Os 7:1 - A Txꞌan Biblia Yin Kꞌanjobal 1989

¹ a yet lanan wanten in conob Efraín, c'al Samaria, a yet tu' max txecloj aj is yajbejtakil, c'al is yobtakilal eb. Yujtol junlajanxac'al chi yun beybalnen eb lek'tial. Elk'omxac'al el eb masanil. Tojolxac'al yoc yulak na. A bay yulak calle chi elk'an eb yinlak anima.

Os 7:1 Iomraidhean Croise

Is 28:1

Ok'bal c'ul Samaria, miman conob yul is sat eb uq'uem an yul yet Efraín. Yelbubal jun ac'al caw wal yax sat yayji Samaria; axa tinani', axca takin corona yili, yujtol a eb is conob, k'aynak eb yin uq'uej an.

Is 59:12

Mamin Jehová, yelxac'al max jaoc co mul ayach. A yuj co mul tu' xan max titcan jiban. A tzetak max jun tu', c'am chi toj c'ayc'ulal juj, cax jojtak wal jantak yayji oc co mul on.

Is 59:13

Caw wal tenomtak on ayach, tokwal chi jochej chon tzakloj entak, ach co Diosal. Caw wal chi jaoc yailal yin jet animail, tenomtak on ayach. Asannej wal yin etnej anima ayon oc yetok co k'anej.

Is 59:14

A beyc'ulal yin tojolal c'amxa yopiso juj. A wal k'anej yel, tokwal chi chalay ablay bay juzgado. A bay tu', c'am yelapnok bayc'al ijanilal.

Jeremías 51:9

A eb tx'ok nacional cajan bay tu' chi aloni: Mayal jaoc ambal yin Babilonia, palta c'amxa chi anchaji. Canokabi. Junjun onc'al, tonek bay co conobal, yujtol a is mul jun conob ti' mayal ajapnok bay satcan, chi ajtac'al apnok bay xolak asun, ẍi eb.

Ez 16:46

A bay yetc'ulal norte, a tu' ay ix is nuej babel ix, a ton Samaria yetokc'al yaldealakil. Axa bay sur, a tu' ay ix is nuej tzunan ix, a ton Sodoma yetokc'al yaldealakil.

Ez 23:4

A ix babel chi yik Ahola,*fn* a ton ix chi tx'oxontek Samaria. Axa junxa ix nuejejal tu', chi yik Aholiba, a Jerusalén chi tx'oxtek. Ayin max waoc eb wetbiok, max el in c'ajol c'al in cutz'in yetok eb.

Ez 24:13

A jun k'uxtakil ti', chi tx'oxon el yajmulal conob Jerusalén. Max wak' wip in sakbanen el yobtakilal tu'; palta c'amc'al chi sakbi elok. A tinani' xin, c'amxa tzet watx' chi yun sakbi elok, masantac'al ok yal lajwok wion el yowal in c'ul yin, catatu' ok sakbokcanok.

Os 10:5

A eb aj Samaria, ok bilaj eb yuj xiwc'ulal. Ok ok' eb, yuj ok ilaytok ch'en ch'en wacax ay bay Bet-avén. Yuj tu' xan chi cus c'ul eb conob, yetokc'al eb sacerdote, yujtol a watx'ilal yili tu', mayal c'ayajok.

Os 11:12

A wal conob Efraín ti', caw wal asanxanej lek'tial chi yak' ayin. Asanxanej etnewomal chi yun conob Israel ti' win. Axa eb aj Judá, yikemc'al eb ayin is Diosal in eb, tol Asanxanej in ocok.

Os 11:8

¿Tzet wal ok yun ex in bekoncan ex conob Efraín? ¿Tzet wal ok yun ex in bekoncan ex yinatil Israel? ¿Ok mi je' ex wak'on c'ayilok axca max wut conob Adma? ¿Ok mi ex wut axca max wut conob Zeboim?*fn* Ya' chi yab in c'ul, chi cus in c'ul e yin.

Os 12:1

A masanil tzet chi yun conob Efraín, nabac'al, toc'al chi yetnejtok ba. Caw wal chi aj can yin etnej anima, c'al yin yaxc'ayinakil. Chi watx'nej trato yetok eb aj Asiria, cax chi yaontok aceite sabalok bay Egipto, ẍi Cham.

Os 12:2

A Judá ay is mul yul sat Jehová. A Cham ok yaoc yailal yin is conobal Jacob yuj is beybal. Ok tojlanej wal bay, axca wal tzet chi beybalnej.

