Os 7:2 - A Txꞌan Biblia Yin Kꞌanjobal 1989

² Tokwal chi na' eb, tatol naan is yobtakil eb tu' wuj. A tinani' ac'al oc is yunben eb tu' ayoc yinlak, xan a yobtakil eb tu' ayoc in satak.

Os 7:2 Iomraidhean Croise

Job 34:21

Chi yil Dios tzetc'al chi yun jec' ayon anima on ti', yojtak Cham tzet chi yun co bey junjun on.

Salmos 10:11

A naon jun unem yobtakil tu' tol chi tojcan c'ayc'ulal yuj Dios, cax makan el sat Cham yaloni, cax c'am chi yila'.

Salmos 25:7

Axa pax wal juntzan in mul xin, manchakxa a natek. Manchakxa a natek in yobc'ulalil yet max wak'on ach'ejal. Chin a natek Mamin, yin a miman camc'ulal c'al watx'il a c'ul.

Salmos 50:22

A ayex chin toj c'ayc'ulal e yuj ti', watx'okab chi yun nachaj el jun ti' e yuj, axa talaj chi yunej, ok ex wak'on coc'axok, cax c'am mactxel ok ex colon el ayin.

Salmos 9:16

Max ojtaknelay Jehová yuj is watx'c'ulal max yunej, ac'al oc nak unem yobtakil max yalnej ba.

Salmos 90:8

A co mul on, c'al co yobc'ulalil on, txequel yayji a satak.

Is 1:3

A no wacax, yojtak no' yajaw; axa no burro, yojtak no' lobal yuj is yajaw. A pax Israel xin, c'am chi nachaj el yuj. C'am tzet yojtak in conob, ẍi Cham.

Is 26:16

Mamin, a wal nan xol co yailal max on txajli ayach yin c'ojanc'ulal, a ton yet max aon oc yailal jiban yuj on ak'on cuenta.

Is 44:19

C'am chi cam naon eb, yujtol caw wal c'am is nabal eb, xan c'am chi nachaj el yuj eb yalon axca ti': A nanok jun te' ti' max wak' tz'aok, a bay tu' max oc in pat, a bay tu' max in bol c'apax in chibej, cax max in lowi. ¿Tom in moj wal chin watx'nej junok dios tol yajbejtak yetok janic'okxa te ti'? ¿Tom in moj wal chin oc ayilal bay jun k'ojal te' ti'? man ẍiok.

Is 5:12

Axa yet chi watx'ji mimek loj yuj eb, ayoc sonal eb, sonal arpa, c'al sonal violín, c'al sonal pandereta, c'al sonal ch'en flauta, cax chi uc'wi vino eb c'apaxok; palta c'am chi na eb tzet chi yun Jehová.

Jeremías 14:10

A ton jun ti' max yal Jehová yin conob Israel: A wal jun conob ti', caw wal ay is tzalojc'ulal yin yec'jabtok. Chi toj bay jun, chi toj bay junxa. Yuj tu' xan c'am jabok chi tzaloj in c'ul yin. A tinani' ok in natek is yobtakil eb, cax ok in beyc'ulnen el is yunben eb, ẍi Cham.

Jeremías 16:17

Yujtol chi wil masanil tzetak chi el yunen eb. C'am junok mactxel chi je' c'uban el ba yul in sat, tamwal chi je' c'uban el eb is yobtakil in satak.

Jeremías 17:1

Max yalon Jehová: A e yobtakil ex aj Judá ex ti', c'am chi je' c'ayil yin e nabal, yetokc'al yin txiquinlak e yaltar c'am chi c'ayi. Chi can yechel axca letra chi occan yin junok ch'en ch'en, yetok ch'en cincel, ma yuj ch'en diamante.

Jeremías 2:19

Ayin wal caw Jehová, Yajaw in yin Masanil chi wala', tol ac'al oc e mul ok aon oc yailal e yiban. A e tenomtakil ok ak'on low e yin. Ojtaknejek elok, tol caw wal yob yuj max in e bekcanok, ayin Jehová e Diosal in, tol chi waoc yatakilal e yiban yuj c'am wal jabok welapnok yul e sat.

Jeremías 32:19

Caw wal mimanbil ach yin tzet cha na', c'al yin tzet cha watx'nej. Ach ti', chel masanil tzetak chi el yunen eb anima, cax cha paktzen bay eb axca wal is mojalil is yunben.

