Lc 5:2 - A Txꞌan Biblia Yin Kꞌanjobal 1989

² Axa max yilon Jesús, ay cab barco ayic' ti' melemal a'. C'am yajaw te' ayoctok yul, yujtol lanan tx'ajon eb is txim mitx'bal txay.

Lc 5:2 Iomraidhean Croise

Mt 4:18

Lanan yec'jab Jesús ti a' mar bay Galilea, cax max yilon yin Simón, cham chi yik Pedro yetok jun yuẍtak chi yik Andrés. Lanan txaywi eb bay tu', yujtol txaywom eb.

Mt 4:21

Max beytoj janic'xa, axa max yilon yin cawanxa yuẍtak c'apax ba, a ton Jacobo yetok Juan, eb c'ajol Zebedeo. Ayoc eb yul barco yetok is mam. Lanan sayon yil eb is txim, yet max awtelay eb yuj Jesús.

Mc 1:16

Lanan wal yec' Jesús ti a' mar bay Galilea, max yilon cawan txaywom, jun chi yik Simón, yetok jun yuẍtak chi yik Andrés. Lanan yaon aytok eb is txim yul a'.

Mc 1:19

Max beytoj janic'xa, axa max yilontok yin eb c'ajol Zebedeo, a ton Jacobo yetok Juan. Ayajtok eb yul jun barco, lanan nipentok eb is txim.

Lc 5:1

A yet junel, max toj Jesús ti a' mar Genesaret.*fn* Xiwil mac max waj ba yin Cham bay tu'. Caw wal chi witz' ba eb yin, yujtol chi yochej eb chi yab is k'anej Dios.

Lc 5:3

Yuj tu' max octok Cham yul jun te' yet Simón. Max lajwi tu' max yalon bay tol chi jitztok ba eb jabokxa bay pimal a'. Max lajwi tu', max ay chotan Cham. Ata tu' max cuywajtek bay eb anima.

Jn 1:40

A cawan eb tu', max yab eb tzet max yal Juan. Yuj tu' xan max oc eb cuywomok Jesús. Ay jun chi yik Andrés xol eb, yuẍtak ba yetok Simón Pedro.