A Tx'an Is Carta San Pablo Bay Eb Aj Filipos 1:30 - A Txꞌan Biblia Yin Kꞌanjobal 1989

³⁰ Ayex ti', jun lajan e yak'on e yip e tec'ban e ba wetok. E yilnak in, tol caw tec'an wutnak in ba e nan e xol. Axa tinani', lanan e yabeni, tol ac'ala' tec'anc'al chi wut in ba.

A Tx'an Is Carta San Pablo Bay Eb Aj Filipos 1:30 Iomraidhean Croise

Jn 16:33

Max wal masanil juntzan ti' ayex, yet watx' chex can yin junc'ulalil wuj. A bay yulyibank'inal ti', ok ton e yil yail, palta tec'bajek e ba, yujtol a eb yet yulyibank'inal ti', mayal can eb yalan wuj, ẍi Jesús bay eb.

A Tx'an Is Carta San Pablo Bay Eb Aj Filipos 1:13

Ilab tol masanil eb soldado c'al eb yajaw, c'al juntzanxa eb anima cayti', maxc'al yab eb masanil, tol asannej yujtol chi waoc in c'ul yin Cristo xan ayin oc preso.

A Tx'an Is Carta San Pablo Bay Eb Aj Colosas 1:29

Yuj juntzan ti' xan caw chi wiajtek in c'ulok in mulnaji. Caw chi wak' wip yin masanil in c'ul, yujtol chi yak' Cham wipalil.

A Tx'an Is Carta San Pablo Bay Eb Aj Colosas 2:1

Chi wochej chi nachaj el e yuj, tol caw chin lajoc ex wak'on serbil c'al eb aj conob Laodicea. Chi wak' c'apax serbil masanil eb creyente c'amto bay chin iloni.

1 Ts 2:2

Babel ec'nak on bay conob Filipos,*fn* cax e yojtak tol ec' jilnak yailal bay tu'. Max on yetnej eb sic'libil. Ac'ala' yet max on apni bay e conob tu' max jil c'apax yailal, palta max oc Cham co Diosal jetok. Yuj tu' xan c'am jabok max on xiw jalon el k'anejal yet colbanilej e xol.

1 Ti 6:12

Axca junok soldado caw tec'an chi yut ba, cayokab tu' chot aon oc a c'ul yin Cham Jajawil. Axca ti' chot a chaon a k'inal tol ayc'al yin tojbalk'inal. Yuj a chaon a k'inal tu', xan max ach yawtej oc Dios yetok. Caw watx' max ot alon satak masanil eb max aben aloni, tol Jajawil ton Jesucristo.

2 Ti 4:7

Axca junok mac chi oc yin junok anejbail, axca tu' max wut in ba in mulnaj yin yet Dios. A tinani xin, mayal yi ba wopiso yin watx'il. Max in ya'ilnej masanil tiempo juntzan cuybej max jaoc yin co c'ul.

Hebreos 12:1

Xiwil ton mac tx'oxnak el ba tol max ya ton oc c'ul yin Dios. A eb yanak oc yin c'ul tu', axca tol oyan oc eb jinlak tinani'. Ayon lananxa jak'on jip axca eb chi yak' yanej. Yuj tu', yowalil chi jiek el jiban juntzan axca ikatz ikbil aj juj, yujtol yuj juntzan tu' xan yob co beyi. Yetok c'apaxok, yowalil chi co bekekcan yobtakil, yujtol a yobtakil tu', lajan axca tzet chi toj bac'an xol jakan, cax chon aj telnaj yuj. Yowalil tec'an chi jut co ba jak'on jip, axca eb chi yak' yanej tu'.

Hebreos 12:4

Caxc'al tec'an che yut e yajc'ulnen e ba yetok yobtakil, palta c'amto chex cam yuj.

Ap 12:11

A eb tu' max yak' techaj eb, yujtol yujc'al eb xan max cam Cham chi yik Calnel tu', cax elnak is chiq'uil. Max uj yuj eb, yujtol tec'an max yut ba eb yak'on ba testigoal yin. C'am jabok max xiw eb cami, a ti' yet eb tol bekan max yut eb c'ul.