A Tx'an Is Carta San Pablo Bay Eb Aj Filipos 1:11 - A Txꞌan Biblia Yin Kꞌanjobal 1989

¹¹ Ok oc Jesucristo e yetok, yet watx' tojolc'al ok e yut e beybal. Ta axca tu', ok txecloj el e yin, tzetbil tol caw xiwil watx'il c'ul Dios, cax ok al-lay watx' k'anej bay Cham.

A Tx'an Is Carta San Pablo Bay Eb Aj Filipos 1:11 Iomraidhean Croise

Salmos 1:3

A jun anima tu' axca wal jun te te' chi eq'uel junok aej yich, tol chi satni yin is tiempoal, c'am bak'in chi takcan el xak. Masanil tzet chi yun jun anima tu', watx'c'al chi yun yelocok.

Is 5:2

Max sic'can el is ch'enal, cax max watx'nen corralil, cax max yawon ay uva watx'. Max watx'nej aj jun ilbal awoj nan xol yawoj tu', max watx'nen cajonal bay chi tec'lay el an. Cax watx' uva ok yak' yaloni, axa max yunej, paj uva max yak'a'.

Is 60:21

Masanil anima cajan bay e conob ti', watx'xac'al ok yun is nabal eb, yet-xac'al eb yayji e nación ti' yin tojbalk'inal. Lajan wal eb axca yajol junok awoj tol ayin wal caw max wawa'; a jun mulnajil tu', ayin wal caw max in watx'nej yuj wilay can.

Is 61:11

Axca wal tx'otx' tx'otx' bay awbil awoj bay chi yak' ajol tx'otx' inat awbil bay, axca wal tu' ok yun yak'on txecloj aj Jehová Cham Yajaw is tojolal satak nacionlak, yuj yilay aj can Cham.

Is 61:3

yet chi ul wak' bay eb ayoc yin cusc'ulal bay Sión jun corona watx' yili, is q'uexelok tik'ak'il tan chi yajtok eb yin is jolom, c'al tzalojc'ulal q'uexelok ok'il; axa bit yet aloj watx' k'anej chi occan q'uexelok bilc'ulal. Lajan ok yun eb axca junok te ji' tol a wal caw Jehová max awoni. Ok yun eb tojolal yuj yilay aj can Cham.

Mt 5:16

Axca junok tzektebal, cayexokab tu xin, txeclojokab e sakk'inal satak anima, chi yal yelapnok, e watx' beybal, yet watx' chi yal eb watx' k'anej yin co Mam Dios ayic' bay satcan.

Jn 15:16

Mayexnak max quin e siq'uilok, palta tol ayin max ex in siq'uilok. Max waon oc e yopiso yin e yunenc'al wochwan, xan a tzet che yun tu' chi ayjic'al ec' yin tojbalk'inal. Yuj tu' xan jantakc'al tzet ok e k'an bay co Mam Dios ok yak' ayex yujtol wet ex.

Jn 15:2

Ta ay an k'ablak c'am chi satni, a' ayoc yion elok. Ta ay an k'ablak watx' satni, a' ayoc yion el is takinal, yet watx' chi texac'al satni. Axca chi yut watx'nen el nak an tu', caytu' chi yut watx'nen el in Mam eb chi ayji oc win.

Jn 15:8

Ta xiwil tzet watx' chi txecloj el e yin, cayton tu' ok e yut e tx'oxk'abnen elok tol miman yelapnok in Mam. Cay c'apax tu' ok e yut e tx'oxk'abnen elok tol in cuywom ex.

Ro 15:28

Yuj tu' xan yowalil chi ec' wak' jun ofrenda tu' bay eb aj Jerusalén. Chi lajwi tu xin, cax chex ec' wilon yet lanan in toj bay España.

Ro 6:22

Axa tinani', colbil onxa el yul k'ab juntzan tzet man watx'ok tu'. C'amxa yalon yet jin. Max on oc yak'omalok serbil Dios. Yuj tu' caw wal ay tzet chi ji' tinani', yujtol a' chi ak'on jaoc co nabal yin. Cax ok co chaon pax co k'inal tol ayc'al yin tojbalk'inal.

1 Co 10:31

Palta chi waltok ayex, caxc'al chon lowi, ma chi juc'a', ma tzanc'al tzet yetal junokxa chi el juneni, junokabi yet watx' chi txecloj el is watx'ilal Dios.

2 Co 9:10

A Dios chi ak'on masanil inat chi awlayi, cax chi yak'on c'apax masanil tzet chi loji. A' ok ak'on masanil tzetak yetal ay ayex ok e yak' e yofrendaok. Axca tol ok e yawcanok. A is q'uexel ok e cha' yuj e nabal watx' tu', ok ch'ib yuj Dios, cax ok e jatx'oni.

