt 11:29

Ikek jun ikatz ok wak' e yika'. Cuywanek wintak, yujtol ayin ti' manso in, yaynakil chi wut in ba, cax ok e yion xewilal e yanimail.

Tzetak Yetal Max El Yunen Eb Chekbej Jesús 16:29

Axa k'anon nak junok is tzektebal tu', max octok nak bay ayic' eb tu'. Caw wal chi bil nak yuj xiwc'ulalil, axa yay jajnaj nak satak Pablo yetok Silas tu'.

Tzetak Yetal Max El Yunen Eb Chekbej Jesús 9:6

Ajan wan, cax chach toj yul conob. A tu' ok al-lay ayach, tzet yowalil ok onej, ẍi Jesús bay.

Ro 2:7

Ok yak' Dios k'inalej tol ayc'al yin tojbalk'inal ayon, tatol tec'an chi jut co ba junen watx'ilal, yujtol chi jochej ay jalon jet yin is watx'ilal Dios. Chi jochej tol ay jelapnok yul sat Cham. Chi jochej tol chi co cha co k'inal tol ayc'al yin tojbalk'inal.

1 Co 15:58

Yuj tu' ex wuẍtak, ex wanab camc'ulnebil, caw tec'anc'al che yut e ba. E yak'ta' cabc'ulal. Yinokab masanil e c'ul chex mulnajc'al yin yet Cham Jajawil yujtol e yojtakxa, tol a co mulnajil yin yet Cham manc'al nabaok.

1 Co 2:3

A yet max in ec' ayex tu', c'am welapnok jabok yul sat junok anima, chin luklon yuj xiwilal.

1 Co 4:14

Man yujok wion el e q'uixwil, xan chin tz'ibejtok juntzan ti' ayex, palta tol chi waloc yul e jolom axca bay junok wuninal tol caw chin camel yin, caytu' e yayji tinani'.

2 Co 7:15

A Tito ti', caw wal ay is camc'ulal e yin tinani', yujtol chi natek tol che yikej tzet yalnakcan ayex, cax chi naon c'apaxtek tol yin ayilal max e yut e chaon apnok ayex tu', cax miman yelapnok yul e sat.

Ef 6:5

Axa ex mosejal e yayji, ikejek tzet chi yal e patrón bay yulyibank'inal ti'. Ayokab yelapnok eb yul e sat. Xiwanek bay eb. Yelc'ulal chex mulnaj yin is mulnajil eb, axcaokab tol mulnajil Cristo che yila'.

A Tx'an Is Carta San Pablo Bay Eb Aj Filipos 1:27

Palta caxc'al ok in tok ayex, ma c'amak, watx'okabc'al che yut e beybal tol chi cha ba axca yalon Cristo yin is k'anejal yet colbanilej. Ta axca tu', ok wab e k'umal, tol ac'ala' tec'an e waayi, cax tol ac'ala' junnej nabalejal e yayji bay tu'. Ok wab c'apaxok, tol jun lajanc'al e yaon oc e c'ul yin jun k'anejal yet colbanilej tu', cax caw tec'an e waay yin.

A Tx'an Is Carta San Pablo Bay Eb Aj Filipos 1:29

Yuj is watx'c'ulal Cristo max yak' ayon, tol man asannejok tol ay jalon jet jaon oc co c'ul yin, palta tol ay c'apax jalon jet jaben yailal yetok.

A Tx'an Is Carta San Pablo Bay Eb Aj Filipos 1:5

Yujtol yecheltaxc'al max e chaon Cristo, masantac'al tinani', junxanej mulnajilal chi jun yin is k'anejal yet colbanilej tinani'.

A Tx'an Is Carta San Pablo Bay Eb Aj Filipos 1:6

Mayal chail Dios yich mulnaj oc e yin. A tinani', wojtak sic'libil, tol ok mulnajc'al oc e yin, masantac'al yet jun c'ual yet ok jay Jesucristo.

