Lc 4:8 - A Txꞌan Biblia Yin Kꞌanjobal 1989

⁸ Axa yalon Jesús bay axca ti': —Chi yal yul tx'an Un Tz'ibbilcan axca ti': Iek ay e ba bay Cham Jajawil co Diosal. Asan Cham che yak' serbil, ẍi tx'an, ẍi Jesús bay.

Lc 4:8 Iomraidhean Croise

Yet Is Cab Libroal Yabixal Eb Rey 19:15

Cax max txajli: Mamin Jehová, ach co Diosal ayon israel on ti', ayach ec' nan xol eb querubín, asannej ach Dios ach yiban masanil nacionlak bay yulyibank'inal ti', ach max a watx'nej satcan c'al tx'otx' tx'otx'.

Salmos 83:18

yet watx' chi yojtaknej el eb tol asan ach Jehová ach, asan ach Cham Axac'al Ocok bay masanil yulyibank'inal ti'.

Is 2:11

A eb lues ok ay moc'an eb. A eb chi yiaj can ba, ok ilay ay eb. Asannej Jehová ok ilay aj can yet jun c'ual tu'.

Mt 16:23

Axa yoc wal t'anan Jesús yin tu', max yalon bay: —Ach Satanás, elan in satak, yujtol chochej chi somchaj el in nabal. Manak tzet chi na Dios cha na'. Asan yin yet anima ayoc a nabal, ẍi bay.

Mt 4:10

Axa yalon Jesús bay axca ti bian: —Ach Satanás, elan in c'atan, yujtol chi yal yul tx'an Un Tz'ibbilcan axca ti': Iek ay e ba bay Cham Jajawil co Diosal. Asan Cham che yak' serbil, ẍi tx'an, ẍi Jesús bay.

Lc 4:4

Axa yalon bay nak diablo tu': —Chi yal tx'an Un Tz'ibbilcan axca ti': Man asannejok yuj loj chi je' jiquisbi, ẍi tx'an, ẍi Cham bay.

Lc 4:7

Ta chach ay jajan ayin, cax chaon ay a ba ayin, ok wak' masanil juntzan ti' ayach, cax chi oc etok, ẍi nak bay.

Dt 10:20

Asanokab Jehová co Dios miman yelapnok yul co sat. Asan bay Cham chon oc ayilal, cax yikemc'al chi jut co ba bay. Ta ay bay chi jak' co ti' yin junok tzet yetal asannejokab yin bi Cham chi jak'a'.

Dt 6:13

Axa Jehová co Diosal ayokab yelapnok yul e sat. Asannej Cham che yak' serbil, cax asan is bi Cham che yak' binaj yin tzet bay che yak' e ti' e yuneni.

Santiago 4:7

Yuj tu', yikemokab chi jut co ba bay Dios, cax tec'anc'alokab chi jut co ba bay nak diablo, cax ok el ayon.

Is Babel Carta San Pedro 5:9

Caw tec'anokab chi jut co ba bay. Tec'anokab chi jut jaon oc co c'ul yin Dios, yujtol jojtakxa, tol a eb juẍtak c'al eb janab sat tx'otx' ti', lanan yaben c'apax eb yail axca on.

Ap 19:10

Max lajwi tu', max in ay jajan satak jun ángel tu'. Palta a yet max wion ay in ba bay, max yalon ayin axca ti': Man ot axca tu', yujtol ayin ti', yak'omal in c'apax serbil Dios etok, yetok eb oẍtak tec'an chi yut ba yak'on ba testigoal yin Jesús. A bay Dios, a tu' cheay a ba. Yujtol a yabixal Jesús, a chi iptzen eb chekbej Dios, ẍi.

Ap 22:9

Palta max yal ayin axca ti': Man ot axca tu', yujtol ayin ti', yak'omal in c'apax serbil Dios etok, c'al yetok eb oẍtak, a ton eb is chekbej, c'al jantak eb chi iken tzet tz'ibbilcan yul jun libro ti'. A bay Dios cheay a ba, ẍi.

Babel Libroal Cham Samuel 7:3

Yuj tu' xan max yal Samuel bay masanil eb yet israelal: Ta wal yetok masanil e c'ul, cax che yaon oc e ba yul k'ab Jehová, yowalil che yieltek e comon dios ayoctok yul e yatut, c'al yechel Astarté, cax chex oc e yiken bay Jehová, asanxanej bay Cham ok ex oc ayilal. Ta axca tu' ok e yutej, ok ex col-lay yuj Cham bay eb filisteo, ẍi cham Samuel.