Os 7:4 - A Txꞌan Biblia Yin Kꞌanjobal 1989

⁴ Ajmulxac'al el eb masanil. A yochwan eb tu', lajan wal axca junok horno c'am wal chi oc mimanok k'ak'al yuj junok watx'nem pan yak'ban chi pajbi ixim harina; axa yet mayal pajbi ixim xin, catawal tu' chi oc is k'ak'al wal sic'libil.

Os 7:4 Iomraidhean Croise

Jeremías 23:10

A wal jun nación ti', caw wal nojnak yuj eb ajmul, yuj juntzan anima tol toxac'al chi ec' xuyuyok yin yunen yobtakil. Chi lajxac'al oc eb yip yin yetnen eb yet animail. Yuj wal tu' xan mayal catabnej Jehová jun tx'otx' ti'. Yuj tu' xan mayal takaj tx'otx', mayal tz'atok an ac'un bay chi low no no'.

Jeremías 9:1

¡Matawal lajanxac'al in sat ti' axca junok nuk' aej tol chi el yakan, yet chin ok'i chi ec' c'u c'al ak'bal yuj masanil jantak eb wet conob max cami!

Jeremías 9:2

¡Matawal a bay tz'inan tx'otx' ay bay watx' chin ayji, yet watx' chin el najat c'atan in conob ti'! Yujtol ajmulxac'al el eb masanil, cax etnewom eb.

Os 4:10

Yujtol c'amxa chin yak' serbil eb in conob, chi low eb, palta c'amxa chi noj c'ul eb chi yabej. Chi yun eb mul, palta c'am chi aj can eb.

Os 4:12

A in conob ti', a bay junok te te' chi k'anlej yabej. Axa te te' tu' chi ak'on is nabal yaloni. Yuj is yajmulal eb tu', xan max etaxxac'al el eb. Axca wal chi yun bekoncan junok ix ix yichamil, cax chi mulji yetok junokxa winak, caywal tu' max in yut bekoncan eb, cax chi tzakloj eb yintak comon dios.

Os 4:2

Tol wal chi aj can eb yin q'uexon is ti' yin tzet chi yala', c'al yalon lek'tial k'anej. Chi mak'wi cam anima eb, chi elk'an eb; asanxanej ajmulal chi yun eb, c'al yetnentok ba eb, cax coc'takxac'al chi mak'wi cam anima eb.

1 Co 5:6

Yuj jun yobtakil max uj e xol tu', xan man mojok che yi' can e ba. ¿Tom man e yojtakok, tol jabnej yich pan chi ak'on pajboktok junok miman xilan harina?

Santiago 4:4

Ayex lajan ex wal axca junok ix ajmul ix, caywal tu' e yili yul sat Dios. ¿Tom man e yojtakok xin, tol a yet chi co camc'ulnen yulyibank'inal ti', chon occan ajc'ulal yin Dios? Yuj tu', tzanc'al mactxel chi yochej watx' yak'on yetok yulyibank'inal ti', chi occan ajc'ulal yin Dios.