A Tx'an Is Carta San Pablo Bay Eb Aj Filipos 2:19

Chi wochej chin chektok Timoteo ti' ayex yet jayeb c'u, ta axca tu' chi el yin c'ul Cham Jajawil Jesús, yujtol chi wochej chi wabej tzetbil e yayji bay tu', cax chi tzaloj aj in c'ul e yuj cayti'.

A Tx'an Is Carta San Pablo Bay Eb Aj Filipos 4:1

Ex wuẍtak, ex wanab camc'ulnebil wuj, caw chi wochej chex toj wila', yujtol in tzalojc'ulal e yayji ocok. E yuj xan ay in paktzil ok in cha'. Yuj tu', ex camc'ulnebil wuj, caw tec'an che yut e ba e yaon oc e c'ul yin Cham Jajawil.

A Tx'an Is Carta San Pablo Bay Eb Aj Filipos 4:15

Ex aj Filipos, e yojtakxa, tol a yet max in chaon el yich walon el k'anejal yet colbanilej, yet max in tit bay Macedonia, asan ex colwajnak ex ayin. Asan ex anejtek in gasto bay tu'.

1 Ts 1:3

Chex co natek satak co Mam Dios, tol caw wal chex mulnaj yin yet Cham, yujtol caw wal che ya ton oc Cham yin e c'ul. Chi co natek, tol caw wal che yak' serbil Cham, yujtol xiwil e camc'ulal yin. Yetok c'apaxok, caw wal tec'an che yut e ba, yujtol asan Cham Jajawil Jesucristo che yaoc yipok e c'ul.

2 Ti 2:10

Ay juntzanxa eb sic'bilxa el yuj Dios, chi wochej ok cha' eb watx'il jetok. Yuj tu' xan chi wak' techaj jantakc'al tzet chi jay wiban, yet watx' chi cha' c'apax eb is colbanil miman yelapnok. Jun chi ak'lay ayon yin junelnej, yuj junxanej jayji yetok Cristo Jesús.

Hebreos 12:1

Xiwil ton mac tx'oxnak el ba tol max ya ton oc c'ul yin Dios. A eb yanak oc yin c'ul tu', axca tol oyan oc eb jinlak tinani'. Ayon lananxa jak'on jip axca eb chi yak' yanej. Yuj tu', yowalil chi jiek el jiban juntzan axca ikatz ikbil aj juj, yujtol yuj juntzan tu' xan yob co beyi. Yetok c'apaxok, yowalil chi co bekekcan yobtakil, yujtol a yobtakil tu', lajan axca tzet chi toj bac'an xol jakan, cax chon aj telnaj yuj. Yowalil tec'an chi jut co ba jak'on jip, axca eb chi yak' yanej tu'.

Hebreos 4:1

Yak'nakcan Dios is ti', tol chi je' joc xew yetok. Yuj tu', jilekc'al co ba sic'libil, yet watx' c'amokab junok on tol c'am chon oc xew yetok.

Hebreos 4:11

Yuj tu', jak'ek jip joc bay jun xewilal tu', yet watx' c'am junok on chi jut co ba axca yutnak ba eb maj iken tu'.

Hebreos 5:9

Axa yet max tz'aknaj el xin, max ak'lay yopiso yak'on colbanilej tol ayc'al yin tojbalk'inal bay masanil eb chi iken tzet chi yala'.

Is Babel Carta San Pedro 2:11

Ex wuẍtak, ex wanab camc'ulnebil, man co conobok yulyibank'inal ti', yujtol ec'jabwomc'al jayji bay. Yuj tu' xan chin tewitok ayex, tol manchak e beybalnej juntzan tzet chi yochej oc e mimanil. Yujtol a juntzan yob ochwanilal tu', chi yak'lej owal yetok janimail.

Yet Is Cab Carta San Pedro 3:18

Jak'ek jip jojtaknen el Cham Jajawil, co Colomal Jesucristo wal sic'libil. Yetok c'apaxok, yelokabc'al tol tz'akan chi co cha is watx'c'ulal junjun c'u. Mimanokab yelapnok Cham Jajawil tu' tinani', c'al yin tojbalk'inal. Yunokabi.