Jeremías 4:18

Yuj e beybal c'al tzetak che yunej, xan chi jayoc juntzan ti' e yiban. A yuj e yobtakilal xan caw wal yob max yun e yelocok, caw wal chi yab yail e c'ul yuj, ẍi Jehová.

Jeremías 44:21

—¿Chi mi wal e na' ayex ti' tol man yojtakok Jehová, ma max toj c'ayc'ulal yuj, tol max e yak' incienso yin xajanbalil bay juntzan tx'ok diosal tu', bay yulak calleal Jerusalén axca max yun eb e yichmam, eb e reyal, eb yajaw yayji e xol, c'al yetok masanil anima bay Judá?

Ez 21:29

A tzet max yil eb naom el k'anej, c'al juntzan k'anej max al-lay e yin, man yelok. Ok low ch'en espada yin is nuk' eb yobtakwom. Mayal jayoc c'ual lajub yailal eb.

Os 12:2

A Judá ay is mul yul sat Jehová. A Cham ok yaoc yailal yin is conobal Jacob yuj is beybal. Ok tojlanej wal bay, axca wal tzet chi beybalnej.

Os 4:9

Yuj tu' xan lajanc'al ok yun yaben yail eb in conob e yetok ayex sacerdote ex ti'. A yuj e beybal tu' xan ok waoc yailal e yiban yetok eb conob.

Os 6:2

A wal yec'can cab c'ual, catatu' ok yak'on pax co cawil. Axa yet yox c'ual, ok on yictzonenajok, axa jiquisbi ec' is satak Cham junelxa tu'.

Os 8:13

Chi yak' eb xajanbal ayin, cax chi chion eb no', palta c'am chin tzaloj yetok eb. Chin natek is yobtakil eb, cax ok waon oc yailal yiban eb. Ok wak' meltzoj eb junelxa bay Egipto.

Os 9:15

Max yalon Jehová axca ti': A wal bay Gilgal max chail eb yich yobtakil, xan a c'apax bay tu' max el yich woc ajc'ulal yin eb. A yuj masanil yobtakilal chi yun eb, xan ok wieltok eb bay watut. Majxac'al in camc'ulnej eb, yujtol a masanil eb yajawil eb, yelxac'al tenomtak eb.

Os 9:9

Max etaxxac'al el eb yin junelnej, axca max uj bay conob Gabaa.*fn* Palta a Jehová xin, ok natek is yobtakil eb tu', cax ok alay oc yailal yin eb yuj is mul tu'.

Am 8:7

Yuj tu' max yak' Jehová is ti'; Cham chi ilay can yuj Jacob max yal axca ti': C'am bak'in ok tok c'ayc'ulal wuj is yobtakil eb, ẍi Cham.

Jonás 1:2

Asi' bay miman conob Nínive, cax chaloni tol ok wak' lajwok el jun conob tu' yetok eb cajyom bay, yujtol max aj wal apnok is yobtakil eb ayin, ẍi Jehová.

Nm 32:23

Palta ta c'am che yun axca tu', watx' che yojtaknejcan elok tol che yaoc e mul bay Jehová, ok apnok c'ual cax ok yaon oc yailal e yiban yuj e mul tu'.

Lc 12:2

Yujtol masanil jantak tzet makan ay tinani', ok txecloj ajok. Yetok jantak tzet ewanc'uan yayji, ok ak'lay ojtaknelay elok.

1 Co 4:5

Yuj tu xin, c'am chi je' e beyc'ulnen junok mactxel tinani'. Jechbanejek ato yet ok jay Cham Jajawil, yujtol a Cham ok tx'oxon el masanil tzet yetal. Axca junok tzet yetal eban el xol k'ekk'inal, axa chi oc jopnaj sakk'inal yin, cax masanilxac'al chi txecloj elok, cayton tu' ok yun txecloj el masanil tzet yetal yet tu'. A Cham Jajawil ok ak'on txecloj el tzetak yetal ay yin co nabal co masanil. Catatu' ok al-lay watx' k'anej yin junjun yuj Dios, atac'ala' co mulnajil junjun on.

Dt 32:29

Ta ay is nabal eb, chi mi je' nachaj el yuj eb tzet ok elocok.

Hebreos 4:13

C'am junok mac chi je' c'uban el ba yul sat Dios. Caw miman txequel masanil tzetak yetal yul sat Cham. A bay Cham ok jak' masanil co cuenta.