A Tx'an Is Carta San Pablo Bay Eb Aj Filipos 1:20 - A Txꞌan Biblia Yin Kꞌanjobal 1989

²⁰ Yin masanil in c'ul, chi wochej tol c'am chi wak' in q'uixwilok. Chi wochej, caw tec'anc'al chi wut walon elok, axca tonc'al chi wut in ba ti'. Ta axca tu', caxc'al iquis in, ma chin cami, palta ok txeclojcan el win, tol caw miman yelapnok Cristo.

A Tx'an Is Carta San Pablo Bay Eb Aj Filipos 1:20 Iomraidhean Croise

Salmos 119:116

Mamin, ak' wip xin, axca yalon alben, cax iquis inc'al; manchak a ten lajwok tzet ayoc yipok in c'ul.

Salmos 119:80

Watx'okab yayji in nabal yin a beybal, yet watx' c'am bay ok je' in q'uixwi ajok.

Salmos 25:2

Ach in Diosal, asan ach chach waoc yipok in c'ul. Manchak in a bektok yin mimek q'uixwil. C'am chi yal in c'ul chin tzeyelay yuj eb ajc'ul oc win.

Salmos 62:5

Asan yin Dios chi chaloj junc'ulal wuj. Asan Cham ayoc yipok in c'ul.

Pr 10:28

A tzet lanan tit is satak mactxel watx'c'al is nabal, a ton tzalojc'ulal; axa watx'il chi yechbanej eb yobtakwom, man ok cha eb.

Pr 23:18

Ta axca tu' ok onej, caw wal watx' ok ach el ocok, axa tzet ayoc yipok a c'ul, c'am yechel tol ok lajwok ec'ok.

Is 45:17

A pax Israel xin, a wal caw Jehová ok colon yin junelnej. C'am yechel tol yaynakil ok yunej, tamwal q'uixwi ajok.

Is 50:7

A Jehová Cham Wajawil chi colwaj wetok. Yuj tu' xan maj cabax aj in c'ul yuj tzet max in yut eb. Yuj tu' xan tec'anc'al in waay axca junok miman ch'en, wojtak wali tol man ok el in q'uixwil.

Is 54:4

Ex aj Jerusalén, manchak ex xiwi. Manxa ok el e q'uixwil, manxa ok ex utlay yin yaynakilal. Manxa ok e natek q'uixwilal max yun e conob yet payxa, yet max in e bekoncanok, axca junok ix ix c'amxa yichamil.

Jn 21:19

Max yal axca ti', yuj tzetbil ok yun cam Pedro tu', cax ok tx'oxk'abnen elok tol caw miman yelapnok Dios. Lajwi tu', max yalon c'apax bay axca ti': —Ocan tzakan wintak, ẍi bay.

Tzetak Yetal Max El Yunen Eb Chekbej Jesús 20:24

Palta c'am chin oc il yuj juntzan tu'. Caxc'al chin cam yuj, palta c'am yelapnok jun camich tu' yul in sat. Asantanej wal chi wak' lajwok jun in mulnajil mitx'bil oc ti' yin tzalojc'ulal, cax chi lajwi wopiso yak'nak Cham Jajawil Jesús ayin, jun opiso yin aloj el k'anejal yet colbanilej yuj is watx'c'ulal Dios.

Tzetak Yetal Max El Yunen Eb Chekbej Jesús 21:13

Palta max yal ayon axca ti': —¿Tzet yuj xan chex ok'i cax chin e tx'emon cus axca ti'? Tok ay yelapnok yul in sat ta chin c'al-lay ay yuj eb. Caxc'al chin is mak' cam eb bay Jerusalén tu' yuj Cham Jajawil Jesús, ok wak' in ba bay eb, ẍi ayon.

Tzetak Yetal Max El Yunen Eb Chekbej Jesús 4:31

A yet max lajwi txajli eb tu', axa tziclay jun na bay wajan ec' eb tu', cax max can eb masanil yalan yikbej Cham Espíritu Santo. Yuj tu xin, caw tec'an waay eb, chi yalon el eb k'anej Dios.

Ro 12:1

Ex wuẍtak, ex wanab, caw chi ok' c'ul Dios jin. Yuj wal tu', chin tewi ayex, tol che bekoc e ba yul is k'ab. Axca junok xajanbal iquis, tol chi ak'lay bay Cham. Ta chi co bekoc co ba bay axca tu', chi yal elapnok tol yet on, cax chi tzaloj c'ul Cham jin. Axca tu' is mojal chi yun joc ayilal bay.

Ro 5:5

Maj el co q'uixwil yet chi jaon oc Cham yipok co c'ul, yujtol tz'akaki max yut yak'on Cham is camc'ulal yin janimail yet max yak'on Cham Espíritu Santo ayon.

Ro 6:13

Manchakxa co bek co mimanil yul k'ab tzet man watx'ok, cax chi junen yobtakil. Yowalil asan yul k'ab Dios chi jaoc co ba, yujtol camnak onxa yul sat, cax max on ictzonelay pax ajok. Yuj tu', jak'ek co mimanil bay Dios, yet watx' asan tzet watx' chi el junen yetok.

Ro 6:19

A juntzan chi waltok ayex ti', axca tol comon abixc'al chi wut walontok, yujtol c'am wal chi nachaj el juntzan cuybanilej ti' e yuj. A yet yalan, max jak' co mimanil yak'omalok serbil tzet man watx'ok, c'al jaj can yin yobtakil. Axa tinani', yowalil axcaokab tu' chi jut jak'on co mimanil ti' yak'omalok serbil watx'il, yet watx' asan yin Dios chi jaoc co nabal.

