A Tx'an Is Carta San Pablo Bay Eb Aj Filipos 1:10 - A Txꞌan Biblia Yin Kꞌanjobal 1989

¹⁰ yet watx' che yojtaknej wal elok baytet ay juntzan tzetak yetal watx' yul sat Dios, cax chi tojolbi wal oc e nabal, yet watx' a yet ok jay Cristo, c'amokab jabok e paltail yul sat.

A Tx'an Is Carta San Pablo Bay Eb Aj Filipos 1:10 Iomraidhean Croise

Gn 20:5

Yujtol a c'apax Abraham max alon ayin tol wanab xal, ẍi. Ac'ala' max yalon c'apax xal, in nuej cham, ẍi xal, xan yinc'al masanc'ulalil max wutej, man yinok yobtakil chin na', ẍi cham rey tu'.

Job 12:11

A co ti' chi ablen tzetbil cawxi co lobej; cay c'apax tu' co txiquin, chi yab tzetbil yoc k'anej.

Job 34:3

Axca chi yun yaben yul co ti' tzet chi co lo', axca tu' chi yun yaben co txiquin tzet chi al-layi ta watx'.

Miqueas 3:2

A ti' e yet, tol che yaj can el tojolal tu', axac'al yobtakil che camc'ulnej. Axca wal tol che tzilel is tz'umal eb jet conob, axac'al is bakil chi can jalan e yuj.

Mt 16:23

Axa yoc wal t'anan Jesús yin tu', max yalon bay: —Ach Satanás, elan in satak, yujtol chochej chi somchaj el in nabal. Manak tzet chi na Dios cha na'. Asan yin yet anima ayoc a nabal, ẍi bay.

Mt 26:33

Axa yalon Pedro tu' bay: —Caxc'al ok cabax aj c'ul eb masanil en; palta ayin ti', c'am bak'in ok cabax aj in c'ul, ẍi bay.

Jn 1:47

Max yilontok Jesús, lanan jayoc Natanael bay, axa yalon yuj Natanael tu' axca ti': —A jun chi jay ti', caw wal israel ton yul sat Dios, c'am chi iwi aytek sat anima, ẍi Jesús.

Jn 3:20

A masanil eb chi unen yobtakil, maj yochej eb jun sakk'inal ti'. C'am chi yal c'ul eb chi cha', yujtol chi xiw eb ta chi txecloj el juntzan tzet man watx'ok chi el yunen eb tu'.

Tzetak Yetal Max El Yunen Eb Chekbej Jesús 24:16

Yuj tu xan caw wal chin beyc'ulnej tzet chi yal yikbomal in nabal, yet watx' manchak oc in yobtakil yul sat Dios, c'al bay eb wet animail.

Ro 12:2

Manxaokab lajanok chi jut co beybal yetok eb yet yulyibank'inal ti'. Q'uexchajokab co nabal, yet watx' chi watx'jic'al oc co beybal junelnej. Ta axca tu' chi jut co ba, ok nachaj el juj tzet chi yochej Dios jin. A juntzan tzet chi yochej tu', watx'c'al elok, chi tzaloj Cham yuj, c'am jabok tacnakil yul sat Cham.

Ro 12:9

Co camc'ulnelej co ba yetok acaw camc'ulal. Tzanc'al tzet man watx'ok, co yajcan elok. Axa yin tzetak yetal watx' chi jaoc co nabal.

Ro 16:17

Ex wuẍtak, ex wanab, ilek e ba bay eb chi yak'lej e pojchajtok, a ton eb chi yak'lej somontok e nabal. Yujtol man axcaok tu' yalon cuybej cuybil e yuj, xan pojek el e ba xol eb.

Ro 2:18

E yojtakxa, tzet chi yochej Dios. E yojtak c'apaxok baytet ay watx' tzet chi el juneni, yujtol cuywinak ex yin ley Moisés.

Ro 7:16

Ta chi wabej tol yobtak tzet chi wun tu', caytu' chi yun nachaj el wuj tol a ley watx' toni.

Ro 7:22

A in nabal, caw wal chi tzaloj yetok ley Dios.

Ro 8:7

Palta a eb chi beybalnen yob ochwanilal xin, toc'al chi yajc'ulnej aj ba eb yetok Cham. C'am chi yochej eb chi yikej ley Cham, tamwal chi je' yuj eb.

1 Co 1:8

Ok yak'c'al Jesucristo tec'anil e nabal, masantac'al ok yal jay jun lajub c'ual tu', yet watx' c'am jabok tzet yin bay moj e tzulay yet ok jay Cham.

1 Co 10:32

Caxc'al israel junok mactxel, ma caxc'al man israelok, caw c'am chi je' jak'on etax el nabal eb. Yetok c'apax eb jet creyenteal, maj je' jak'on etax el nabal eb.

1 Co 8:13

Yuj tu', k'inalok ta ay junok mac chi etax el is nabal yujc'al tzet chin chi', yel mi watx' c'amxa chin chi' chibej, yet watx' c'am junok mac chi etax el nabal wuj.

2 Co 1:12

Caw chon tzaloji, yujtol yojtak wal co c'ul, tol tojolc'al chi jut co beybal on bay masanil anima, c'al ayex. C'am tzet yob yin co beybal, yujtol max yak' Dios is yipalil ayon yuj is watx'c'ulal. Man yujok co jelanil xan watx' co beybal tu', c'amak.

