Os 5:2 - A Txꞌan Biblia Yin Kꞌanjobal 1989

² Xiwil anima max e mak' cam yuj e tenomtakil, xan ok waoc yailal e yiban.

Os 5:2 Iomraidhean Croise

Is 1:5

¿Tzet xan to wal che yochej chi oc yailal? ¿Ok toc'al mi ex ec' yiban? Tol yasjinak masanil e jolom, cax ayoc masanil e yanimail yin yailal.

Is 29:15

Ok'bal wal c'ul eb chi c'ubaj el ba satak Jehová yaloni, chi c'ubaj el eb tzet yetal chi na', c'al yin ewantakil chi yun eb cax chi yalon eb axca ti': Tok ay mac ok on ilonok, tok ay mactxel ok ojtaknen elok, ẍi eb.

Jeremías 18:18

Max yalon eb conob axca ti': Co naek tzet watx' ok jun yetok jun Jeremías ti'. Ayc'alta' sacerdote ok on cuyonok, ayc'alta' eb aj nabal ok ak'on co nabal, ayc'alta' eb chekbej ok alon is k'anej Dios ayon. Yuj tu' co tz'akek aj k'anej yiban, cax chi mak'lay camok. C'am chi jikej jabok tzet yetal chi yal tu', ẍi eb.

Jeremías 5:3

Mamin, a mactxel cha saya', a ton eb anima yelc'al chi yala'. Max a wal oc yailal yiban eb a conob, palta c'am yelapnok yul sat eb. Max aoc yailal yiban eb, palta maj nachaj el yuj eb. Caw wal pit is nabal eb, yelxac'al caw eb yintak junok ch'en ch'en. Maj yochej eb max bekcan is yob beybal.

Jeremías 6:28

Masanil eb caw wal yob is beybal. Anima tol c'amxa is nabal, alom k'umal eb. Max cawbi el eb. Lajanxac'al eb axca ch'en bronce ma ch'en hierro.

Os 4:2

Tol wal chi aj can eb yin q'uexon is ti' yin tzet chi yala', c'al yalon lek'tial k'anej. Chi mak'wi cam anima eb, chi elk'an eb; asanxanej ajmulal chi yun eb, c'al yetnentok ba eb, cax coc'takxac'al chi mak'wi cam anima eb.

Os 6:5

Yuj tu' xan max ex wak' c'ayilok axca max yun wak'on yal eb in chekbej. A yuj in k'anej max ex wak' c'ayilok. Miman txequel max yun e yailal axca wal yakan c'u.

Os 6:9

A eb sacerdote, axca wal jun bulan elk'om yayji eb. Chi mak eb anima yet chi mak' camok. Bay beal Siquem chi mak'wi cam anima eb, c'al yunen eb masanil yobtakil.

Os 9:15

Max yalon Jehová axca ti': A wal bay Gilgal max chail eb yich yobtakil, xan a c'apax bay tu' max el yich woc ajc'ulal yin eb. A yuj masanil yobtakilal chi yun eb, xan ok wieltok eb bay watut. Majxac'al in camc'ulnej eb, yujtol a masanil eb yajawil eb, yelxac'al tenomtak eb.

Ap 3:19

A masanil mac chi cam in c'ul yin, chin tenchanej eb, cax chi waon c'apax oc yailal eb. Yuj tu', naek wal e ba, cax che yaon oc e nabal win.