A Tx'an Is Carta San Pablo Bay Eb Aj Filipos 1:28 - A Txꞌan Biblia Yin Kꞌanjobal 1989

²⁸ Manchak ex xiw bay eb chi chichon oc c'ul jin. Caytu' ok e yut e tx'oxk'abnen elok, tol ok c'aycan el eb yin junelnej. Yetok c'apaxok, caytu' ok yun txecloj elok, tol ayxa co colbanil, yujtol caytu' ok yut Dios tx'oxk'abnen elok.

A Tx'an Is Carta San Pablo Bay Eb Aj Filipos 1:28 Iomraidhean Croise

Gn 49:18

¡Ach Jehová chi wechbanej in a coloni!

Salmos 50:23

A mac chi alon yuj diosalil ayin, ay welapnok yul sat. A mactxel ikem ayin, ok in colcan elok, ẍi Dios.

Is 12:2

Yel wali, a ton Dios co Colomal yayji, a' ayoc yipok co c'ul tinani', cax c'amxa chon xiwi. Chon bitni bay Jehová, yujtol a chi ak'on jip, max on is col c'apaxok, quex chi.

Is 51:12

Axca ton ti' yalon Jehová: Ayin toni, ayin chex in mimanc'ulnej, ¿macto wal bay ok ex xiwok? ¿A mi bay eb winak tol cambejal yayji, tol lajanc'al eb axcac'al an ac'un?

Is 51:7

A ayex e yojtakxa tojolal, ex che ya wal oc in chekbanil yin e c'ul, abek xin. C'am chex xiwaj yuj eb chi buchwaji; manchak cabax aj e c'ul yuj yob k'anej chi yal eb,

Mt 10:28

Manchak ex xiw bay eb chi je' ex yak'on camok, yujtol tok ok je' yak'on cam eb e yanimail. A bay Dios chex xiwi, yujtol chi je' yuj Cham ex yak'on camok, c'al yaontok e mimanil c'al e yanimail bay infierno.

Mc 3:3

Axa yalon Jesús bay nak sicbinak el k'ab tu' axca ti': —Ajan wan, ocan lecan co nan ti', ẍi bay nak.

Lc 3:6

Cax ok yilon eb masanil jay Cham Colwajwom chekbiltek yuj Dios, ẍi bay tz'inan tx'otx' tu', ẍi yul tx'an Un Tz'ibbilcanok.

Jn 16:8

A yet ok jayok, ok yak' yojtaknej el eb yet yulyibank'inal ti', tol yobtakwom eb. Ok yak' yojtaknej el eb, tol watx'c'al max wut in ba, cax ok yak' c'apax yojtaknej el eb, tol ok beyc'ulnelay eb yuj Dios.

Tzetak Yetal Max El Yunen Eb Chekbej Jesús 28:28

Yuj tu xin, nachajokab el e yuj, tol lanan yak'on Dios jun colbanilej ti' bay eb man israelok. Yujtol chi yacbaj eb tu' txiquin bay, ẍi Pablo bay eb.*fn*

Ro 8:17

Yujtol yuninal onxa Dios, yuj tu' ok co cha' co satak ok yak'a'. Ac'al oc jet ok co cha' yetok Cristo. Tatol chi jab yail yetok Cham, junnej ok on ayjok yetok xol is watx'ilal.

1 Ts 2:2

Babel ec'nak on bay conob Filipos,*fn* cax e yojtak tol ec' jilnak yailal bay tu'. Max on yetnej eb sic'libil. Ac'ala' yet max on apni bay e conob tu' max jil c'apax yailal, palta max oc Cham co Diosal jetok. Yuj tu' xan c'am jabok max on xiw jalon el k'anejal yet colbanilej e xol.

Hebreos 13:6

Yuj tu', c'am chon xiw jalon axca chi yal yul tx'an Un: Chi colwaj Cham Jajawil wetok, xan c'am chin xiwi. Tok ay tzet chi je' quin yuten eb anima, ẍi.

Ap 2:10

Manchak ex xiw yuj juntzan yailal ok jayoc e yiban. Ay ex ok ex alay oc preso yuj nak diablo, yuj ex yak'on porobal. Ok e yab yail lajonebok c'u, palta yikemokabc'al che yut e ba masantac'al camich. Ok in paktzej e yikemal tu', a ton e k'inal tol ayc'al yin tojbalk'inal.