2 Co 2:17

Ayon ti' chi je' juj, yujtol man yujok jion tumin yin k'anej Dios, xan chi ec' jalilok, axca chi yut ba nanxa eb. Mimanokc'al chi ec' yal eb, palta soman chi yut yalon eb. Palta ayon ti', yin masanil co c'ul chi ec' jalilok, yujtol ak'bil jopiso yuj Dios jalon elok. Satak Dios chi ec' jalilok, yujtol yet onxa Cristo e yetok.

2 Co 6:3

Chi jochej c'am mac chi buchwaj yin co mulnajil on. Yuj tu' xan c'am junelok yob chi jut co ba on satak junokxa mactxel.

2 Co 8:8

A jun chi waltok ayex ti', man chekbanilok yayji. Toc'al chi wochej che yabej, tzet chi yut yak'on eb yofrenda cayti', yet watx' chi txecloj elok, ta yel ay e camc'ulal bay tu'.

Gl 5:11

A pax ayin ti' ex wuẍtak, ex wanab, k'inalok ta ac'ala'to waloni tol yowalil chi ak'lay circuncidar junok mactxel, maj mi inc'alta' yuktej ec' eb wet israelal. K'inalok ta caytu' chi wut cuywaj in ba axca tu', c'am mi chi chichon oc c'ul eb yin yabixal Cristo yin te curus.

Ef 4:15

Palta ayon ti', yowalil asan tzet yetal yel chi jala', co tx'oxek el camc'ulal. Yowalil chi jic'al jip, yet watx' lajan chi junel axca Cristo, yujtol axca co jolom, caytu' yayji ayon.

Ef 5:10

Co cuy co ba yin juntzan tzet caw wal watx' yul sat Dios.

Ef 5:27

Axca ti' max con yut ayon yiglesia on ti', yet watx' watx' on yul sat, yet ok on apnok oc satak. Yujtol a bay tu', c'amxa co yobtakil, tamwal co c'am watx'ilal. C'amxa junok tzet yob ayoc jin. Asanxanej yin ok jaoc co nabal. C'amxa jabok co paltail bay tu'.

Ef 6:24

Ayokab watx'c'ulal Dios bay masanil eb chi camc'ulnen Cham Jajawil Jesucristo masanil tiempo.

A Tx'an Is Carta San Pablo Bay Eb Aj Filipos 1:6

Mayal chail Dios yich mulnaj oc e yin. A tinani', wojtak sic'libil, tol ok mulnajc'al oc e yin, masantac'al yet jun c'ual yet ok jay Jesucristo.

A Tx'an Is Carta San Pablo Bay Eb Aj Filipos 2:16

yujtol che yalil is k'anej Dios nan xol eb, jun k'anej chi alontek yuj co k'inal tol ayc'al yin tojbalk'inal. Ta axca tu' che yutej, caw ok in tzaloj aj e yuj yet ok jay Cristo, yujtol caw wal ok txeclojok tol man nabac'alok max in lajoc wak'on wip in mulnaj e nan e xol.

1 Ts 3:13

Chi jochej tol a Cham chi ak'on tec'anbok e nabal, yet watx' ac'ala'c'al watx'il e beybal, cax c'am jabok e yobtakil yul sat co Mam Dios yet ok jay Cham Jajawil Jesucristo yetok eb yet-xa yayji.

1 Ts 5:21

Jantakc'al juntzan cuybanilej chi ak'lay ayex, chi cam e yabeni, cax chi cam e naoni, ta yel, ma man yelok. Asan wal juntzan tzet yetal yel che yaoc yin e c'ul.

1 Ts 5:23

Chi jochej tol aokab Dios, Cham ak'om junc'ulalil chex yi wal oc yetok sic'libil. Chi jochej c'apaxok, tol a' chi ak'on cuenta e yanimail, c'al e nabal, yetokc'al e mimanil, yet watx' c'am jabok e yobtakil yet ok jay Cham Jajawil Jesucristo.

Josué 24:14

—Yuj masanil juntzan ti', xan ayokab yelapnok Jehová yul e sat, cax yetok masanil e c'ul che yiken bay Cham. Iek el comon dios e xol, axca juntzan bay max yiay ba eb jichmam bay sataktok a' Éufrates, c'al bay Egipto, tol asan bay Jehová chex oc yin ayilal.

1 Jn 4:1

Ex in camc'ulnebil, ta ay eb chi aloni tol yet Dios tzetak yetal chi ec' yala', man comonok che cha' e yab bay eb yin ayman. Yowalil che yak' porobal eb babelal, ta yel a Dios ayoc yetok eb. Yujtol xiwil eb lek'ti' bay yulyibank'inal ti', tol chi tz'ak yaloc ba eb chekbejok Dios.

Ap 2:2

Wojtak masanil tzet chi el e yuneni. Wojtak tol caw wal che yiajtek e c'ulok e mulnaj yin yet Dios, cax tol chi techajc'al mimanc'ulal e yuj, cax c'am c'apax che chaoc eb man watx'ok e nan e xol. Wojtak c'apaxok, tol che yak'lej porobal eb chi tz'ak yaloc ba in chekbejok. Max ayc'ay eb yin is lek'tial e yuj.