Mc 8:2 - A Txꞌan Biblia Yin Kꞌanjobal 1989

² —Caw chi ok' in c'ul yin juntzan anima ti', yujtol oxebxa c'u yayji ec' eb jetok; a tinani' c'amxa tzet chi lo eb.

Mc 8:2 Iomraidhean Croise

Babel Libroal Yabixal Eb Rey 19:6

Axa max yiloni, a bay is jolomtak, a tu' ay jun ixim pan k'anbinak xol tzak'ak' yetok jun ẍalu aej. Max ay chotan cham xin, cax max lowi c'al yuq'uena'. Lajwi tu' max ay pax telan junelxa wayi.

Salmos 103:13

Axca yok' c'ul junok mamej yin yuninal, caywal tu' chi yun yok' c'ul Jehová yin eb ikem.

Salmos 145:15

A masanil eb anima chi yechbanej a colwal, yujtol ach chak' lobej eb yin is tiempoal.

Salmos 145:8

Ach Jehová, watx' ton wal a c'ul, cax ay a yabenc'ulal, miman a c'ul Mamin, cax chi ok' a c'ul jin.

Miqueas 7:19

Cusokab a c'ul jin on junelxa. Axca tol cha mukcan aytok co mul on. K'okcantok co yobtakil on bay najatil yich a' mar.

Mt 14:14

Axa yet max eltek Cham yul barco xin, max yilon jun miman bulan anima ayxa ec' bay tu'. Max ok' c'ul Cham yin eb, cax max jayc'alcan c'ul eb is ya'ay eb ibil oc yuj eb yuj Cham.

Mt 20:34

Axa yok'can c'ul Cham yin eb tu', max yaon oc k'ab yiban bak' sat eb. Max jakchaj sat eb yet jun bek tu' yuj; max lajwi tu xin, max tzakloj eb yintak.

Mt 9:36

A yet max yilon oc Jesús eb anima, max cus oc c'ul yin eb, yujtol lajan yayji eb axca junok bulan calnel c'am yilomal. Ayoc eb yin somc'ulal, c'al yin yatakilal max yila'.

Mc 1:41

Axa Jesús, max ok' c'ul yin nak, cax max oc matxan Cham yin. —Chi yal in c'ul. Ti chi wak' jaycan a c'ul, ẍi bay nak.

Mc 5:19

Palta maj cha' ajtok Cham nak yetok, max yalon bay nak axca ti': —Paxan bay atut, cax chalon bay a mam c'al bay eb ecan yuj jantakxa tzet max el yunen Dios en, yujtol max ok' c'ul Cham en, ẍi Jesús bay.

Mc 6:32

Axa yoctok Jesús yul jun barco yetok eb is chekbej tu', max toj eb tx'oklil bay c'am anima.

Mc 6:34

Axa yeltek Jesús yul barco tu', max yiloni xiwil anima ayxa ec'ok. Axa cusoc c'ul yin eb tu', yujtol lajan eb axca juntzanok no calnel c'am yilomal, xan xiwil tzet yetal max yak' cuy eb.

Mc 8:3

Ta c'am chi low eb cax chin chekon pax eb bay yatut, chi mi telc'oj eb yulak be yuj wajil, yujtol ay eb najat cajan, ẍi bay eb is cuywom tu'.

Mc 9:22

Xiwilxa el chi toj yiban k'ak' yuj, c'al yul a', chi yochej chi yak' camok. Palta ta chi je' oj, ok' a c'ul jin. Colwajan jetok, ẍi nak bay.

Lc 15:20

Axa meltzoj nak bay yatut is mam tu'. A yet najattoc'al chi tita', max il-laytok yin yuj cham mamej tu'. Caw wal max ok' is c'ul cham yin, xan max toj cham chaoni. Yanej cham toji, max apnic'al oc cham c'atan, max lak'ontek cham, axa tz'ubon el cham is ti' tu' yuj camc'ulal.

Lc 7:13

A yet max yilon oc Cham Jajawil yin xal txutxej tu', max ok' c'ul Cham yin xal. —Manchak ach ok'i, ẍi Cham bay xal.

Hebreos 2:17

Yuj tu', yowalil lajan max utlay axca ayon uẍtakej on ti', yet watx' chi ok' c'ul jin, cax tojol chi yut yaon oc co ti' bay Dios, c'al yuj yak'on ba yin xajanbalil yuj yion el co yobtakil jin.

Hebreos 4:15

A jun co sat sacerdote tu', yojtak chi ok' c'ul jin yuj c'am co tec'anil, yujtol max yak'lej nak diablo yikban Cham yin masanil yobtakil axca on ti'; asan xin, c'am junelok max oc is yobtakil.

Hebreos 5:2

Lajan eb jetok, yujtol c'am c'apax tec'anil eb axca on ayon ti'. Yuj tu' xan chi je' yuj eb, tol miman chi yut eb c'ul yin eb c'am chi nachaj el yuj, c'al yin eb chi ayc'ay yin junok paltail.