Mc 2:8 - A Txꞌan Biblia Yin Kꞌanjobal 1989

⁸ Yojtakxa pax Jesús tzet chi na eb, yuj tu' xan max yal bay eb: —¿Tzet yuj xan caytu' che na' axca tu'?

Mc 2:8 Iomraidhean Croise

1 Cr 29:17

Wojtak wal Mamin, tol cha beyc'ulnej el nabalej, asan wal tojolal chi cha a c'ul. Yuj tu' xan yin wal in watx' nabalil chi yun wak'on juntzan ti' yul a k'ab. A tinani', chi wil yin tzalojc'ulal tol a masanil eb a conob wajan ec' cayti', yin wal masanil c'ul eb chi yak'on eb yofrenda ayach.

Salmos 139:2

Tz'akanc'al ojtaknen el masanil tzet chi wunej; yin ayoktoc'al cax chojtaknen el tzet ok in na'.

Pr 15:26

C'am chi cha c'ul Jehová tzet chi na eb yobtakwom, palta caw wal chi cha c'ul Cham watx' k'anej.

Pr 24:9

A tzet chi na eb c'am nabal, a ton mulej; c'am mac watx' chi yab yuj eb buchwajwom.

Is 55:7

Ayex yobtakwom ex ti', bekekcan e yobtakil tu', a ex yob e nabal ti', bekekcan e yob nabalil tu'. Meltzojanek yul k'ab Jehová, axa Cham ok yak' yabenc'ulal e yin. Meltzojanektek bay co Diosal, a ok ak'on tan e mul, yujtol yelxac'al watx' c'ul Cham.

Ez 38:10

Ayin wal caw Jehová in chi wala': A wal yet jun c'ual tu', axac'al yobal nabalej ok a na'.

Mt 12:15

A yet max yojtaknen el Jesús tzet lanan naon oc eb yin xin, axa toj tu'. Xiwil anima max tzakloj yintak, tom jantaknej eb ya'ay max jaycan c'ul yuj Cham.

Mt 16:7

Axa c'oli yal-len eb cuywom tu' xol axca ti': —A yuj c'am co lobej ibil, xan caytu' chi yala', ẍi eb.

Mt 9:4

Palta Jesús xin, max yojtaknej el tzet chi naoc eb yin, xan max yal bay eb axca ti': —¿Tzet xan yob tzet chi ec' yul e c'ul win?

Mc 2:7

¿Tzet yuj xan caytu' chi yal jun winak ti' axca ti'? Buchwal k'anej chi yal yin Dios. C'am junok anima chi je' yak'on tan yobtakil; asannej Dios, ẍi eb.

Mc 2:9

¿Mactet junok yel suboj yelapnok jalon bay nak sicbinak el is mimanil ti', che na': Ti max ak'lay tan a yobtakil, con chi mi, ma a': Ajan wanok, iaj a wayub cax beyan, con chi?

Mc 7:21

Yujtol a yin co nabal chi pitzc'oj aj juntzan yob nabalej ti'. Ay mac ayxa yetbi, cax chi yunen mul yetok junokxa mactxel. Ay eb man yetbiok ba, cax chi yunen mul. Ay eb chi mak' cam yet animail.

Lc 24:38

Palta max yal Cham bay eb axca ti': —¿Tzet yuj xan toc'al chi somchaj el e c'ul yet chin e yiloni? ¿Tzet yuj xan cabtak e c'ul win?

Lc 5:22

Palta yojtak Jesús tzet lanan naon eb, yuj tu' xan max yal axca ti': —¿Tzet yuj xan che na' juntzan tu'?

Lc 6:8

Palta yojtakxa Cham tzet lanan naon oc eb yin, yuj tu' xan max yal bay nak sicbinak el is k'ab tu' axca ti': —Ajan wanok, cax chach oc lecan co nan ti', ẍi bay nak. Axa yaj lecan nak tu'.

Jn 21:17

Max yalon pax yet yoxelal axca ti': —Simón, c'ajol Jonás, ¿chi mi in a camc'ulnej? ẍi bay. Axa cusaj c'ul Pedro tu bian, yujtol yoxelalxa k'anlen Jesús bay, ta chi camil c'ul yin, xan max yal bay axca ti': —Mamin, ojtakxa ta' masanil. Ojtak tol chach in camc'ulnej, ẍi bay. —Ta axca wal alon tu', axcaokab junok ilom calnel, axcaokab tu' chot a cuyon eb wet-xa yayji.

Jn 6:64

Palta ay jaywan ex c'am chin e yaoc yin e c'ul, ẍi Jesús bay eb is cuywom tu'. Caytu' max yut yalon Jesús bay eb axca tu', yujtol yojtakxa yet yichbanil mactak txel eb man t'inanok yaon oc c'ul yin. Yojtakxa c'apaxok mactxel jun t'inan yaon oc Cham yul k'ab camich.

Tzetak Yetal Max El Yunen Eb Chekbej Jesús 5:3

Axa yalon Pedro bay Ananías tu': —Ananías, ¿tzet xan max a chaoc nak diablo yin a c'ul xan chak' lek'tial bay Cham Espíritu Santo, cax max a mitx'on oc tojol a tx'otx' tu'?

Tzetak Yetal Max El Yunen Eb Chekbej Jesús 8:22

Yuj tu xin, na a ba yin jun a yobtakil ti'. Al bay Dios, ta c'uxan chi joc'ay Dios a mul eban yuj tzet cha na tu'.

Hebreos 4:13

C'am junok mac chi je' c'uban el ba yul sat Dios. Caw miman txequel masanil tzetak yetal yul sat Cham. A bay Cham ok jak' masanil co cuenta.

Ap 2:23

Yetok c'apaxok, ok wak' c'apax cam eb yune' ix. Axca tu xin, ok yojtaknej el junjun iglesia tol ayin ti', wojtak masanil tzet chi ec' yin e nabal c'al yin e yanimail. Ok in paktzej ayin ti', atac'ala' tzet chi el e yunen junjun ex.