Lc 4:4 - A Txꞌan Biblia Yin Kꞌanjobal 1989

⁴ Axa yalon bay nak diablo tu': —Chi yal tx'an Un Tz'ibbilcan axca ti': Man asannejok yuj loj chi je' jiquisbi, ẍi tx'an, ẍi Cham bay.

Lc 4:4 Iomraidhean Croise

Ex 23:25

Asannej ayin Jehová e Diosal in chex ay nojan ayin. Ta axca tu' che yutej, ok wak' e lobej, e yuc'a'. Cax najat ok wiel ilya' e xol.

Is 8:20

Ilek tzet ẍi ley, c'al cuybej yet Dios. Ta man lajanok chi yun yalon juntzan anima ti', ti tol ayto oc eb xol k'ekk'inal chi yal tu'.

Jeremías 49:11

Canokab eb e yuninal yin mebail, ok in taynej eb; c'al eb xal camnakxa yichamil, chi je' quin yaon oc eb yipok is c'ul, ẍi Jehová.

Mt 4:4

Axa tak'wi Jesús, max yaloni: —Chi yal yul tx'an Un Tz'ibbilcan axca ti': Man asannejok yuj loj chi je' jiquisbi; palta chi je' c'apax jiquisbi yuj masanil k'anej chi yal Dios, ẍi yul tx'an Un Tz'ibbilcan tu', ẍi Cham bay.

Mt 6:31

Yuj tu xin, xan manchak ex oc il, cax chex alxi aj yuj e lobej e yuc'a', tamwal yuj e pichil.

Lc 22:35

Max yal Jesús bay eb is cuywom axca ti': —Che natek, yet max ex in chekontok junel, c'am jabok e moral max e yi', c'am e tz'um yet e tumin, c'am e xanab max e yi' max ex toji. ¿Ma ay tzet max majax ayex? ẍi bay eb. —C'am tzet max majax ayon, ẍi eb bay.

Lc 4:10

Yujtol chi yalcan yul tx'an Un Tz'ibbilcan axca ti': Ok chektek Dios eb is yángel yet watx' chach taynelayi.

Lc 4:3

Yuj tu' xan max yal nak diablo tu' bay axca ti': —Tutun tol C'ajol ach Dios, al bay jun ch'en ti', tol chi oc yin lojal, ẍi bay.

Lc 4:8

Axa yalon Jesús bay axca ti': —Chi yal yul tx'an Un Tz'ibbilcan axca ti': Iek ay e ba bay Cham Jajawil co Diosal. Asan Cham che yak' serbil, ẍi tx'an, ẍi Jesús bay.

Ef 6:17

Caw wal chi jaoc yipok co c'ul tol colchajnak onxa. Ta chi jaoc jun tu' yipok co c'ul, lajan on axca eb soldado chi yaj is ch'en toctor, cax a k'anej Dios ak'bil ayon yuj Cham Espíritu chi co k'anbalnej, axca chi yut k'anbalnen eb soldado is yespada.

Dt 8:3

Max jil yailal c'al wajil yuj Jehová. Max lajwi tu', max yak'on maná co lobejok, juntzan loj tol man jojtakok, tamwal eb jichmam max ojtakneni. Max on yut axca tu' yet watx' chi jojtaknej elok tol man asanok yuj loj chi je' jiquisbi, palta chi je' c'apax jiquisbi yuj masanil k'anej chi yal Jehová.