Lc 7:41 - A Txꞌan Biblia Yin Kꞌanjobal 1989

⁴¹ K'inalok ay cawanok winak ay jec bay is patrón tinani'; ta 500 denario jec junok, axa junokxa, 50 denario yet.

Lc 7:41 Iomraidhean Croise

Is 50:1

Max yalon Jehová axca ti' bay Israel: Tatol max in pojlej in ba yetok e txutx, ¿baytal ay junok un yet pojlejbail chi alon tinani'? Tatol ayin max ex in txontok yin mosejal, ¿mactxel bay ay in jec, xan tol max ex in txonilok? Ayex ti' max ex ilaytok yin mosejal; palta yuj e mul, c'al yuj e yobtakil tu' xan max ex uktelaytok.

Jeremías 3:11

Xan max yal Cham ayin axca ti': A conob Israel tol tenomtak, txennej wal is mul yintak conob Judá tol etnewom.

Nm 27:3

A co mam on max cam bay takin tx'otx', palta c'am yoc yin eb yet Coré, tol max meltzoj oc ajc'ulal yin Jehová, yujc'al is mul yul yet max cami, c'am wal junok is c'ajol max cani.

Mt 18:28

A yet mayal beklay el nak tu', max ilchaj el junok yet mulnajwomal nak yuj. Ay mi jayebok quetzal jec bay nak.*fn* Yuj tu' max oc mitx'naj nak yin, cax max oc pitz'naj nak yin nuk' jun winak tu'. Max yalon nak bay: Itek ch'en a majan tumin ayin wal tinani', ẍi bay.

Mt 6:12

Ak' tan co yobtakil, axca ayon ti' chi jak' mimanc'ulal yin eb ay tzet chon uteni.

Mc 6:37

—Ak'ek low eb ayex ti', ẍi Jesús bay eb is cuywom tu'. Axa yalon eb bay: —¿Chi mi toj co man 200 denario*fn* pan, chi yal tu', cax chi jak'on low eb? ẍi eb.

Lc 11:4

Jo c'ay co yobtakil, axca chi jut co joon c'ay yobtakil*fn* eb ay tzet chon uteni. Manchak on a cha' ikbelaytok yin yobtakil, quex chi.

Lc 12:48

Palta k'inalok ta ay junokxa mosejal man yojtakok, cax chi watx'nen juntzan tzet yetal tol moj yikon tz'um yuj. A jun tu', txennej tz'um ok yika'. A eb miman tzet ak'bil bay, miman tzet ok k'anlay el bay eb. Yetok eb miman tzet abenebilcan bay, yowalil miman tzet ok yak' c'apax eb.

Lc 13:4

Naektek eb waxaklajonwan max cam bay Siloé, yet max ayc'ay te na miman is tel yiban eb. ¿Tzet yuj xan caytu' max yun eb che na'? ¿Yuj mi tol caw wal yob is beybal eb yintak eb yet aj Jerusalénal eb tu'?

Lc 7:40

Axa yalon Jesús bay cham axca ti': —Simón, ay jabok tzet chi wochej chi wal ayach, ẍi Cham bay. —Al xin Mamin, ẍi bay Cham.

Lc 7:47

Xan chi wal ayach, caw wal miman camc'ulal jun ix ti', yujtol caw wal miman is yobtakil max jolay c'ay yiban. A pax mac jab ch'an is yobtakil chi jolay c'ay yiban xin, jab ch'an is camc'ulal chi tx'oxo', ẍi bay Simón tu'.

Ro 3:23

Yujtol max oc co yobtakil co masanil bay Cham, xan c'am jalon jet yin is watx'ilal.

Ro 5:20

Jaynak ley Moisés, yet chi txecloj el yobtakil sic'libil. Caxc'al max texac'al aj can yobtakil tu', palta yelxac'al max aj can watx'c'ulalil Dios yintak jun tu'.