Lc 7:44 - A Txꞌan Biblia Yin Kꞌanjobal 1989

⁴⁴ Max lajwi tu xin, max oc t'anan Cham yin ix ix tu', axa yalon Cham bay Simón tu' axca ti': —A yet max quin jay yul atut ti', maj ak' jabok wa' tx'ajilok wakan, palta ilab jun ix ti', max tx'ajil wakan yetok yal sat. Max lajwi tu', max joon tak ix yetok is xil.*fn*

Lc 7:44 Iomraidhean Croise

Gn 18:4

Echbanejek, ti' chi toj wala', tol chi ilaytek jabok aej, cax ok e tx'ajon e yakan. Xewanek yich te te' ti' bel.

Gn 19:2

Max yalon bay eb: —Ex mamin, yuj wal dios ayex, tonek wetok bay in na, ay a' aej ok e k'ana', cax watx' ok ex way yet jun ak'bal ti', axa yet yecal chex pet toji, ẍi Lot tu' bay eb. Max tak'wi eb bay: —Yuj wal dios ayach, palta ayon ti' ok on cancan bay parque ti', a cayti' ok on wayok, ẍi eb.

Gn 43:24

Max ilaytok eb nak masanil yuj bay yatut José, max yak'on aej yet tx'ajil yakan eb, max ak'lay c'apax lobej is chej eb.

Yet Is Cab Libroal Cham Samuel 11:8

Max lajwi tu' cax max chekontok cham tu' bay yatut xewok. Maxc'al wal eltok Urías bay yul yatut cham rey, cax max chekon cham tu' yilaytok loj caw wal watx' bay.

Lc 7:38

Max apni oc jajan ix is cawilal Jesús, max c'oli yok' ix. Axa tx'ajon el ix yakan Cham yetok yal sat tu'.*fn* Lajwic'al tu xin, max joon tak ix yetok xil, cax max tz'ubon el ix. Axa tobon oc ix jun ambal suk'uk'i jab tu' yin yakan Cham.

Lc 7:43

—A chin na' ayin ti', a nak yel miman jec chi jolayc'ay yiban yuj cham tu', a nak tu' yel miman chi camc'ulnen cham, ẍi Simón tu' bay. —Yel ton chala', a ton nak, ẍi Jesús.

Jn 13:5

Lajwi tu', max yaon ay aej yul jun palangana. Axa tx'ajon el yakan eb is cuywom tu', max joon tak yetok an toalla tu'.*fn*

1 Ti 5:10

Eb xal miman txequel tol watx' is beybal satak yet creyenteal. Eb watx' max yut yilon ch'ib yune', eb xal max beybalnej ak'oj posada. Eb max yak' serbil yet creyenteal yin ayilal, eb max colwaj bay eb ayoc yin yailal, eb watx'c'al tzet chi el yuneni. Asan ton eb xal ti' chi je' yoc cargook iglesia.

Santiago 2:6

Axa pax ex tol c'am yelapnok eb meba' yul e sat, naek. ¿Mactxel eb chon etneni, cax chon iontok satak yajaw? A ton eb beyom.

Eb Juez 19:21

Xan max yitok cham bay yatut, max yak'on cham lobej no burro. Lajwi tu', max tx'ajon eb yakan, cax max low eb, c'al yuq'uena' eb.

Babel Libroal Cham Samuel 25:41

Max ay nojan xal Abigail, max yaloni: —Ayin ti' chekbejc'al wayji bay David tu', caw wal bekan in c'ul in tx'ajon yakan eb is chekbej, tatol axca tu' chi yal ayin, ẍi xal.