A Tx'an Is Carta San Pablo Bay Eb Aj Filipos 2:1 - A Txꞌan Biblia Yin Kꞌanjobal 1989

¹ Chon yiptzej Cristo. Chi yak' co mimanc'ulal yuj is camc'ulal jin. Junxanej jayji yetok Cham Yespíritu tinani'. A Cham chi ak'on co camc'ulal yet watx' chi ok' co c'ul yin eb jet animail.

A Tx'an Is Carta San Pablo Bay Eb Aj Filipos 2:1 Iomraidhean Croise

Salmos 133:1

Ilek wali, jantakxa wal watx'il chaon ba yayji ec' eb yuẍtakc'al ba, eb yanabc'al ba yin junej.

Is 16:11

Caw wal cusiltakxac'al in c'ul yuj Moab, c'al yuj Kir-hareset, axca cusiltakil yoc nuk' te arpa.

Lc 2:25

A yet jun tiempoal tu', ayic' jun cham anima chi yik Simeón bay Jerusalén tu'. Caw wal watx' is beybal cham, asan bay Dios chi yal ba. Echbanebilc'al jay tiempoal yuj, yet ok colchaj eb yet israelal. Ayoc cham yalan yikbej Cham Espíritu Santo.

Jn 14:18

Ayin ti', maj ex in bekcan e tx'oklil, ok in jay pax ayex junelxa.

Jn 14:27

A tinani xin, chi wak'can junc'ulal ayex. A caw in junc'ulal chi wak'can ayex. Man axcaok junc'ulal chi yak' eb yet yulyibank'inal ti', man cayoktu' wet chi wak'can ayex. Manchak e yak' somchaj e c'ul, cax c'am chex xiwi.

Jn 17:13

Ok in pax ayach. Yak'ban wal ayinto ec' jabokxa bay yulyibank'inal ti', chi walcan juntzan ti', yet watx' axcaokab in tzaloj ti', cayokab tu' chi yun tzaloj aj eb yin sic'libil.

Tzetak Yetal Max El Yunen Eb Chekbej Jesús 2:46

Junjunc'al c'u, cayc'al ti' wajban ba eb bay yamak'il templo Dios. Chi wajbaj c'apax ba eb bay nalak, cax chi pojon ec' eb is pan xol. Junxanej loj chi yun eb yuj tzalojc'ulal. Caw chi aj can junc'ulal xol eb.

Tzetak Yetal Max El Yunen Eb Chekbej Jesús 4:32

Jun lajanxac'al nabal eb creyente masanil. Caw wal ay junc'ulal xol eb. C'am junok mactxel chi yaloc junok tzet yetal yetok tx'oklil, yujtol junnejc'al yayji is tzetak yetal eb masanil.

Ro 5:5

Maj el co q'uixwil yet chi jaon oc Cham yipok co c'ul, yujtol tz'akaki max yut yak'on Cham is camc'ulal yin janimail yet max yak'on Cham Espíritu Santo ayon.

Ro 8:26

Ac'ala' c'apax Cham Yespíritu Dios, caw wal chi oc Cham jetok bay man tz'akanok co nabal. Yujtol man jojtakok tzet chi jut txajlok co ba axca chi yochej Dios. Ay bay toc'al chon sik'son aj jay co c'ul, yujtol c'am chi nachaj juj tzet chi jut jalon co ba bay Dios. Palta axa Cham Espíritu chi txajli juj yin co k'akawil tu'.

1 Co 12:13

Yujtol co masanil, caxc'al israel on, caxc'al c'amak, junnej jayji co masanil. Caxc'al mosejal jayji bay junok mactxel, caxc'al jet co ba, palta junnej jayji. Yujtol a yet max on ak'lay bautizar, junxanej max juncan yetok Cristo. Asan yuj Cham Yespíritu Dios, xan axca tol junnej mimanilej jayji, yujtol max ak'lay cajay Cham jin co masanil.

1 Co 15:31

Ayin ti' ex wuẍtak, ex wanab, junjunc'al c'u ijan chin mak'lay camok. Wal yel chi wal ayex, caw wal chin tzaloj e yuj, yujtol ayoc Cham Jajawil Jesucristo yin e c'ul wetok.

1 Co 3:16

¿Tom man e yojtakok tol templo ex Dios, cax tol cajanxa ec' Cham Espíritu e xol?

2 Co 13:14

Yak'okab Cham Jajawil Jesucristo watx'c'ulal ayex, cax yak'okab Dios is camc'ulal ayex. Ayokab oc Cham Espíritu Santo e yetok e masanil.

