Lc 7:6 - A Txꞌan Biblia Yin Kꞌanjobal 1989

⁶ Yuj tu xin, max toj Jesús yetok eb, palta jabxanej wal yapni oc eb bay na tu', max chekon cham capitán tu' jaywan eb is yamigo bay Jesús. Max yalon eb axca ti' bay: —Chi yaltek cham ayach axca ti': Mamin, manchakxa etnej a ba a jay ayin, yujtol man in mojok chach jay yul watut.

Lc 7:6 Iomraidhean Croise

Gn 32:10

Caw wal man in mojok tol chak' a camc'ulal win, c'al a watx'c'ulal ayc'al oc wetok. Max in ec'tek bay a' aej Jordán yin tol asan ch'an jun in k'okoch ibil oc wuj; axa tinani', cabxa campamentoal chin elocok, caw wal ayxac'al tzet ay ayin.

Pr 29:23

A mactxel chi mimanej ba, chi ilay ayok; axa mactxel yaynakil chi yut ba, chi ilay aj can.

Mt 20:28

Ilab in, ayin Chekbilintek yuj Dios xol eb jet animail ti', man yujok wak'lay serbil, xan max in jayi, palta yuj wak'wi serbil. Max in jay yuj ul wak'on in ba camok, yet watx' xiwil mactxel chi colchajcan el wuj, ẍi bay eb.

Mt 3:11

Ayin ti', chex wak' bautizar yul a', yuj txecloj elok tol yel wali, mayal na ba e c'ul. Palta ay wal junxa mactxel tzakan jay wintak, a' ok ak'on Espíritu Santo ayex, ma k'ak' ok yak' ayex xin, axca tol ok ex ak'lay bautizar yuj. A jun mactxel chi wal tu', yelxac'al miman yelapnok wintak. Yuj tu' xan man in mojok wak'on serbil, tamwal wion oc is xanab, man in mojok.

Mc 5:24

Axa toj Jesús yetok tu'. Xiwil anima max toj yintak, toxc'a chi witz'xac'al ba eb yin.

Lc 5:8

A yet max yilon Simón Pedro tu' jun tu', max ay jajnaj satak Jesús, max yalon bay: —Mamin, mata chach el in c'atan, yujtol ayin ti', caw yobtakwom in, ẍi bay Cham.

Lc 7:4

A yet max apni oc eb bay Jesús, max oc tean eb yin, max yalon eb bay axca ti': —A jun cham capitán tu', moj wal chach colwaj bay cham,

Lc 7:5

yujtol caw wal ay is camc'ulal cham jin ayon israel on ti'. Max yak' watx'jok cham jun nail bay chi co waj co ba yin culto, ẍi eb bay.

Lc 7:7

Yuj tu' xan tamwal max in tec'baj in ba in toj ayin caw walon ayach yuj nak in moso ti'. Asannejokab tol chala' tol chi watx'jican nak, axa watx'jican nak oj tu'.

Lc 8:49

Lananto wal yalon Jesús bay xal axca tu', ay jun mactxel tol petoj bay yatut cham Jairo tu' ul yalon bay axca ti': —A ix a cutz'in tu', mayal cam ix. Toxac'al chak' toj yetnej ba Cham Meẍtol ti' toj yiloni, ẍi bay Jairo tu'.

Tzetak Yetal Max El Yunen Eb Chekbej Jesús 10:38

E yojtak, tol a Dios yak'nak Cham Espíritu Santo bay Jesús aj Nazaret, cax yak'nak c'apax ikbej bay. E yojtak c'apaxok tol colwajnak Jesús bay eb anima. Masanilc'al mac chi etax yuj nak diablo, pilan max watx'jican eb yuj. Max je' yunen masanil juntzan tu', yujtol ayoc Dios yetok.

Santiago 4:10

Iek ay e ba satak Cham Jajawil, catatu bian, ok ex ilay aj can yuj Cham.

Santiago 4:6

Yuj tu' xan caw miman is watx'c'ulalil Dios chi yak' ayon, yujtol chi yal tx'an Un Tz'ibbilcan tu' axca ti': A Dios chi tenic' is nabal eb mimek winak chi yut ba, axa bay eb yaynakil chi yut ba xin, a is watx'c'ulal Cham chi yak' bay eb, ẍi.