Lc 8:1 - A Txꞌan Biblia Yin Kꞌanjobal 1989

¹ Max lajwi tu xin, xiwil juntzan conoblak c'al juntzan aldealak bay max ec'jab Jesús yaloncan el k'anej Dios; max ec' yalcan el watx' abix xolak eb, tol toxa ok occan Dios Yajawil. Ajun eb is chekbej lajcawanil yetok chi eq'ui.

Lc 8:1 Iomraidhean Croise

Mt 11:1

A yet max lajwi yalon Jesús juntzan chekbanilej ti' bay eb is lajcawan cuywom tu xin, max toji. Cax max ec' yulak conoblak bay jun lugar tu', yuj ec' yalon yabix eb anima, c'al cuywajcanok.

Mt 13:19

A ixim max aycan c'ay yul be, yenel eb anima chi aben k'anej Dios, tzetbil chi yun yoc eb yul k'ab, palta c'am chi nachaj pax el yuj eb. Chi jayoc nak diablo bay eb xin, cax chi yak'on c'aytok juntzan k'anej tu' yul c'ul eb.

Mt 4:23

Bay masanil yulak yet Galilea max ec' Jesús yetok eb. Max ec' Cham cuywaj yulak nail bay chi wajbaj ba eb israel yin culto, cax chi yaloncan el watx' abix, tzetbil chi yun yoc eb yul k'ab Cham aj satcan. Max jaycan c'ul masanil mactxel ya'ay yuj tzanc'al tzet ilya'il yuj Cham.

Mt 9:35

Max ec' Jesús yulak masanil conob, c'al yulak masanil aldea, cax chi cuywajcan yulak nail wajayil eb israel yin culto. Chi yalon el watx' abix yuj tzet wal chi yun yoc anima yul k'ab Dios. Chi yak' c'apax jaycan c'ul eb anima yin tzanc'al tzet ilya'il chi oni.

Mc 1:39

Max ec' bay masanil yulak yet Galilea, cax max ec' yaloncan el k'anej Dios bay junjun nail bay chi wajbaj ba eb israel yin culto. Max yion c'apax can el espíritu yob yin anima.

Lc 1:80

A jun unin tu' max ch'ibc'al ajok, cax max jayc'al is nabal. Max betlej ec' cajan bay tz'inan tx'otx', masantac'al max ajapnok tiempoal tx'oxon aj ba bay eb yet israelal.

Lc 20:1

Ay jun c'ual max cuywaj Jesús xol eb anima yul yamak'il templo Dios. Max c'oli yalon el k'anejal yet colbanilej bay eb. Axa eb yajawil eb sacerdote, yetok eb meẍtol yin ley Moisés, c'al eb ichamtak winak ay yopiso, max jayoc eb bay.

Lc 4:18

A Yespíritu Cham Dios Jajawil ayoc win, yujtol a Cham max in sic'on elok yuj walon el watx' abix bay eb meba'. A' cheknejintek, yuj walon c'apax bay eb axca tol preso yayji, tzetbil chi yun colchaj eb. Chi ul in jakon sat eb c'am chi je' yilwi. Axa eb caw chi etaxi, chi ul in colcan el eb.

Lc 9:6

Max lajwi tu xin, axa toj eb tu'; max ec' eb bay junjun aldea. Max yalcan el eb k'anejal yet colbanilej. Max watx'ji c'apax can eb ya'ay bay junjun lugar yuj eb.

Tzetak Yetal Max El Yunen Eb Chekbej Jesús 10:38

E yojtak, tol a Dios yak'nak Cham Espíritu Santo bay Jesús aj Nazaret, cax yak'nak c'apax ikbej bay. E yojtak c'apaxok tol colwajnak Jesús bay eb anima. Masanilc'al mac chi etax yuj nak diablo, pilan max watx'jican eb yuj. Max je' yunen masanil juntzan tu', yujtol ayoc Dios yetok.

Tzetak Yetal Max El Yunen Eb Chekbej Jesús 13:32

Ayon ti' lanan jalon c'apax ayex jun watx' abix ti', tol max yun yuj Dios co satak bay max yak' is ti' bay eb jichmam. Max yi wal ba jun ti' yet max ictzonelay aj Jesús xol eb camnak, axca tz'ibelaycan bay Salmo 2 bay chi yal axca ti': Ach ton in C'ajol ach, ayin max ach wak' iquisbok tinani', ẍi Dios yul tx'an Un tu'.

Ro 10:15

Palta, ¿tzet ok yun toj eb aloj abix, ta c'am mac chi chekontok eb? Yuj tu' xan chi yal c'apax tx'an Un tu' axca ti': Xiwil watx'il yili yet chi jayoc eb chi alon watx' abix, ẍi.