Lc 4:5 - A Txꞌan Biblia Yin Kꞌanjobal 1989

⁵ Max lajwi tu', max ilaytok yuj nak diablo bay jun miman tzalan. Yin jun bek max tx'oxon masanil juntzan mimek conob yulyibank'inal ti' bay.

Lc 4:5 Iomraidhean Croise

Job 20:5

janic'nej chi mayji is tzalojc'ulal eb yobtakwom; a is tzalojc'ulal eb, junnej bek chi yak'a'.

Salmos 73:19

Yin junnej bek chi uchlay ay eb, xol xiwc'ulal chi c'aylay el eb.

Mt 24:14

Axa jun watx' abix chi alon tzet ok yun yoc eb anima yul k'ab Cham aj satcan, yowalil ok al-laycan el bay masanil yulyibank'inal ti', yet watx' chi ablay bay junjun conob. Catatu' bian ok jay lajubal.

Mt 4:8

Axa yilaytok yuj nak diablo tu' bay chon jun tzalan caw wal can ayajok, cax max c'oli tx'oxontok nak bay Cham masanil mimek conoblak yulyibank'inal ti', c'al tzetak mimek yelapnok bay junjun conob tu'.

1 Co 15:52

A jun tu' yin aymanil ok ujok. Yin junnej mutz'satil ok yun jayi, yet ok xulay ch'en lajub trompeta. A yet ok xulay ch'en trompeta tu', cax ok ictzoj aj eb creyente camnak. Axa yet mayal ictzoj aj eb tu', c'amxa oxlajon bak'in ok cam eb. Axa ayon iquis onto yet tu xin, toxac'al ok q'uexponelaycan el co mimanil ti'.

1 Co 7:31

Ac'ala' c'apax eb chi k'anbalnen tzetak yetal ay yulyibank'inal ti', manokab asannejok yin juntzan tzetak yetal tu' chi yaoc eb nabal. Yujtol a jun yulyibank'inal chi jil ti', lanan jay tiempoal lajwi.

2 Co 4:17

A tzet chi jay jiban, jabnej yelapnok yul co sat on, aymanc'al chi eq'uelok, palta yuj tu' xan ok co cha' jun tzet caw miman yelapnok. A jun tzet tu', xiwil watx'il, cax ayc'al ec' yin tojbalk'inal.

Ef 2:2

Yujtol asannej beybal yulyibank'inal ti' max e beybalnej. Max e beybalnej axca yochwan nak ay yopiso yajawbi xol cak'ek' ti'. Ac'al oc jun espíritu tu' chi ak'wi c'ulej bay eb man yikemok bay Dios tinani'.

Ef 6:12

Manak yetok junok comon anima lanan jak'len owal, palta tol a yetok juntzan espíritu ay is yipalil yunen tzet man watx'ok xol cak'ek', a yetok eb lanan jak'len owal, juntzan eb ay yopiso yin yak'on yajawilal, cax ayoc eb yajawilok tzet man watx'ok bay yulyibank'inal ti'.