Mc 11:3 - A Txꞌan Biblia Yin Kꞌanjobal 1989

³ Ta ay mac chi alon axca ti' ayex: ¿Tzet xan che xuyil no'? ta ẍi, tix che yut e yalon ti': Tol ok k'anabax no' yuj Cham Jajawil. Ayman ok ul jak'can no', quex chi, ẍi bay eb.

Mc 11:3 Iomraidhean Croise

Salmos 110:3

A yet ok ak'on owal yetok eb ajc'ul, ok jay a conob ayach, yuj ul yaon oc ba yin yak'on owal. Axca wal yal ak'bal yet k'inibalil, axca tu' ok yun jay eb nak ach'ej ayach bay tzalan yet ayilal.

Salmos 24:1

A Jehová ay yet tx'otx' tx'otx' ti' c'al masanil tzet yetal ibil aj yuj tx'otx', c'al masanil eb cajyom;

Mc 11:2

Max yalon bay eb axca ti': —Babjanektok bay jun aldea co sataktok ti'. A yet ok ex apnok ocok, ay jun no ach'ej burro pixan ocok, ok ilchaj e yuj. C'amto junok mac chi aj junelok yiban no'. Che xuyilok cax che yiontek.

Mc 11:4

Axa babji eb tu', max ilchaj no ach'ej burro tu' yuj eb. Pixan oc no' ti' jun na bay ti' be, axa xuyon el eb tu'.

Mc 14:15

Axa tx'oxon jun mimantak cuarto can ayex, tol watx'nebilxa elok. A tu' che watx'nej tzet ok co lo' tu', ẍi Jesús bay eb.

Tzetak Yetal Max El Yunen Eb Chekbej Jesús 1:24

Lajwi tu', max txajli eb masanil, max yalon eb yin is txaj tu' axca ti': Mamin, ojtakxa tzetbil yili co nabal on co masanil. Yuj tu xin, xan tx'ox ayon, mac junok ok a siq'uil xol cawan ti',

Tzetak Yetal Max El Yunen Eb Chekbej Jesús 10:36

A Dios ak'nejcan is k'anej ayon israel on ti'. Yalnakcan ayon, tol ay junc'ulal yetok Cham yuj Jesucristo, Cham tol Jajawil co masanil.

Tzetak Yetal Max El Yunen Eb Chekbej Jesús 17:25

Man yowalilok ay tzet chi ak'lay bay yuj anima, yujtol a Cham chi ak'on co cawil co masanil. A' chi ak'on co cak'ek', c'al masanil tzetak yetal ayon.

2 Co 8:9

Yujtol jojtak, a Cham Jajawil Jesucristo, caw miman is watx'c'ulal Cham. Xiwil beyomal Cham bay satcan; palta ul yutnak ba Cham mebail yuj camc'ulal Cham jin. Max yut ba Cham axca tu', yet watx', a is mebail Cham tu' chi on joccan beyomal yul sat Dios.