Lc 7:16 - A Txꞌan Biblia Yin Kꞌanjobal 1989

¹⁶ A yet max yilon eb anima jun ti', caw max xiwaj eb masanil, max yalon eb is watx' k'anej bay Dios: —Caw miman yikbej is chekbej Dios max chektek co xol yuj on is coloni, ẍi eb.

Lc 7:16 Iomraidhean Croise

Salmos 65:9

Ayachc'al oc elon tx'otx', chak'on is nabil tx'otx' cax chak'on tit yawojal tx'otx'. A yetok a' aej chi el yakan, chak'on ch'ib ixim trigo. Caywal ton tu' chi yun a watx'nen tx'otx'.

Ex 4:31

Max yaoc eb anima tu' yin is c'ul tzet max yal eb cham. Axa yet max yaben eb, tol max il-laytek eb yuj Jehová, yuj jantakxa ok'balc'ulal chi utlay eb, xan max ay nojan eb yin ayilal satak Cham.

Jeremías 33:9

Lajwi tu xin, caw wal ok tzalojbok in c'ul yuj Jerusalén ti'. A wal yet ok yaben masanil eb nacionlak yuj mimek tzet yetal ok wun yin in conob ti', ok yal wal eb watx' k'anej ayin c'al in mimanbilnen eb. Toxac'al ok c'ayaj c'ul eb c'al bilaj eb yuj xiwc'ulal yet ok yilon eb tol ayxamay ok yun yaj can Israel wuj, c'al junc'ulalil ok wak' bay, ẍi Cham.

Mt 15:31

Max k'anjabcan aj eb c'amc'alta' chi je' k'anjabi. Eb manc'alta' tz'akanok mimanil, chi watx'jican eb. Eb c'am chi je' beyi, chi beycan aj eb. C'al eb c'amc'alta' chi je' yilwi, chi ilwican aj eb. A yet max yilon eb anima tu' masanil juntzan ti', max c'ayaj c'ul eb, cax max yalon eb watx' k'anej bay Cham is Diosal eb.

Mt 21:11

Ay eb max alon axca ti': —A ton is chekbej Dios, Cham Jesús aj Nazaret, yul yet Galilea, ẍi eb.

Mt 28:8

Axa yel eb ix bay ch'en mukbanil tu' yin aymanil; max toj yalon eb bay eb cuywom Jesús. Max xiw eb, palta caw max tzaloj c'apax eb.

Mt 9:8

A yet max yilon eb bulan ec' tu' tzet max uj xin, max c'ayaj c'ul eb, cax max yalon eb watx' k'anej bay Dios, yujtol miman yikbej max yak' bay eb anima.

Lc 1:65

Yuj tu', caw wal max c'ayaj c'ul jantak eb cajan is cawilal. Max binaj jun ti' bay masanil siquilal tx'otx' yul yet Judea tu'.

Lc 1:68

¡Jalek watx' k'anej bay Cham Jajawil, Cham co Diosal ayon israel on ti', yujtol max jay ayon is conob on ti', yuj con ul colon elok!

Lc 19:44

Pilan ok mak'ay bulan eb jun conob ti', sat tx'otx'. Ok mak'on cam eb eb anima. A ch'en ch'en latz'bil yin nail bay jun conob ti' ok ec' bulnaj ch'en masanil. Caytu' ok yuncan elok, yujtol a yet jun tiempoal ti', max yochej Dios max tx'ox watx'c'ulal ayex, palta maj nachaj el e yuj, ẍi Jesús.

Lc 2:20

Max lajwi tu', axa pax eb waynem calnel tu'. Max yalon eb is watx' k'anej bay Dios. Max yalon eb yuj diosalil bay, yuj tzet max bet yab eb, c'al yuj tzet max bet yil eb, yujtol axcac'al max yun yal-lay bay eb, caytu' max uji.

Lc 24:19

—¿Tzet max uj bay tu xin? ẍi Jesús bay. —Ay jun aj Nazaret chi yik Jesús, caw wal chekbej Dios yayji. A tzet max el watx'neni c'al tzet max el yaloni, caw wal miman yelapnok yul sat Dios c'al yul sat eb anima masanil.

