A Tx'an Is Carta San Pablo Bay Eb Aj Filipos 1:5 - A Txꞌan Biblia Yin Kꞌanjobal 1989

⁵ Yujtol yecheltaxc'al max e chaon Cristo, masantac'al tinani', junxanej mulnajilal chi jun yin is k'anejal yet colbanilej tinani'.

A Tx'an Is Carta San Pablo Bay Eb Aj Filipos 1:5 Iomraidhean Croise

Tzetak Yetal Max El Yunen Eb Chekbej Jesús 2:42

Caw wal max yaoc eb c'ul yin juntzan cuybanilej max yak' eb chekbej Jesús. Junxanej max yut eb nabal masanil. Chi wajbanc'al ba eb. Chi loon eb ixim pan, ixim nabaniltek Cham Jajawil, cax chi txajlic'al eb.

Ro 11:17

Palta ay eb wet conob elnak yul is k'ab Dios. Axca junok te k'ab olivo chi tzoc'lay el yin is txutxal, caytu' eb. Axa ayex ti' xin, axca junok k'ab te xolakteal olivo, cayex tu', yujtol mayex israelok. Palta axca tol max quex tz'unlaycan oc q'uexelok eb bay max tzoc'lay el yin te txutxalej tu', yujtol ay e yalon e yet yetok eb jichmam on ayon israel on ti'.

Ro 12:13

Colwajok on bay eb jet creyenteal, yet ay tzet caw yowalil chi oc yuj eb. Ak'omokab on posada bay eb chi ec' ayon.

Ro 15:26

Yujtol max el yin c'ul eb aj Macedonia, yetok eb aj Acaya yion aj jun ofrenda, cax chi toj bay eb creyente meba' bay Jerusalén tu'.

1 Co 1:9

A Dios chic'al yun masanil tzet chi yala'. A Cham max on awten oc yetok, yet watx' ay jalon jet yetok Cham is C'ajol, a ton Cham Jajawil Jesucristo.

2 Co 8:1

A tinani' ex wuẍtak, ex wanab, chi jochej chi jaltok ayex, tzet max yun txecloj el watx'c'ulal Dios nan xol eb creyente bay juntzan iglesia bay yul yet Macedonia ti'.

Ef 3:6

Tix ton juntzan max ak'lay jojtaknej el ti', tol ayex mayex israelok ti', a yet che yaon oc e c'ul yin is k'anejal yet colbanilej ti', cax chex oc yuninalok Dios jetok ayon israel on chi jaoc co c'ul yin ti'. Yuj Cham, xan ok e cha' e k'inal jetok. Axca tol junxanej animail jayji yul sat. Max yak' Dios is ti' yuj tzet t'inan yak'on ayon yin Cristo Jesús. Jun lajanxa e chaon jun tu' jetok.

A Tx'an Is Carta San Pablo Bay Eb Aj Filipos 1:12

Ex wuẍtak, ex wanab, chi wochej c'apax chi nachaj el junxa ti' e yuj, tol a tzet max jay wiban ti', man yobok wet yuj, palta tol yuj, xan chi aj can pukax el k'anejal yet colbanilej tinani'.

A Tx'an Is Carta San Pablo Bay Eb Aj Filipos 1:27

Palta caxc'al ok in tok ayex, ma c'amak, watx'okabc'al che yut e beybal tol chi cha ba axca yalon Cristo yin is k'anejal yet colbanilej. Ta axca tu', ok wab e k'umal, tol ac'ala' tec'an e waayi, cax tol ac'ala' junnej nabalejal e yayji bay tu'. Ok wab c'apaxok, tol jun lajanc'al e yaon oc e c'ul yin jun k'anejal yet colbanilej tu', cax caw tec'an e waay yin.

A Tx'an Is Carta San Pablo Bay Eb Aj Filipos 1:7

Caw wal chex in camc'ulnej; watx' ton tzet chin na ti', yujtol ayex ti' ayoc e colwal wetok yin wopiso max yak' Dios. Max ex colwajc'al wetok yet bekan wayji yin walon elok tol yel jun k'anejal yet colbanilej; lanantoc'al e colwaj wetok caxc'al ayin oc yul preso ti'.

A Tx'an Is Carta San Pablo Bay Eb Aj Filipos 2:12

Yuj tu', ex in camc'ulnebil, yikemokabc'al che yut e ba, axcac'alta' e beybal yet ayin ec' e yetok bay tu', cayokabc'al tu' che yut e ba yet c'am in ec' e yetok. Ayokab e yelapnok yul e sat junjun ex; ak'ek e yip yin yaynakilal, yet watx' chi tz'aknaj el e colbanil.

A Tx'an Is Carta San Pablo Bay Eb Aj Filipos 2:22

Palta e yojtakxa, tol a Timoteo ti' caw ojtakbilxa is beybal. Axca junok c'ajolej yetok is mam, axca tu' yak'on Timoteo ti' wetok. Caw chi yak' serbil Cham Jajawil wetok, yin yalon el k'anejal yet colbanilej.

A Tx'an Is Carta San Pablo Bay Eb Aj Filipos 4:3

Ach wuẍtak, jet mulnajwomal, chin k'an ayach, tol chach colwaj a watx'nen el is k'anej eb janab bay tu', yujtol a cawan eb janab tu', caw max tec'baj ba eb mulnaj wetok, yet max ec' walon el k'anejal yet colbanilej. Yetok c'apaxok, max mulnaj nak Clemente wetok, c'al juntzanxa eb. A eb tu', tz'ibbilxatok bi eb yul tx'an libro bay tz'ibxa yayji co bi ayon ayxa co k'inal tol ayc'al yin tojbalk'inal ti'.

Filemón 1:17

Ta caw jetbi co ba cha na', cha apnok nak entak junelxa. Axcaok tol ayin chin a cha' apnok entak, caytu' chot a chaon apnok nak.

Hebreos 3:14

Yujtol ta tec'anc'al co waay masantac'al yet lajubal, yin tzet janak oc yipok co c'ul yettax yichbanil, ay jalon jet yetok Cristo.

Yet Is Cab Carta San Pedro 1:1

Ayin ton Simón Pedro in, yak'omal in serbil Jesucristo. Is chekbej in c'apaxok. Ti chin tz'ibejtok jun in carta ti' ayex, ex che yaoc e c'ul yin Dios jetok on, xan lajan wal watx'il e yet axca jet ti'. Tix yuj ti' xan watx' jet, yujtol a co Diosal, a ton Cham co Colomal Jesucristo, caw watx' ton Cham.

1 Jn 1:3

Xan a Cham max jil on tu', c'al max jab k'anjab tu', a' chi jalil ayex, yet watx' watx'xac'al jak'oni. Yujtol wal yel, watx'xac'al jak'on yetok co Mam Dios, c'al yetok Jesucristo is C'ajol.

1 Jn 1:7

A Dios sakk'inal yayji. Ta a sakk'inal tu' chi co beybalnej, cax ta watx'c'al jak'on junjun on, axa chiq'uil Jesucristo is C'ajol, a' chi sakbanen el masanil co yobtakil jin.