Mc 4:7 - A Txꞌan Biblia Yin Kꞌanjobal 1989

⁷ Ay janic'xa ixim, max ayc'ay xol q'uix, palta max ch'ibaj te q'uix tu', axa makay el ixim yuj te tu', xan maj can jolom ixim.

Mc 4:7 Iomraidhean Croise

Jeremías 4:3

Chi yalon pax Jehová bay eb anima aj Judá c'al eb aj Jerusalén: A tx'otx' tx'otx' c'amtoc'al bay chi ak'layi, a tx'otx' che yak'a'; c'amxa che yaw e yawoj bay xolak q'uix.

Mt 13:22

Axa ixim max apni c'apax can xol q'uix, yenel c'apax junxa makan eb chi aben k'anej Dios, palta asan tzet yetal ay yulyibank'inal ti' chi na eb. Chi etax el is nabal eb, yujc'al yochen eb yoc beyomal. Yuj tu' nabac'al chi yetnej el ba k'anej Dios yin eb. Lajanxa chi yun yelapnok eb axca ixim trigo c'am bak' chi yak'a'.

Mt 13:7

Ay janic' ixim max apni c'apax can xol q'uix, palta maxc'al ch'ibaj te q'uix tu', cax max c'ayil ixim.

Mt 13:8

Axa pax ixim, a bay yax tx'otx' max ayc'ayi, a yet max yak'on sat, ay ixim jolomej 100 bak' max yak'a', ay ixim 60 bak' max yak'a', ay ixim xin, 30 bak' max yak'a'.

Mc 4:6

Palta maxc'al ajol c'u, max takil ixim, yujtol man mimanok xe' ixim aytok yul tx'otx'.

Mc 4:8

Palta a ixim max ayc'ay bay yax sat tx'otx', max ch'ibaj ixim, max can jolom ixim. Ay ixim jolomej 30 bak' max yak'a', ay ixim 60, ay ixim xin, 100 max yak'a'.

Lc 12:15

Max lajwi tu', axa yalon bay eb anima tu' axca ti': —Chi cam e yiloni, cax che taynenc'al e ba, yet watx' c'am junok tzet yetal comonc'al che yochej ocok. Man yujok tol xiwil tzet ay ayon, xan tzalojc'ulal jet bay yulyibank'inal ti', ẍi Jesús.

Lc 21:34

Che yilc'al e ba. Manchak e cha' pitbok e ba yuj pek'al, yuj uq'uem anil, ma yuj junokxa tzet yetal chex oc il yuj bay yulyibank'inal ti'. Ta c'amak, axa ok jay jun c'ual tu', cax man watx'ok e yayji.

Lc 8:14

A ixim max apnican oc xol q'uix, yenel eb chi aben k'anej Dios, palta a yet chi beyc'altok tiempo, xiwil tzet chi na eb. Chi na eb is beyomal, chi na eb yet is mimanil. Yuj wal juntzan tu', chi etax el nabal eb. Lajan chi yun yeloc eb axca ixim trigo c'am chi can jolom.

Lc 8:7

Ay ixim max ayc'ay xol q'uix. Toc'al max c'ayaj ixim xol te' yet max ch'ibaj te'.