Yuj tu' xan max wal c'apax bay eb: A tojolal ok e watx'nej ayex ti', axa in camc'ulal ok e cha' paktzebalok. Watx'nejek e ba, bekek can e pitalil; mojxa che yaoc e ba yul in k'ab, masantac'al yet ok in jay waon ay colbanilej e yiban axcaxac'al nab, quin chi bay eb.
¿Tom chi je' yajtok no chej bay satlak ch'en? ¿Tom chi je' yoc mulnajil yetok arado bay yiban a' mar? Palta ayex ti', max e q'uexponej oc tojolal yin yobal, caw wal yobxac'al chi yab eb anima yuj beyc'ulal che watx'nej.
A ixim inat max apnican oc yiban ch'en ch'en, yenel eb anima chi chaon aben k'anej Dios yin tzalojc'ulalil, palta c'am is tec'anil eb, txennej tiempo chi yaoc eb yin c'ul. Yujtol a yet chi jay junok porobal yiban eb, jun bek chi meltzoj eb yintak junelxa.