Lc 9:2 - A Txꞌan Biblia Yin Kꞌanjobal 1989

² Max chekontok eb, yuj ec' yaloncan el eb tol toxa ok occan Dios yin Yajawilal, c'al ec' yak'oncan eb watx'jok c'ul eb ya'ay.

Lc 9:2 Iomraidhean Croise

Mt 10:5

Max cheklaytok eb lajcawan ti' yuj Jesús, palta a yet c'amto chi toj eb, max yalon juntzan chekbanilej bay eb axca ti': Manchak ex ec' bay juntzan lugar bay cajan eb man israelok. Tamwal bay juntzan conoblak yul yet Samaria.

Mt 13:19

A ixim max aycan c'ay yul be, yenel eb anima chi aben k'anej Dios, tzetbil chi yun yoc eb yul k'ab, palta c'am chi nachaj pax el yuj eb. Chi jayoc nak diablo bay eb xin, cax chi yak'on c'aytok juntzan k'anej tu' yul c'ul eb.

Mt 24:14

Axa jun watx' abix chi alon tzet ok yun yoc eb anima yul k'ab Cham aj satcan, yowalil ok al-laycan el bay masanil yulyibank'inal ti', yet watx' chi ablay bay junjun conob. Catatu' bian ok jay lajubal.

Mt 3:2

Max yal bay eb axca ti': Naek e ba yin e yobtakil, yujtol a Cham Yajaw bay satcan, toxa ok txecloj wal aj is yikbej, ẍi.

Mc 16:15

Lajwi tu', max yalon bay eb axca ti': Asek bay masanil yulyibank'inal. Alek el k'anejal yet colbanilej xol masanil anima.

Mc 6:12

Max toj eb cuywom tu xin. Max ec' yalon el eb, tol yowalil chi na ba eb anima yin is yobtakil.

Lc 10:1

Max lajwi juntzan tu', max yaon oc Cham Jajawil juntzanxa eb is cuywom, 72 bey eb. Max chekon babjok eb. Catakwan max yun toj eb bay junjun conob, c'al bay junjun lugar bay t'inan ok ec' Cham Jajawil tu'.

Lc 10:11

A pokokal jun e conob chi occan yin jakan ti',*fn* ti chi co tziccan el on, yuj co tx'oxk'abnen el tol c'amxa jalon jet e yin; palta nachajokab el e yuj, tol toxa ok occan Dios yin Yajawil, quex chican bay eb.

Lc 10:9

Che yak'can watx'jok c'ul eb ya'ay bay chex ec'c'al tu'. Toxa ok occan Dios yin Yajawil, quex chican bay eb.

Lc 16:16

A ley Moisés c'al tzet tz'ibbilcan yuj eb chekbej Dios payxa, ocnak yopiso masantac'al yet jaynak Juan, cham ak'om bautismo. Axa tinani' xin, yettaxc'al max jay Juan tu', max el yich yal-lay el watx' abix, yin tzetbil chi yun yoc eb anima yul k'ab Dios. Yuj tu', chi yak' eb yip masanil yoc yul k'ab.

Lc 9:11

Palta max yojtaknejcan el eb anima tol chi betic' bay tu', yuj tu' xan tzakan toj eb yintak. Max chaon apnok Jesús eb bay max apni tu', axa yalon el xol eb tu' tzet ok yun yeloc eb chi oc yul k'ab Dios. Max yak'on c'apaxcan watx'jok c'ul eb ya'ay.