2 Co 2:14

Palta jalek yuj diosalil bay Dios, yujtol masanil tiempo chic'al je' co tx'oxk'abnen elok, tol caw miman yelapnok Cristo Jesús, yujtol max ujc'al yuj. Chon is k'anbalnej, yet watx' chi pukax el yabixal bay junjun lugar, axca chi yun yel jab junok tzet yetal suk'uk'ixac'al yoc jab.

Gl 4:6

Max yatek Dios Cham Yespíritu is C'ajol jin junjun on, yet watx' chi txecloj elok, tol yuninal onxa. A Cham Espíritu ayoc jin, a yet chi aj yaw Cham: Mamin, Mamin, ẍi Cham.

Gl 5:22

A pax Cham Yespíritu Dios xin, a' chi ak'on junej tol chi co camc'ulnen co ba, chon tzaloji, chon ayji ec' yin junc'ulal. Chi yak'on c'apax jak' techaj tzanc'al tzet chi jay jiban. Yuj Yespíritu tu' xan ay co yabenc'ulal bay eb jet animail, watx' chi jut co nabal yin eb. Yuj c'apaxok, xan yikem on.

Ef 4:4

Yujtol ayon ti', axca tol junnej animail jayji. Junnej Cham Espíritu ayoc jin. Junnej tzet chi jaoc yipok co c'ul, a ton jun bay awtebil on ocok.

A Tx'an Is Carta San Pablo Bay Eb Aj Filipos 1:8

Yojtak Dios tol caw chex in camc'ulnej e masanil yetok is camc'ulal Jesucristo ak'bil ayin.

A Tx'an Is Carta San Pablo Bay Eb Aj Filipos 3:3

Palta ayon ti', ak'bil onxa circuncidar yin yel yul sat Dios, ayon tol chi jal co ba bay Dios yuj Cham Espíritu. Asan yin Cristo Jesús chon tzaloji, axa tzet chi je' juneni c'am chi jaoc yipok co c'ul.

A Tx'an Is Carta San Pablo Bay Eb Aj Colosas 2:2

Chi wochej chi ak'lay tec'anil e nabal yetok eb, jun lajanxanejokab e camc'ulnen e ba e masanil. Chi wochej chex jelanbi yin yet Dios, yet watx' chex texac'al tec'anbi. Ta axca tu', ok nachaj wal el e yuj jun man ojtakbilok yet yalantok tu', tol a ton Cristo.

A Tx'an Is Carta San Pablo Bay Eb Aj Colosas 3:12

Caw ay is camc'ulal Dios jin. Max on sic' oc yetok, yet watx' axa Cham ayon yet. Ok'okab co c'ul yin jet animail, watx'okab chi jut co c'ul bay eb. Yaynakilokab chi jut co ba. Jak'ek mimanc'ulal yin eb chi oc mul ayon.

Hebreos 6:18

Yak'nak Dios is ti', cax max locban is bi, yuj tu', a tzet yalnakcanok, c'am bak'in tol man ok yunej, yujtol a Dios, c'am chi je' yak'on lek'tial. A tzet yalnakcanok, chi jaoc yipok co c'ul, yujtol janak oc co ba yul k'ab yuj on is coloni. Lanan jechbanen tzet ok yak' ayon, cax ayoc yipok co c'ul.

Is Babel Carta San Pedro 1:2

Ayon ti', sic'bil onxa el yuj co Mam Dios, axcata' max yut naon oc jin yettax payxa. A Cham Espíritu Santo max con aon oc yetok, yet watx' chi jikej tzet chi yala', cax chi elcan co yobtakil jiban yuj chiq'uil Jesucristo. Mimanokab watx'c'ulal, c'al junc'ulal Dios chi yak' ayex bay tu'.

1 Jn 3:24

Ta chi jikej is chekbanil, tita' wal tol ayon oc yin Cham, cax ayoc Cham jin junjun on. Jojtak tol ayoc Cham jin, yujtol max yak' Cham Espíritu ayon.

1 Jn 4:12

Caxc'al mi c'amto junok chi ilon yin Dios junelok, palta ta chi co camc'ulnejek co ba, cajan oc Cham jin chi yal tu', cax chic'al yi yip is camc'ulal tu' jin.

1 Jn 4:16

Chi jaoc yin co c'ul, tol a Dios chon is camc'ulnej. Caw wal jojtak jun ti' sic'libil. A Dios ayc'alta' is camc'ulal, yuj tu' xan ta ay co camc'ulal ayon ti', tita' tol ayon oc yin Cham chi yal tu', cax ay c'apax oc Cham jin.