Os 5:3 - A Txꞌan Biblia Yin Kꞌanjobal 1989

³ Wojtak tzetbil yayji oc Efraín, tokwal man ojtakbilok Israel tu' wuj. Max oc conob Efraín tu' yin ajmulal, ac'al ton oc conob Israel max yetnejtok ba yin yajbejtakil.

Os 5:3 Iomraidhean Croise

Is 7:16

A yet c'amto chi jay nabal jun unin tu', a cab conob yetok cawan rey bay chach xiw ti', ok can tz'inanok.

Is 7:17

Ok yitek Jehová eban, c'al yiban a conob, c'al xol eb yinatil David etok, c'ual yet yatakilal tol c'am bay max uji, yecheltax max yiel ba Efraín bay Judá, ẍi Isaías. (Chi yal elapnok tol a ton yatakilal yuj reyal Asiria.)

Is 7:5

A eb aj Siria, yetok eb conob Efraín, c'al cham c'ajol Remalías, lanan naon eb jun yobal en. Chi yal eb axca ti':

Os 1:2

A yet max chail yich chekon Jehová k'anjab el Oseas bay Israel, max yalon bay axca ti': A eb israel max oc eb ajmulal in satak, yuj pojon el ba eb wintak. Yuj tu xin, a junok ix ajmul ix che etbiok; ay eb yune' ix ok aljok yin is yajmulal, ẍi Cham.

Os 12:1

A masanil tzet chi yun conob Efraín, nabac'al, toc'al chi yetnejtok ba. Caw wal chi aj can yin etnej anima, c'al yin yaxc'ayinakil. Chi watx'nej trato yetok eb aj Asiria, cax chi yaontok aceite sabalok bay Egipto, ẍi Cham.

Os 13:1

A yet max k'anjab eb yicham winakil conob Efraín yet payxa, axa juntzanxa tribual yet israelal max tx'oxoni tol ay yelapnok yul sat eb. Axa tinani' xin, ok cam eb aj Efraín tu' yuj is mul max yaocok, tol max oc eb ayilal bay Baal.

Os 13:5

Caw wal watx' max yun ex in taynen bay takin tx'otx', bay xiwil k'ak'.

Os 5:11

A conob Efraín ti', mayal low yin. C'amxa is satak, yujtol max yaxac'al oc yin c'ul tzakloj yintak eb c'am chi je' colwaji.

Os 5:13

A yet ok yilon conob Efraín tol ya'ay, cax ok yilon c'apax Judá is yas, ok tokcan conob Efraín bay Asiria, ok k'anon is colwal jun rey binajbil yin yak'wi owal; palta maj je' yuj jun rey tu' yak'on watx'jok is c'ul, tamwal yanten is yas tu'.

Os 5:9

Chi walil xol masanil eb is tribual Israel, tzet yetal tol yowalil ok jay yiban eb: A conob Efraín, caw wal ok lajwok ay yet jun c'ual yailal, ẍi Cham.

Os 6:10

Caw wal yajbejtakxa yili eb aj Israel tu' chi wila'. A eb aj Efraín ayoc yin ajmulal; a eb aj Israel tu' max yetnejtok ba.

Os 6:4

Axca ti' yalon Jehová: ¿Tzet wal watx' ok wun e yetok ex aj Efraín? ¿Tzet wal watx' ok wun e yetok ex aj Judá? A e camc'ulal win tu', lajan wal axca asun yet k'inibalil, axca wal yal ak'bal yet ayto k'inibi, axa yet k'inibalil xin, cax chi c'ayajok.

Os 8:11

A conob Efraín, xiwil altar chi watx'nej ajok yuj yel is mul yaloni, palta yuj juntzan altar tu' xan chi aj can yaon oc is mul.

Am 3:2

Chi yal Cham axca ti': Asannej wal ayex ti' max ex in sic'can el xol masanil juntzanxa conob ay bay masanil yulyibank'inal ti'. Yuj tu' xan ok waoc yailal e yin yuj masanil yobtakilal che yunej, ẍi Cham.

Am 5:12

Wojtak wal jantakxa yobtakil max el e yuneni. C'amxa lajubal e mul. Che yetnej eb watx' is nabal, cax che chaon ch'en tumin yuj e yobal beyc'ulal. A bay juzgado che yak' low yin eb meba' anima tol watx' is nabal.

Dt 33:17

Caw wal watx' nak axca jun ach'ej wacax babel aljinak. Ay is yip axca no yichlakil teal wacax mimek yuc'a'. Ok tek masanil conob masantac'al bay lajub tx'otx' tx'otx'. A is yuc'a' no' tu', a' chi tx'oxontek yipalil xiwil milal is bisil eb Efraín yetokc'al milal is bisil eb Manasés, ẍi cham Moisés.

Hebreos 4:13

C'am junok mac chi je' c'uban el ba yul sat Dios. Caw miman txequel masanil tzetak yetal yul sat Cham. A bay Cham ok jak' masanil co cuenta.

Ap 3:15

Wojtak masanil tzet chi el e yuneni. Lajan ex axca junok tzet chi loji man sicok, tamwal k'axan. Matawal sic ex; ta c'amak xin, matawal k'axan ex.