Lc 5:26

Yuj tu' xan caw wal max c'ayaj c'ul masanil eb max ilon tu'. Max yalon c'apax eb watx' k'anej bay Dios. Caw wal chi xiw c'apax eb, xan max yal eb: —A juntzan tzet yetal lanan jilon yet jun c'u ti', chi c'ayaj co c'ul jiloni, ẍi eb.

Lc 5:8

A yet max yilon Simón Pedro tu' jun tu', max ay jajnaj satak Jesús, max yalon bay: —Mamin, mata chach el in c'atan, yujtol ayin ti', caw yobtakwom in, ẍi bay Cham.

Lc 7:15

Axa yaj chotan nak camnak tu', max c'oli k'anjab aj nak. Axa yak'oncan Jesús nak bay is txutx tu'.

Lc 7:39

Axa yet max yilon cham fariseo jun tu', max naon cham axca ti': Ta yel chekbej Dios jun winak ti', chi mi nachaj el yuj tzet ixal jun chi mitx'on yakan ti'. Chi mi nachaj c'apax el yuj tol yob beybal ix, ẍi cham yul is c'ul.

Lc 8:37

Yuj tu' xan a masanil anima yul yet Gerasa tu', max oc tean eb yin Jesús, tol chi besil ba Cham yul lugar eb, yujtol caw chi xiw eb yuj. Axa yoc Cham yul barco tu', cax max toji.

Lc 9:19

—Ay eb chi aloni, tolab Juan, cham ak'om bautismo, ach yal eb. Ay pax eb chi aloni, tolab Elías ach yal eb. Ay eb xin, tolab a junok eb is chekbej Dios yet payxa, a, max ictzoj aj xol eb camnak, ẍi eb, ẍi eb is cuywom tu' bay.

Jn 1:21

Axa k'anlen eb bay junelxa tu': —¿Mac ach wal txel xin? ¿Ma ach Elías ach? ẍi eb bay. —C'amak, mayinnak, ẍi bay eb. —¿Ma ach chekbej ach Dios, echbanebil jay juj? ẍi eb bay. —C'amak, ẍi bay eb.

Jn 1:25

Max k'anlen c'apax el eb axca ti': —¿Tzet yuj xan chak' bautizar anima, ta mayachnak Cristo ach, tamwal Elías ach, tamwal chekbej ach Dios, jun echbanebil jay juj? ẍi eb bay.

Jn 4:19

Lajwic'al yaben ix tzet max yal Jesús bay, max yalon ix bay Cham: —Mamin anima, chekbej ach Dios chi wila'.

Jn 6:14

Masanil eb anima tu' max ilon jun milagro max tx'ox Jesús, yuj tu' xan max yal eb: —A ton jun chekbej Dios ti' echbanebil jay juj bay yulyibank'inal ti', ẍi eb.

Jn 9:17

Yuj tu' xan max k'anlej eb junelxa bay nak chixa ilwi tu' axca ti': —Axa ach ach ti', ¿tzet cachi yuj Cham max jakon a sat tu'? ẍi eb bay nak. —Ayin ti', chekbej Dios yayji in naoni, ẍi nak.

Tzetak Yetal Max El Yunen Eb Chekbej Jesús 5:5

Lajwic'al yaben Ananías tu' juntzan ti', axa yec' poc'naj tu', cax max cami. A masanil eb max aben k'umal jun tzet max uj tu', caw wal max xiwaj eb sic'libil.

Tzetak Yetal Max El Yunen Eb Chekbej Jesús 7:37

Ac'aloc Moisés tu' alnej bay eb jet israelal axca ti': Ok chektek Dios junok jet conob ti' is chekbejok axca max quin yut ti', ẍi bay eb.

Gl 1:24

Yuj tu', max yal eb watx' k'anej bay Dios wuj.

Dt 18:15

A Cham ok siq'uil junok jet conob ti' is chekbejok, axca max quin yut sic'on el ayin ti'. Yowalil ok e yikej bay tzet ok yala'.