Os 10:2 - A Txꞌan Biblia Yin Kꞌanjobal 1989

² A Israel ti', ca pojan yayji oc is yanimail. A tinani' xin, ok tojlanej wal el is yobtakilal tu'. A Jehová ok uchon ay masanil is yaltar eb, c'al yuchon aj ch'en ch'en ya yili yuj eb.

Os 10:2 Iomraidhean Croise

Babel Libroal Yabixal Eb Rey 18:21

Max lajwi tu xin, max jitzontok ba cham Elías bay is c'atan eb anima tu', max yalon cham axca ti': —¿Bak'in wal ok e bekc'al yayi, c'al yaj e nabal? Tatol a Jehová, Dios toni, asannejokab bay chex oc yin ayilal, palta tatol a Baal tu' Dios xin, asannejokab c'apax bay chex oc yin ayilal, ẍi cham. C'am wal jabok max tak'wi eb anima tu'.

Ex 23:24

C'am chex ay nojan satak is diosal juntzan conob tu'; tamwal chex ay jajan bay, c'am che beybalnej is beybal eb conob tu' yin yion can eb is diosal. A ti' e yet, tol che mak' poj is diosal eb tu', c'al masanil ch'en ch'en ayoc is txajbalok eb.

Pr 11:18

A mactxel yob, ok cha' paktzil watx' yaloni; axa mactxel watx' tzet chi yun xin, a wal watx'ilal ok cha' paktzilok.

Is 44:18

A wal juntzan anima chi yun axca tu', man yojtakok eb, c'am chi nachaj el yuj eb. Axca wal tol mutz'an sat eb, c'am chi je' yilon eb, makan el is nabal eb, c'am chi je' nachaj el yuj eb.

Jeremías 43:13

Ok uchlay ay c'apax juntzan obelisco*fn* yet Heliópolis, bay Egipto; axca tu xin, ok oc k'ak'al masanil templo is diosal eb aj Egipto, ẍi Jehová, cachi bay eb, ẍi Cham.

Ez 14:5

Axca tu xin, ok wak' meltzoj is nabal eb israel ayin, a ton eb pojnak el ba wintak yujc'al is comon dios.

Os 12:11

A bay Galaad ay is diosal eb tx'ok conobal, palta c'amxa jabok yelapnok ok yuncanok. A bay Gilgal chi yak' eb no wacax yin xajanbalil; palta lajanxa ok yuncan yaltar eb axca ch'en ch'en wajbil aj bulan bay chi oc mulnajil, ẍi Cham.

Os 13:16

A conob Samaria ok yi' c'apax is yailal, yujtol pit chi yut ba ayin. Ok cam eb yuj espada. A yuninal eb ok mak'lay ay bay sat tx'otx' yet chi cami. A eb ix yob ix, ok jakchaj is mimanil eb yuj espada, ẍi Jehová.

Os 3:4

Caywal c'apax tu' Israel, najatil ok ayjok ec' yin c'am is reyal, c'al yin c'am yajawilal, c'amxa xajanbal bay Dios, tamwal ch'en ch'en ya yili yuj eb, c'amxa pichilej yet eb sacerdote, tamwal comon dios yet junjun nail eb.

Os 7:8

A conob Efraín mayal somtok ba xol juntzanxa conob. Lajanxac'al axca junok patej maj meltzojok.

Lv 26:30

Ok wuchtok juntzan lugar bay chex oc ayilal bay e diosal, ok in mak' poj e yaltar yet incienso. Toxac'al ok in wajbaj oc bulan e mimanil bay yiban juntzan e diosal man iquisok tu', yujtol c'amxa chex wochej.

Miqueas 5:13

Ok wak' lajwok e comon dios, c'al ch'en ch'en yet e txajbal, yet watx' manxa ok ex oc ayilal bay juntzan e diosal max e watx'nej aj tu'.

Sofonías 1:5

Cax ok wak'on lajwok eb chi ajtok bay yibanlak na txajlok bay waycan, yetok eb chi ay jajan yin quin yak'on binajok; palta chi yak' binaj c'apax is diosal chi yik Milcom.

Zacarías 13:2

Ayin Jehová in ti' chi wala' tol a bay yul masanil jun nación ti' ok wak' lajwok el masanil tzet chi al-lay oc diosal, yet watx' c'amxa chi nalaytek is bi. Ok wion c'apax el bay yul nación ti' masanil eb chi yaloc ba in chekbejok, c'al masanil eb ayoc nabal yin eb demonio.

Mt 6:24

C'am junok mactxel chi je' jun lajanc'al yak'on serbil cawanok patrón, yujtol chi mi yajc'ulnej ba yetok junok, cax chi camc'ulnen ba yetok junokxa. Ay mi junok ay yelapnok yul sat, axa junokxa c'am mi yelapnok yul sat. Yuj tu' xan c'am chi je' tol jun lajan co camc'ulnen jak'on serbil Dios c'al co camc'ulnen ch'en tumin.

Lc 16:13

C'am junok mactxel chi je' jun lajanc'al yak'on serbil cawanok patrón. Yujtol chi mi yajc'ulnej ba yetok junok, cax chi camc'ulnen ba yetok junokxa. Ay mi junok ay yelapnok yul sat, axa junokxa, c'am mi yelapnok yul sat. Yuj tu' xan c'am chi je' tol jun lajan co camc'ulnen jak'on serbil Dios c'al co camc'ulnen ch'en tumin, ẍi Jesús bay eb.

Santiago 1:8

A mac chi yak' cabc'ulal, man tec'anok waay nabal yin tzanc'al tzet chi yunej.

Santiago 4:4

Ayex lajan ex wal axca junok ix ajmul ix, caywal tu' e yili yul sat Dios. ¿Tom man e yojtakok xin, tol a yet chi co camc'ulnen yulyibank'inal ti', chon occan ajc'ulal yin Dios? Yuj tu', tzanc'al mactxel chi yochej watx' yak'on yetok yulyibank'inal ti', chi occan ajc'ulal yin Dios.

1 Jn 2:15

C'amokab co camc'ulnejek co ba yetok yulyibank'inal ti', tamwal yetok juntzan tzetak yetal ay bay yulyibank'inal ti'. Ta chi co camc'ulnelej co ba yetok, c'amxa co camc'ulal yin co Mam Dios chi yal tu'.

Babel Libroal Cham Samuel 5:4

Axa yet max apni pax oc eb yet junxa c'ual, pac'anxa pax ay is dios eb tu' bay sat tx'otx' bay satak te caẍail trato Jehová, pojnakxatok is jolom, c'al is k'ab, axa tu' c'otancan eltok bay marcoal puerta, axac'al is mimanil maj pojtok.