A Tx'an Is Carta San Pablo Bay Eb Aj Filipos 1:9 - A Txꞌan Biblia Yin Kꞌanjobal 1989

⁹ Chin k'an bay Dios e yuj, tol chi aj can e camc'ulal, cax chi yak'on is jelanil ayex. Chin k'an c'apax bay, tol chex aj can yin nachaj el masanil is tzetak yetal,

A Tx'an Is Carta San Pablo Bay Eb Aj Filipos 1:9 Iomraidhean Croise

Job 17:9

Cax ok beyc'altok eb tojol yin watx' beybalil; a eb c'am yobtakil chi yunej, ok ajc'al can eb.

Salmos 119:66

Chi yochej in c'ul chin a cuy yin jelanil, c'al yin ojtakbilal, yujtol a a chekbanil chi waoc yipok in c'ul.

Pr 4:18

A watx'ilal chi yi' eb tojol beybal, chi ajc'al can, axca chi yun yel leeok sakbi masantac'al yet canxa c'u.

1 Co 14:20

Ex wuẍtak, ex wanab, manokab axcaok nabal unin, manokab axcaok tu' che yut e nabal yin juntzan ti'. Axa e beybal xin, matawal axca unin tol c'am bay chi yun eb junok tzet man watx'ok, mata caytu' che yut e ba, cax caw tec'an che yut e nabal, yujtol may ex uninok.

2 Co 8:7

Xiwil watx'il tzet chi el e yunen tu'. Caw che yaoc yin e c'ul. Caw cuywajwom ex, jelan exxa. Caw watx' chi yun e mulnaji. Chon e camc'ulnen c'apaxok. Yuj tu', matawal che tx'oxk'abnej c'apax el e watx'il yin e yak'on e yofrenda.

Ef 5:17

Manchak jut co ba yin c'am nabalil. Jak'ek jip jojtaknen el tzet chi yochej Dios chi co beybalnej.

A Tx'an Is Carta San Pablo Bay Eb Aj Colosas 1:9

Yuj tu', xan atax yet max jaben e yabixal, cayc'al ti' co txajli e yuj. Chi co k'an bay Dios tol chi ak'lay e jelanil yuj is Yespíritu, cax chi yak'on nachaj el e yuj sic'libil is yochwan Dios.

A Tx'an Is Carta San Pablo Bay Eb Aj Colosas 3:10

A tinani', q'uexpojnakxa co nabal. Lanan watx'ji oc co nabal ti', yet watx' lajanxa chi yun jeloc yetok Cham mac watx'nenej on, cax chi jojtaknen wal el Cham.

1 Ts 3:12

Chi jochej chi yak' mimanbok Cham Jajawil e camc'ulal, yet watx' che camc'ulnelej e ba wal sic'libil, cax ok je' e camc'ulnen masanil anima axca chex jut co camc'ulneni.

1 Ts 4:1

Ex wuẍtak, ex wanab, ilab ec' albil juj ayex, tol watx' che yutc'al e beybal, yet watx' chi tzaloj Dios e yetok. A tinani xin, yuj chekbej on Cham Jajawil Jesucristo, xan chi cam wal jalontok ayex, tol chex ajc'alcan e yiken jun chekbanil ti'.

2 Ts 1:3

Ex wuẍtak, ex wanab, yowalilc'alta' chi jal yuj diosal bay Dios e yuj. Moj jalon yuj diosal tu' e yuj, yujtol junjun c'u che yac'al oc Dios yin e c'ul. Yetok c'apaxok, yelxac'al lanan e camc'ulnelen e ba.

Filemón 1:6

Ay eb chi yaoc c'ul yin Cristo oj, yujtol chi yil eb tol ayoc yin a c'ul. Lanan in k'anon bay Dios yuj eb, yet watx' chi nachaj el yuj eb, tol a Cristo Jesús chi ak'on masanil tzet watx' ayon.

Hebreos 5:14

A cuybej ya nachaj elok, lajan axca tzet chi lo' icham anima. Yuj tu' xan, asan eb tec'anxa is nabal chi cuyon juntzan tu'. Yojtakxa eb chi nailok, baytet ay watx', baytet ay tzet man watx'ok.

Is Babel Carta San Pedro 1:22

A tinani', lanan jiken jun cuybej acaw yel. Axca tu' chi jut co jichlonen oc co beybal, yet watx' yel wali, ayokab co camc'ulal yin eb juẍtak, c'al yin eb janab. Yuj tu', yowalil chi co camc'ulnej co ba yin masanil co c'ul, c'al yin masanil jip.

Yet Is Cab Carta San Pedro 3:18

Jak'ek jip jojtaknen el Cham Jajawil, co Colomal Jesucristo wal sic'libil. Yetok c'apaxok, yelokabc'al tol tz'akan chi co cha is watx'c'ulal junjun c'u. Mimanokab yelapnok Cham Jajawil tu' tinani', c'al yin tojbalk'inal. Yunokabi.