Lc 7:12 - A Txꞌan Biblia Yin Kꞌanjobal 1989

¹² A yet lanan yapni eb cawilal jun conob tu', ay jun camnak lanan toj muklay max yil eb. Xiwil eb aj conob bay tu' tzakan yintak. A nak max cam tu', jun ch'an c'otan nak yuj is txutx, camnakxa yichamil xal txutxej tu'.

Lc 7:12 Iomraidhean Croise

Gn 22:12

Max yalon Cham ángel tu': —Manchak a mak'cam a c'ajol. A tinani' wojtakxa tol ay welapnok yul a sat, ilab tol bekan a c'ul ak'on nak jun c'otan a c'ajol tu' ayin, ẍi Cham ángel tu'.

Gn 22:2

Max yalon Dios bay: —Itok nak Isaac, jun c'otan a c'ajol tol xiwil cha camc'ulnej, cax chach toj bay tx'otx' Moriah, axa yet chach apni bay chon tzalan tu', cax chak'on nak yin xajanbalil ayin bay jun lugar ok in tx'ox ayach tu', ẍi Dios bay.

Yet Is Cab Libroal Cham Samuel 14:7

Axa tinani' masanil eb wican chi meltzoj oc ajc'ulal win, chi yochej eb chi waoc nak max mak' cam yuẍtak tu' yul k'ab eb yuj yak'on cam eb yuj is camichal nak max cam tu'. Ta axca tu' chi yunej chi elxac'al can junxa nak tu' yin satakej, cax c'amxa mac ok waoc yipok in c'ul, cax mi chi lajwi masanil yinatil wichamil, c'amxa bay ok binajtek, ẍi xal ix tu'.

Babel Libroal Yabixal Eb Rey 17:12

Max tak'wi xal: —Chi wak' in ti' satak Jehová a Diosal, c'am jabok ixim pan watx' yayji wuj. Junxanej betxan ixim harina yanebil ec' wuj yul jun xij, yetok ch'an jabxa aceite yul jun ẍalu. Tinani' chi ul in waj cabok in c'ax ti', cax ok in watx'nen ch'an junok in pan ok in lo' yetok jun wune ti', echxac'al ok co lo' cax chi lajwi, axa jechbanen co cam tu', ẍi xal.

Babel Libroal Yabixal Eb Rey 17:18

Max yalon xal bay cham Elías axca ti': —¿Tzet yayji oc xin, ach mamin chekbej Dios? ¿Tom yuj ak'on nachajtek in mul yuj Dios, cax chi cam jun wune' ti'? ¿Tom a yuj tu' xan max ach jayocok? ẍi xal.

Babel Libroal Yabixal Eb Rey 17:23

Ayman max yiaytek cham nak bay babel piso bay ayic' is txutx nak unin tu', cax max yak'on cham bay xal junelxa, max yaloni: —Ilabi, mayal jay pax c'ul nak one' ti', ẍi cham.

Babel Libroal Yabixal Eb Rey 17:9

Elan cayti' cax chach tojcan bay conob Sarepta bay yul yet Sidón, chach cancan bay tu' junok tiempoal. Mayal wal bay jun xal ix camnakxa yichamil, a ok ak'on a lobej, ẍi Jehová.

Yet Is Cab Libroal Yabixal Eb Rey 4:16

Max yalon cham Eliseo tu' bay xal: —Yab wal axca ti' yet junxa abil, chelbilxa aj junok one' oj, ẍi cham. —C'amak mamin chekbej Dios, yobxac'al alon ayin axca tu', ẍi xal.

Yet Is Cab Libroal Yabixal Eb Rey 4:20

Cax max ilaytok nak unin tu' yuj jun chekbej tu' bay is txutx, axa chelon aj xal tu', axa yet chuman c'u max cam nak unin tu'.

Job 29:13

A eb tol lananxa cami max yal eb yuj diosal ayin; chi tzalojbi aj c'ul eb xal tol camnakxa yichamil yuj in colwal.

Zacarías 12:10

Ok wak' nabalej chabejtak wuj, c'al nabalej yoc yin tewilal ayin, bay eb yinatil David, yetokc'al bay masanil juntzanxa eb cajyom bay Jerusalén. Axa yet ok in il-lay yuj eb max in tekoni, ok ok'aj eb axca yok' junok yuj camichal jun c'otan is c'ajol, ma yuj is babel c'ajol.

Lc 7:11

Max lajwi tu xin, axa toj Jesús bay jun conob chi yik Naín yetok eb is cuywom. Xiwil anima max tzakloj yintak eb.

Lc 7:13

A yet max yilon oc Cham Jajawil yin xal txutxej tu', max ok' c'ul Cham yin xal. —Manchak ach ok'i, ẍi Cham bay xal.

Lc 8:42

Yujtol a jun c'otan is cutz'in, tol chi cami, cax janic'xanej iquis. Ay mi 12 abil is k'inal ix is cutz'in tu'. A yet max toj Jesús yetok cham bay na tu', xiwil anima max toj yetok. Chi witz'xac'al ba eb toj bululok yetok.

Lc 8:52

Chi ok' masanil eb anima yuj ix, cax chi el yaw eb. Axa yalon Jesús bay eb axca ti': —Manchak ex ok'i. A ix unin ti', man camnakok ix, toc'al chi way ix, ẍi bay eb.

Jn 11:19

Yuj tu' xan xiwil eb aj Jerusalén max bet mimanc'ulnen María yetok Marta, yuj is nuej eb max cam tu'.

Tzetak Yetal Max El Yunen Eb Chekbej Jesús 9:39

Axa tojxac'al yetok eb tu'. Max apnic'al xin, max yion ajtok eb bay jun cuarto can bay ayic' is mimanil xal Dorcas tu'. Ay juntzan eb ix ix camnakxa yichamil ayic' yiloni. Xiwil chi ok' eb yuj. Ay is pichil eb c'al is camiẍ eb max watx'nej Dorcas tu' yet ayic' yetok eb, cax chi c'oli tx'oxon eb bay Pedro tu'.

Tzetak Yetal Max El Yunen Eb Chekbej Jesús 9:41

Yet wal jun bek tu', max oc mitx'an yin k'ab xal. Axa tok'on aj wan tu'. Lajwi tu xin, max yawten ajtok eb ix camnakxa yichamil tu', c'al juntzanxa eb creyente. Max tx'oxlay eltek xal yuj Pedro tu' bay eb, tol mayal ictzoj aj xal.

Santiago 1:27

Tatol ay eb unin tol c'amxa is mam c'al is txutx, c'al eb ix tol camnakxa yichamil, cax ayoc eb yin yailal, yowalil chi toj jil eb, cax chon colwaj bay eb. Yetok c'apaxok, chi co pojil co ba xol masanil yobtakil bay yulyibank'inal ti'. Tatol chi jun juntzan ti', tita' wal tol yel chi jak' serbil co Mam Dios chi yal tu'.