Os 2:4 - A Txꞌan Biblia Yin Kꞌanjobal 1989

⁴ Manc'al ok ok' in c'ul e yin, yujtol yune' ex yin yajmulal.

Os 2:4 Iomraidhean Croise

Yet Is Cab Libroal Yabixal Eb Rey 9:22

A yet max yilon Joram tu' Jehú, max yalon bay: —¿Yin mic'al watx'c'ulalil chach jayoc Jehú? ẍi Joram bay. —¿Bay wal ok titoc watx'c'ulalil? Ilab tol a a txutx xal Jezabel, ac'ala'c'al xal yin ayilal bay comon dios c'al yin is yajbalil, ẍi Jehú.

Is 27:11

axa yet takinxa te' chi jay eb ix ix wajon aj k'ablak te' maxax k'ajaytek, cax chi yaon oc eb is k'ak' yetok. A eb conob ti', caw wal c'am chi nachaj el yuj eb, yuj tu' xan a Cham max watx'nen eb, c'amxa chi cusoc c'ul yin eb, tamwal chito tx'ox is yabenc'ulal yin eb.

Is 50:1

Max yalon Jehová axca ti' bay Israel: Tatol max in pojlej in ba yetok e txutx, ¿baytal ay junok un yet pojlejbail chi alon tinani'? Tatol ayin max ex in txontok yin mosejal, ¿mactxel bay ay in jec, xan tol max ex in txonilok? Ayex ti' max ex ilaytok yin mosejal; palta yuj e mul, c'al yuj e yobtakil tu' xan max ex uktelaytok.

Is 57:3

Axca ti' yalon Jehová: Titanek ayin yet watx' chex in beyc'ulnej ex yobtakwom, lajan e beybal yetok eb tz'akan ay c'ul, yetok eb ajmul winak, c'al eb ajmul ix.

Jeremías 13:14

Ok in mak' poj eb axca chi yun mak'len poj ba netal vino yet ay mac chi tenoni. Lajanxac'al ok yut ba eb mamej yetok eb c'ajolej. Ayin wal caw Jehová in chi wala', tol ok wak' lajwok ay eb yin c'am yabenc'ulalil, tamwal yin cusc'ulalil, ẍi Jehová, cachi, ẍi Cham.

Jeremías 16:5

Max yalon c'apax Cham ayin axca ti': Manchak ach octok bay yul junok na bay ayoc iloj ak'bal yuj eb anima yuj camnak. Manchak ach ok'i, tamwal cha tx'ox a cusc'ulal yuj, yujtol ayin wal caw Jehová in chi wala', tol max wiel in junc'ulalil, in camc'ulal c'al in yabenc'ulal yin jun conob ti'.

Ez 23:25

Yetok wal in k'ak'alc'ulal cax ok wion wal el yowal in c'ul en. A eb tu' ok ach etnen wal sic'libil. Ok c'upil eb a txam c'al yetok a txiquin. A eb one' ok tzoc'lay cam eb yetok espada. Ok tzac'lay aj eb one', eb winak unin c'al eb ix, axa yin is lajubal xin, ok ach ak'lay tz'aok.

Ez 8:18

Palta ayin ti', ok wak' yowalil yetok yowal in c'ul. Manxac'al ok ok' in c'ul yin eb. Caxc'al ok awjok eb ayin, palta manxac'al ok in tak'wok bay eb, ẍi Cham.

Ez 9:10

A tinani' c'amxac'al in yabenc'ulal yin eb, tol ok waoc yailal yiban eb yuj masanil tzet yetal chi el yunen eb, ẍi Cham.

Os 1:2

A yet max chail yich chekon Jehová k'anjab el Oseas bay Israel, max yalon bay axca ti': A eb israel max oc eb ajmulal in satak, yuj pojon el ba eb wintak. Yuj tu xin, a junok ix ajmul ix che etbiok; ay eb yune' ix ok aljok yin is yajmulal, ẍi Cham.

Os 1:6

Max oc pax xal Gomer yobixal junelxa, cax max jay jun ix unin yuj. Max yalon pax Dios bay Oseas axca ti': Lo-ruhama,*fn* chak' yik ix unin tu', yujtol manxa ok cusoc in c'ul yin conob Israel ti'. Manxac'al ok wak' mimanc'ulalil yin.

Os 5:7

Yujtol caw wal yob max yut ba eb ayin, axca junok ix ay yune', palta tx'ok is mam yuj, caytu' yayji eb. Yuj tu' xan yin junnej xajaw ok yun c'aylay el eb yetok is tx'otx'al.

Zacarías 1:12

Max yalon Cham yángel Jehová tu' axca ti': Mamin Jehová, Yajaw ach yin Masanil, atax yet aytek owal yin Jerusalén, c'al yin Judá, ayxa 70 abil tinani'. ¿Jantakto wal ok mayjok, catawal tu' ok cus a c'ul yin eb? ẍi Cham.

Jn 8:41

Axa ayex ti' xin, a tzet chi yun e mam, a' che yun yetok, ẍi Jesús bay eb. —Palta ayon ti', mayon mitz' winakok. Junnej co mam, a ton Dios, ẍi eb bay.

Ro 11:22

Ojtaknejek elok tol miman is watx'c'ulal Dios, palta ak'om cuenta c'apax Cham sic'libil. A eb etaxnak el tu', ak'bil cuenta eb yuj. Palta xiwil is watx'c'ulal Cham chi tx'ox ayex. Yowalil che cawxanej oc e ba yin is watx'c'ulal tu'. Ta c'amak, ok ex ilay c'apax el yuj ayex ti'.

Ro 9:18

Yuj tu xan a Dios chi ok' is c'ul yin mac bay chi yal is c'ul, chi yak' c'apax pitbok c'ul mac bay chi yal c'ul.

Santiago 2:13

Tatol c'am chi ok' co c'ul yin eb jet animail, man ok ok' c'apax c'ul Dios jin, yet ok on beyc'ulnenok, palta tatol chi ok' co c'ul yin eb jet animail xin, ok ok' c'apax c'ul Cham jin yet c'ual beyc'ulal tu'.