Lc 4:2 - A Txꞌan Biblia Yin Kꞌanjobal 1989

² 40 c'ual max betic' bay tu'. Max yak'lej nak diablo yikban Cham yin yobtakil. C'am jabok tzet max lo' Cham yin juntzan c'ual tu'. Lajwi tu' max tit is wajil sic'libil.

Lc 4:2 Iomraidhean Croise

Gn 3:15

Chi wacan oc ajc'ulal e nan e xol yetok ix ix, c'al yetok masanil enatil, c'al yinatil ix. A yinatil ix ti', a' ok ak'on poj a jolom. Achxa xin, ok ak' yasjok yakan yinatil ix tu', ẍi Cham.

Babel Libroal Yabixal Eb Rey 19:8

Max aj pax wan cham, max lowi. Caw wal max oc yip yuj tzet max lo' tu'. Cawinak c'u c'al cawinak ak'bal max bey cham, cax max apni oc bay witz Horeb bay tx'oxnak ba Jehová.

Ester 4:16

Wajbaj oc masanil eb jet conob cajan bay yul conobal Susa ti', tol chi oc eb yin c'ajbanc'ulal wuj yin oxebok c'ual c'al oxebok ak'bal, cax ok oc c'apax eb ix chin ak'on serbil ti' yin c'ajbanc'ulal wetok. Ok lajwok tu xin, axa in toj wilon cham rey tu', cax ta man axcaok tu' yalon ley, caxc'al chin mak'lay cam xin, camok in abi, ẍitok Ester.

Ex 24:18

Lajwi tu xin, max toj cham Moisés bay xol jun asun tu'; max ajtok cham bay lajubxac'al chon witz tu'. A tu' max can cham yin cawinak c'u, c'al cawinak ak'bal.

Ex 34:28

Cawinak c'u, c'al cawinak ak'bal max cancan cham Moisés yetok Jehová. C'amwal jabok tzet max lo', tamwal jabok tzet max yuq'uej yet jun tiempoal tu'. Cax max tz'ibelay oc is k'anejal trato Dios yetok eb conob Israel yin ch'en ch'en, a ton lajoneb mandamiento.

Jonás 3:7

Xan a cham rey tu', yetok eb ayoc yin ikbej yetok, max yalil eb jun ley, chi yal axca ti': C'am junok on chon lowi. C'am c'apax junok on chi jak' lobej c'al yuc'a' co wacax, c'al co calnel.

Mt 21:18

Axa yet junxa k'inibalil, yet lanan pax Jesús bay Jerusalén, max tit is wajil.

Mt 4:2

C'am tzet max lo' Cham yin cawinak c'ual, c'al cawinak ak'bal. Lajwi tu' max tit is wajil.

Lc 4:3

Yuj tu' xan max yal nak diablo tu' bay axca ti': —Tutun tol C'ajol ach Dios, al bay jun ch'en ti', tol chi oc yin lojal, ẍi bay.

Jn 4:6

A tu' ay jun uc'bala' jotbilcan yuj Jacob. Chuman mi c'u max apni oc Jesús ti a' uc'bala' tu'. Yujtol c'unbinakxa yuj beyil, xan max ay chotan ti a' tu'.

Dt 9:18

Max lajwi tu' max in ayc'al nojan satak Jehová yin cawinak c'u c'al yin cawinak ak'bal, maj inc'al lowok tamwal wuq'uen a', e yailok xan caytu' max wunej, yujtol caw wal yob tzet max e yunej, max e tx'emontek yowal Cham.

Dt 9:25

Yuj wal tu xin, xan max yal Jehová tol ok ex c'ayilok, xan max quin ay nojan satak Cham yin cawinak c'u c'al yin cawinak ak'bal tu'.

Dt 9:9

A yet max in ajtok bay jun witz tu' yuj in chaon ch'en cab jenan ch'en bay tz'ibbil oc chekbanilej, a ton is trato Cham jetok, cawinak c'u c'al cawinak ak'bal max in ayji ec' bay tu', c'am jabok tzet max in lo', tamwal ay jabok tzet max wuq'uej.

Hebreos 2:18

Cax tutun acaw Cham max yab yail yet max ak'lay porobal Cham, xan a tinani' chi je' yoc Cham jetok yet chon ak'lay porobal c'apaxok.

Hebreos 4:15

A jun co sat sacerdote tu', yojtak chi ok' c'ul jin yuj c'am co tec'anil, yujtol max yak'lej nak diablo yikban Cham yin masanil yobtakil axca on ti'; asan xin, c'am junelok max oc is yobtakil.

Babel Libroal Cham Samuel 17:16

A yet tu', ayc'al oc Goliat filisteo yalon buchwal k'anej yin eb israel. Junjunc'al k'inibalil, c'al junjun yayc'ualil ayc'al oc buchwaji, cac'al tu' max yun yin cawinak c'ual.