Os 3:1 - A Txꞌan Biblia Yin Kꞌanjobal 1989

¹ Max yalon Jehová ayin axca ti': Camc'ulnej pax ix etbi, caxc'al chi mulji yetok mac chi yochej. Axca wal tu' chi yun in camc'ulnen eb et israelal, caxc'al chi yaoc eb nabal yin comon dios, c'al yiontok eb takin uva yin ofrendail bay juntzan comon dios tu', ẍi Cham.

Os 3:1 Iomraidhean Croise

Yet Is Cab Libroal Cham Samuel 6:19

A jantak israel wajan ec' bay tu', eb winak c'al eb ix, max ak'lay junjun ixim pan bay eb, yetok jabjab bolbil chibej c'al takin uva. Max lajwi tu xin, cax max meltzoj eb bay yatut.

Yet Is Cab Libroal Yabixal Eb Rey 13:23

Palta a Jehová xin, max cusc'ul yin eb, yujc'al is trato yetok Abraham, Isaac c'al yetok Jacob, xan max oc t'anan yin eb. Maj cha' yak'layxac'al lajwok ay eb, tamwal yilay el eb is satak masantac'al tinani'.

1 Cr 16:3

Axa yak'on cham rey tu' junjun ixim pan, junjun bijan chibej, yetok janic'ok takin uva bay junjun anima.

Nehemías 9:31

Palta xin, yuj wal a yabenc'ulal xan maj ak'xac'al lajwok el eb masanil, tamwal max a bekcan eb, yujtol ach ti' Dios ach tol ay a yabenc'ulal, c'al a watx'c'ulal.

Salmos 123:2

Mamin, chon oc t'anan en axca wal yoc t'anan nak mosejal yin is patrón, ma axca wal yoc t'anan ix criada yin xal patronej. Lanan co makon yok' a c'ul jin, ach co Diosal.

Ex 32:6

Axa yet max k'inibi yet junxa c'ual xin, cax max wajban ba masanil anima, max yak'on eb xajanbal tol chi tz'a'i, c'al xajanbal yet junc'ulalil. Max lajwi tu' max ay chotjab eb, cax max low eb c'al yuq'uena' eb. Lajwi tu xin, max aj bulnaj eb canalwi, c'al yunen eb yobtakil satak is diosal tu'.

A Jun Bit Manxa Watx'ilok 2:5

Ak' an c'oxox uva ayin yet chi oc wip; a wal te mansan chak' in lo', yet chi sicbi in c'ul, yujtol caw wal chin camel ach wocheni.

Is 45:22

Meltzojanektek ayin. Ayin ok ex in colo', jantak ex cajan ex bay tilakil el tx'otx' tx'otx', yujtol asannej in Dios in, c'am junokxa.

Jeremías 3:20

Palta ayin wal caw Jehová in chi wala', tol lajan max e yut e ba axca junok ix ix yelxac'al yob bay yichamil, axca wal tu' che yut e ba ayin.

Jeremías 31:20

Ayin wal caw Jehová in chi wala', tol a jun conob Efraín ti', axca wal in c'ajol camc'ulnebil yayji ocok; yelxac'al ochebil jun ti' wuj. Caxc'al chi wak' cuenta, palta c'am chin bek in naoni; ya'c'al chi yab wanimail, yuj caw wal ay in mimanc'ulalil yin chi wabej.

Os 11:8

¿Tzet wal ok yun ex in bekoncan ex conob Efraín? ¿Tzet wal ok yun ex in bekoncan ex yinatil Israel? ¿Ok mi je' ex wak'on c'ayilok axca max wut conob Adma? ¿Ok mi ex wut axca max wut conob Zeboim?*fn* Ya' chi yab in c'ul, chi cus in c'ul e yin.

Os 2:5

A e txutx xin, max oc ajmulal. Max etax el is watx'ilal yet max yaloni: Ok tok in say mac ay in camc'ulal yin, mac chi ak'on in lobej c'al wuc'a', mac chi ak'on in lana, c'al in lino, waceite c'al in vino, ẍi.