Os 4:17

A pax conob Efraín xin, max tojxac'al yintak yechelej, palta yilxac'al ba.

Os 4:2

Tol wal chi aj can eb yin q'uexon is ti' yin tzet chi yala', c'al yalon lek'tial k'anej. Chi mak'wi cam anima eb, chi elk'an eb; asanxanej ajmulal chi yun eb, c'al yetnentok ba eb, cax coc'takxac'al chi mak'wi cam anima eb.

Os 5:1

Abek wal juntzan ti' ex sacerdote. Taynejek e yab ex conob Israel. Abek c'apax ayex yinatil ex eb rey: A e yiban ayex ti' ok oc jun yailal ti', yujtol ayex ti', axca wal junok yal e yayji bay Mizpa, axca junok tx'an yal e yayji c'apax bay jolom witz Tabor.

Os 6:4

Axca ti' yalon Jehová: ¿Tzet wal watx' ok wun e yetok ex aj Efraín? ¿Tzet wal watx' ok wun e yetok ex aj Judá? A e camc'ulal win tu', lajan wal axca asun yet k'inibalil, axca wal yal ak'bal yet ayto k'inibi, axa yet k'inibalil xin, cax chi c'ayajok.

Os 7:13

Ok'bal c'ul eb, yuj max pojil ba eb ayin. Ok tzakaytok eb yuj lowbanilejal ok jayok, yujtol a wal ayin max oc is tenomtakil eb. Chi wochej chin colil eb; palta asan lek'tial chi yun eb win.

Os 8:5

Caw wal chin yaj jun ch'en wacax bay chi oc eb aj Samaria yin ayilal, xan ok tit yowal in c'ul yin eb. Ma txequel bak'in ok bek Israel jun yobtakil tu'.

Os 8:9

A conob Israel caw wal c'amxac'al is nabal. Lajanxac'al axca junok no xolakilteal burro, axac'al chi naon bay chi ca toji. Max toj conob Efraín k'anon colwal Asiria yetok. Max tojlanej mac chi colwaj yetok.

Am 3:10

A wal caw Jehová chi alon axca ti': Caw wal man yojtakok eb chi yun tojolal jabok. A wal yulak yatut eb, a tu' ay masanil tzet yetal toc'al chi yiec' eb bay anima, ẍi Cham.

Am 3:9

Alek el bay is cuartel-lak Asdod, c'al bay cuartel-lak bay Egipto: Jayanek bay jolomlak witz yinlak Samaria. Ilek wal bilc'ulal eb anima yuj jantak yobtakil chi uji, quex chi.

Am 8:14

Caywal tu' ok yun mactxel chi yak' is ti' bay juntzan yechelej q'uixwiltak ay bay Samaria, a ton eb chi alon axca ti': Chi wak' in ti' yin bi diosal eb aj Dan, ma yin bi diosal eb aj Beerseba, ẍi eb. Yuj tu' ok ayc'ay eb, palta majxac'al aj wan eb, ẍi Jehová.

Miqueas 6:16

Yujtol che yikej tzet yetal max yal Omri, c'al Acab is c'ajol, cax che beybalnenxac'al is beybal eb max beybalnej. Yuj tu' xan ok wak' jayoc yailal c'al buchwal k'anej e yiban. Caytu' ok yun e yaben yail q'uixwilal satak eb acaw in conob, ẍi Jehová.

Mt 23:37

¡Ay…, a wal ayex ti' ex aj Jerusalén! ¡Che mak' wal cam eb chekbej Dios, axa juntzanxa eb chekbiltek yuj Cham e nan e xol, che k'okch'ennej eb! Xiwil el max wochej max quex wawtejtek ayin, axca junok no caẍlan chi k'uttejtek yune', cax chi mojoni, palta maj yal e c'ul.

Lc 13:34

A wal ayex ti' ex aj Jerusalén, che mak' wal cam eb chekbej Dios. Axa juntzanxa eb chekbiltek yuj Dios e xol, che k'okch'ennej eb. Xiwilxa el max wochej max quex wawtejtek ayin, axca junok no caẍlan chi k'uttejtek yune', cax chi mojoni, palta maj yal e c'ul.

Lc 19:42

Cax max yalon axca ti': A wal yet jun c'u ti' ex aj conob, aktam wal tol max nachaj e yuj tzetbil che yut e chaon junc'ulal Dios. Palta a tinani', c'amxa chi je' nachaj el e yuj, yujtol ebebilxa el ayex.