Lm 3:2 - A Txꞌan Biblia Yin Kꞌanjobal 1989

² Max in yuktejtok xol k'ekk'inal bay junelnej k'ekk'olinak. Max in yak' bey bay yulak be yin tol c'am in tzektebal.

Lm 3:2 Iomraidhean Croise

Job 18:18

Ok ilay el eb bay sakk'inal cax ok k'oklaycantok xol k'ekk'inal; ok ilaycan el eb bay jun yulyibank'inal ti'.

Job 30:26

Yuj tu' a tzalojc'ulal max wechbanej, axa max yun xin, max jayoc jun cusc'ulal ti' win. Max wechbanej sakk'inal, axa k'ekk'inal max jayoc win.

Is 59:9

Axca ti' yalon eb conob: A wal tinani' chi nachaj el juj, tzet yuj xan c'am chon col-lay el yuj Dios bay eb chon etneni. Chito wal jechbanej sakk'inal; palta c'amc'al, asanxanej k'ekk'inal ayoc jinlak. Chitoc'al jechbanej co bekbanilal, palta ac'ala' jetaxi.

Jeremías 13:16

Iek aj can Jehová co Diosal yak'ban tol c'amto chex telc'oj aj yinlak tzalan, xol jun k'ekk'inal ok jayoc yuj Cham. Che na' tol ok jay sakk'inal, palta tol ok tec'al aj can k'ekk'olil yuj.

Jeremías 4:23

Max wil wal tx'otx' tx'otx', tz'inan tx'otx'xac'al max yuncanok. Max wilon c'apax ajtok satcan, c'amxa sakk'inal bay tu'.

Lm 2:1

Caw wal miman max yun yowal c'ul Cham Yajaw, toxac'al max k'ekk'olcan el bay conob Sión tol watx' yili, max yuch lajwok watx'ilal yili Israel, tol c'amxa axca. Tokwal maxto natek Cham batxlub yakan tu' yuj yowal is c'ul.

Dt 28:29

Toxac'al ok ex ec' matxatxok yet chuman c'u, axca chi yun yec' matxatxok eb c'amc'alta' chi ilwi. Axa yin masanil tzet ok e yunej, c'amxac'al tzet ok eloc yin watx'il. Caw wal ok ex etax elok; ok'bal c'ulxac'al ok e yunej. C'amxac'al mactxel ok ex colonok.

San Judas 1:13

Axca wal yipal yaj pomnaj sat a' mar, cay wal tu' eb, yujtol c'amxa chi tenchanej ba eb yin yobtakil. Axca wal sukuwal a' chi elcan tilak a', inej oc k'alem, cay wal tu' eb, yuj juntzan tzet q'uixwiltak chi yun tu'. K'inalok ay junok waycan chi c'aytok yin is be, caytu' eb. Yowalil ok apnok eb xol k'ekk'inal yin junelnej, cax ok ayjok ec' eb bay tu' yin tojbalk'inal.

San Judas 1:6

Yetok c'apaxok, naektek tzet yayji juntzan eb ángel, eb maj mayjok yin yopiso, palta tol max bekcan eb is cajlobal. A tinani', c'anani pixay eb yetok cadena yin tojbalk'inal. Preso yayji eb xol k'ekk'inal yuj Dios, masantac'al ok jay jun c'ual caw wal miman yelapnok, catatu' ok beyc'ulnelay eb.