Os 4:11

A yuj ajmulal, c'al yuj uq'uej an, xan sucxac'al chi yuncan el nabal eb.

Os 7:5

A yet c'ual k'in co reyal on, a wal eb ay yopiso tu', toxac'al max yak' eb yaban aj cham yetok eb yajaw yuj uq'uej vino. Toxac'al max yatok cham is k'ab bay eb buchwajwom.

Am 2:8

A yiban pichilej chi cha eb, yuj chi yak' eb tumin majanil, a tu' chi ay telan eb mulji satak junjun altar, cax chi loon eb loj chi altelay bay comon dios. A yetok ch'en multa chi cha eb, chi man eb an, cax chi uc'wi an eb bay templo is diosal eb tu', ẍi Jehová.

Am 6:6

Yul wal mimek vaso che yuc' vino. A wal perfume watx' che k'ana'; palta c'am jabok chex oc il, ta lanan yetax el yul e nación.

Miqueas 7:7

A pax ayin ti xin, a Jehová ayoc yipok in c'ul. Asan Dios in Colomal chin yipc'ulnej, yujtol ok yab Cham tzet ok wala'.

Zacarías 1:16

Yuj wal tu', ayin wal Jehová in chi wal axca ti': A tinani' ok in meltzoj bay Jerusalén, yin in tx'oxon in yabenc'ulal. Ok wak'on ca watx'nelay aj in templo bay tu', cax ok ca watx'nelay c'apax aj Jerusalén tu', ẍi Jehová, ẍi cham ángel.

Mt 26:50

—Ach amigo, ak' yun tzet chi ul onej, ẍi Jesús bay. Max lajwi tu xin, max oc bulnaj eb yin Cham yin aymanil. Max mitx'on eb. C'anani wal max yut eb.

1 Co 10:21

C'am chi je' comonc'al chi juc'balnej is vaso Cham Jajawil, ta chi juc'balnej pax is vaso eb espíritu yob tu'. Yetok c'apaxok, c'am chi je' comonc'al chi co lo' ixim pan chi eltek ayon yiban meẍa Cham Jajawil, ta chi co chi' pax tzet chi batxbalay ajtok yiban meẍa yet k'in eb espíritu yob tu'.

1 Co 10:7

Yuj tu', c'am chi je' jalon co ba bay tzet chi al-lay oc diosal, axca yutnak ba juntzan eb xol eb tu'. A tx'an Un Tz'ibbilcanok, a tx'an chi alontek yabixal eb. Chi yal tx'an axca ti': Max ay chotjab eb, max low eb c'al yuq'uen a' eb. Lajwi tu', max aj bulnaj eb canalwi, c'al yunen eb yobtakil satak is diosal tu', ẍi tx'an Un tu'.

Is Babel Carta San Pedro 4:3

A yet yalan, miman tiempo max e yun juntzan tzet bay ayoc nabal eb man ojtaknenok Dios. Palta canokab juntzan tu' tinani'. Yujtol a yet tu', asanc'al yobtakil max el e yuneni, asanc'al tzet man watx'ok max e yochej ocok. Caw wal uq'uem ex an, caw pek' ex yin an. Max quex wekeki yin e k'in. Yetok c'apaxok, max e yak' serbil juntzan tzet chi al-lay oc diosal, tol manxa yobalok.

Eb Juez 10:16

Max mak'on poj eb jantak is diosal eb tx'ok conobal, yet chi oc pax eb yin ayilal bay Jehová. Yuj tu xin, maj techaj yuj Jehová, tol toc'al max il-lay oc eb yuj yet lanan yaben eb yailal.

Eb Juez 9:27

A yet tu', max eltok eb bay yintak eltok conob, yet chi wajon eb an uva, max watx'nen eb vino. Axa chaon eb jun k'in tu', max c'oli low eb, c'al yuc'wi an eb bay yul templo is diosal. A yet tu' caw wal yob max yal eb yin Abimelec.