Ro 8:19

Masanil tzetak yetal watx'nebil yuj Cham, caw chi maka' bak'in ok on txeclonelay aj ayon yuninal on Cham ti'.

Ro 9:33

Yalnak Dios yabixal Cristo yul tx'an Un axca ti': Ayin wal max wacan oc jun ch'en ch'en bay conob Sión, jun ch'en bay chi chipil eb yakan, cax chi telc'ojtok eb yuj. Palta a mactxel ok yaoc c'ul yin, c'am bak'in ok somchaj el c'ul eb yuj, ẍi Dios yul tx'an Un tu'.

1 Co 15:31

Ayin ti' ex wuẍtak, ex wanab, junjunc'al c'u ijan chin mak'lay camok. Wal yel chi wal ayex, caw wal chin tzaloj e yuj, yujtol ayoc Cham Jajawil Jesucristo yin e c'ul wetok.

1 Co 6:20

yujtol manbil onxa elok. Yuj tu', jiokab can Dios yetok co mimanil ti'.

1 Co 7:34

Yuj tu xin, cab chi elok is nabal eb. Cay c'apax tu', tx'ok yel eb ix ayxa yichamil, tx'ok c'apax yel eb k'opoj c'amto yichamil. A eb ix c'amto yichamil tu', chi ec' nanon nabal eb tzet ok yut yak'on serbil eb Cham Jajawil, yujtol chi bek oc eb is mimanil c'al yanimail yul k'ab Dios. A pax eb ayxa yichamil xin, a yak'on serbil ba eb yetok yichamil yulyibank'inal ti', ok nanon ec' c'ul eb yin.

2 Co 10:8

Caxc'al xiwil chi walubtanen jopiso ayex, palta maj in q'uixwok aj yuj, yujtol a Cham Jajawil ak'nej jopiso on ti', yuj ex jiptzeni; man yujok ex jak'on etax elok, xan max yak' jopiso ti'.

2 Co 3:12

Yuj wal tol max jaoc jun ti' yipok co c'ul, yuj tu' xan c'am chon xiw jalon elok.

2 Co 4:10

Tzanc'al bay chon eq'ui, chi jab yail yetok co mimanil on, axca max yun yaben Cristo yailal camich. Chi eq'uel juntzan ti' jiban on, yuj txecloj elok, tol ayoc is k'inal Jesús jin on.

2 Co 5:15

A Cristo max cam co q'uexelok co masanil, yet watx' a ayon ayxa co k'inal yuj ti', c'amxa chi co beybalnej axca chi jochej junjun on, palta chi co beybalnej axca chi yochej Cham max cam co q'uexelok, cax max ictzonelay c'apax aj yuj Dios yuj co watx'ilok.

2 Co 7:14

Walnak bay Tito ti' tol watx' ex. A tinani xin, man yobok chin can chi wabej, yujtol walnak axca tu'. Masanilc'al tzet walnak ayex yelc'al elok. Ac'ala' c'apax yet max wal bay Tito tol watx' ex, tutun yel, xan max wala'.

2 Co 7:4

Caw wal yip in c'ul e yayji, cax chex wal watx'il. Caxc'al xiwil tzet chi alay oc jiban, palta caw chi wi' in mimanc'ulal e yuj chi wabej. Caw chin tzaloj sic'libil e yuj.

A Tx'an Is Carta San Pablo Bay Eb Aj Filipos 1:14

A yet max yilon eb creyente, tol tec'an chi wut in ba yul preso ti', xan xiwil eb chi yi' wal tec'anil wuj. C'amxa chi xiw eb yalon el k'anej Dios cayti'. Caw chi tec'baj ba eb yin Cham Jajawil.

A Tx'an Is Carta San Pablo Bay Eb Aj Filipos 2:17

Caxc'al ayin ti' chin cam tz'akilok e xajanbal che yak' bay Dios, yujtol che yaoc Cham yin e c'ul, chin tzaloji. Chi wochej tol che yab jun tzalojc'ulal tu' wetok.

A Tx'an Is Carta San Pablo Bay Eb Aj Colosas 1:24

A tinani', lanan wilon yail yuj e watx'ilok, palta chin tzaloji, yujtol a yet chi waben yail yin in mimanil ti', axca tol lanan in tz'aktzen yailal Cristo, jun yailal max yab Cham juj ayon yiglesia on ti', tol axca is mimanil Cham jayji.

1 Ts 5:23

Chi jochej tol aokab Dios, Cham ak'om junc'ulalil chex yi wal oc yetok sic'libil. Chi jochej c'apaxok, tol a' chi ak'on cuenta e yanimail, c'al e nabal, yetokc'al e mimanil, yet watx' c'am jabok e yobtakil yet ok jay Cham Jajawil Jesucristo.

Is Babel Carta San Pedro 4:16

Palta ta ayon, yujc'al yet on Cristo xin, cax chi jilon yailal, manchak on q'uixwi. Jalek watx' k'anej bay Dios, yujtol yet onxa Cristo.

1 Jn 2:28

A tinani', ex camc'ulnebil wuj, yowalilokab ayonc'al ec' yin Cristo, yet watx' c'am on chon xiwaj yet ok jayok, cax c'am chon q'uixwi aj satak, yet ok jay tu'.