Ef 1:12

Ayon ti', babel max jaoc Cristo yipok co c'ul. Yuj tu', max el yin c'ul Dios, tol juj, xan chi al-lay watx' k'anej bay, tol xiwil is watx'il.

Ef 1:14

Yuj Cham Yespíritu ayxa oc jin tu', xan jojtak tol yel ok co cha' jun co satak ok yak' Dios ayon. A yet tu' ok tz'aknaj co colbanil, xan ok al-lay watx' k'anej bay Dios, tol xiwil is watx'il.

Ef 2:10

A Dios max on watx'nen oc yin Cristo Jesús, yet watx' chi jun juntzan watx' unbenal. Payxatax nabil yuj, tzet watx' unbenal ok yak' co beybalnej.

Ef 5:9

Ta yel ayonxa oc yin sakk'inal, watx'okab chi jut co ba, tojolokabc'al chi jut co nabal. Asanokab tzet yetal yel chi jala'.

A Tx'an Is Carta San Pablo Bay Eb Aj Filipos 4:17

Manak e colwal tu' chin saya', ma chi wochej, xan chi waltok juntzan ti' ayex, palta tol chi wochej chi mimanbi is pak tzet che yak' tu' yul sat Dios.

A Tx'an Is Carta San Pablo Bay Eb Aj Colosas 1:10

Ta chex eloc axca co k'anon tu', watx' ok e yut e beybal, yet watx' chi tzaloj wal Cham Jajawil e yetok, yujtol moj wali tol axca tu' che yut e ba. Caw watx' ok el e yuten e beybal, axca junok te te' watx' satni, cax ok e yojtaknej el wal Dios sic'libil.

A Tx'an Is Carta San Pablo Bay Eb Aj Colosas 1:6

A jun yabixal colbanilej albilxa e yabej, a' lanan yal-lay el bay junjun lugar bay yulyibank'inal ti'. Axca junok te te' chi ch'ibi, chi yak' te' sat, axca tu' chi yun yelapnok jun abix ti' bay eb chi abencan ocok. Yetok c'apaxok, axca tu' max yun yelapnok ayex, yettax max babji e yaben yabixal is watx'c'ulal Dios, cax max nachaj el e yuj sic'libil.

2 Ts 1:12

Ta caytu' che beybalnej, ok al-lay watx' k'anej yin Cham Jajawil Jesucristo e yuj, cax ok ex yalon c'apax Cristo watx'il. Caytu' ok ex eloc axca tu', yujtol a co Diosal, c'al Cham Jajawil Jesucristo ok tx'ox watx'c'ulal ayex.

Tito 3:14

Cha cuy eb jet creyenteal bay tu', tol chi yun eb tzet watx', cax chi colwaj eb bay eb ay is majilal, yet watx' ay yopiso eb yul sat Dios.

Hebreos 12:11

Yel toni, a yet chi alay oc co yailal tu', c'am junok on chon tzaloj yuj co yailal tu' yin aymanil, palta ta chi watx'ji oc co nabal yuj, c'ojanc'ulal chon jichloj oc yuj, cax chi jay co junc'ulal.

Is Babel Carta San Pedro 2:12

Watx'okab chi jut co beybal yil eb manto ojtaknenok Dios. Yuj tu xin, caxc'al chi yal eb tol yob chi jut co ba tinani', palta tatol chi yil eb co watx' beybal, ok yal eb watx' k'anej yin Dios yet ok jay c'ual beyc'ulal.

Is Babel Carta San Pedro 2:5

Yuj tu' xan aek oc e ba yul k'ab Dios, yet chex oc is templook bay ok ex oc yin sacerdotealok Dios, yuj e yak'on xajanbal bay Cham yin espíritu yuj Jesucristo. Caw wal chi tzalojbi Cham yetok juntzan xajanbal tu'.

Is Babel Carta San Pedro 2:9

Palta ayon ti', axca tol junxanej inatilej jayji, sic'bil on oc yin sacerdoteal, yuj jak'on serbil co Reyal, chi yal elapnok a ton Dios. Conobxa Dios jayji, pojbil on el yuj joccan yetok, yuj jalon el is watx'ilal Cham. Yujtol a' max on ion eltek xol k'ekk'inal, cax max on yaoncan oc bay is sakk'inalil c'ayubtak yoqui.

Is Babel Carta San Pedro 4:14

Tatol ay eb chon buchoni yujtol ayoc co nabal yin Cristo, caw wal tzalojc'ulejal jet, yujtol a Cham Espíritu miman yelapnok, a ton Cham Yespíritu Dios cajan ec' jin.