Lc 9:3 - A Txꞌan Biblia Yin Kꞌanjobal 1989

³ A yet c'amto chi toj eb, max yalon bay eb axca ti': —C'am tzet che yi'. Manchak e yi' e k'okoch, e moral, e lobej, ma e tumin. Yetok e pichil, asan junjun ayoc e yuj ti' che yi'.

Lc 9:3 Iomraidhean Croise

Salmos 37:3

Aoc Jehová yipok a c'ul, cax un tzet yetal watx'. Cajayan bay tx'otx' tx'otx' cax ok ach ak'lay low yin masanc'ulal.

Mc 6:7

Max yawtentek Jesús eb is lajcawan cuywom c'atan. Max lajwi tu', catakwan max yut chekontok eb. Max yak'on yikbej eb ioj el espíritu yob.

Lc 12:22

Max lajwi tu', max yalon Jesús bay eb is cuywom axca ti': Chi wal ayex xin, manchak ex oc il yuj tzet chi yun yec' tiempo e yuj cayti', yuj tzet che lo'. Manchak ex oc c'apax il yuj e pichil.

Lc 12:28

A an xumac tu', watx' yili an tinani', palta yecal, chi tz'a an yul horno. Caxc'al cac'al tu' chi yun lajwinaj el an, palta a Dios chi ak'on watx'il yili an tu'. Akxam ayex ti', ok yak'c'alta' e pichil. Palta ijan tol txennejc'al pax e yaon oc e c'ul yin Cham.

Lc 22:35

Max yal Jesús bay eb is cuywom axca ti': —Che natek, yet max ex in chekontok junel, c'am jabok e moral max e yi', c'am e tz'um yet e tumin, c'am e xanab max e yi' max ex toji. ¿Ma ay tzet max majax ayex? ẍi bay eb. —C'am tzet max majax ayon, ẍi eb bay.

Lc 3:11

—Ta ay ex ay ca mojanok e pichil, che yak' junok yet junok mac c'am yet, yetok ex ay tzet che lo', che yak' jabok yet eb c'am yet, ẍi bay eb.

Lc 5:29

A Leví tu', max yak' watx'jok jun miman loj bay yatut, yet watx' chi low Jesús yetok. Xiwil eb tekom el tojlabal, yetok juntzanxa anima max oc chotan yin meẍa yetok eb.

Lc 9:4

Tzanc'al tzet nail bay chex apni, ac'al bay tu' che yak' e posada, masantac'al chex toj bay junokxa lugar.

2 Ti 2:4

K'inalok junok soldado ayoc yin yopiso tinani', maj je' comonc'al ok tok yin junokxa comon mulnajil, yujtol asan jun yajaw chi je' yak'on serbil.