Lc 4:1 - A Txꞌan Biblia Yin Kꞌanjobal 1989

¹ A Jesús, ay wal oc yalan yikbej Cham Espíritu Santo, max meltzojtek bay a' miman Jordán. Max ilaytok yuj Cham bay jun tz'inan tx'otx'.

Lc 4:1 Iomraidhean Croise

Babel Libroal Yabixal Eb Rey 18:12

Axa ok yunej, asannej chin el a c'atan tinani', cax ok mi jaycan Yespíritu Dios ach ul yiontok, txequel baytal ta ok ach apnok, axa yet ok in apnok walon bay Acab tu', cax ok tit ach ul yiloni; ta c'am achxa pax ec'ok, axa in mak'lay cam yuj tu'. Ayin a chekbej in ti', yintax wach'ejal max in occ'al yin ayilal bay Jehová.

Babel Libroal Yabixal Eb Rey 19:4

Axa cham xin, max tojc'al bay takin tx'otx', junto c'ual max bey toji. Max c'unbi aj xin, cax max xew bay yich jun te te'. A bay tu' max yochej max camxac'al. Yuj tu' xan max yal cham: K'okbilxa Mamin Jehová. Ak' inxac'al camok, yujtol man yelokxac'al watx' in yintak eb wichmam, toltax max cam eb, akxa ayin, ẍi cham.

Is 61:1

A Yespíritu Jehová Cham Yajaw ayoc win, a Cham max quin sic'on elok. Max in cheklaytek yuj, yet chi ul walcan el watx' abix bay eb meba', c'al ul wak'on watx'jok c'ul eb ayoc yin yailal, c'al walon el bekbanilej bay eb ibiltok yin mosejal, c'al bekchaj el eb preso yayji,

Ez 3:14

Axa Yespíritu Dios max in ion aj wan, max in yion eltek bay tu'. Caw wal ow in, xiwil in k'ak'alc'ulal max wab yet max in toj tu'. Axa Jehová max oc wal lacan win yin ipejal.

Mt 3:16

Maxc'al lajwi yak'lay bautizar Jesús cax max ajtek yul a'. Yet wal jun bek tu', max jakchaj satcan max yila'. Axa max yiloni, max ayol Yespíritu Dios yiban axca junok no paloma.

Lc 2:27

A yet max ilaytek nene' Jesús bay templo Dios yuj José c'al is txutx, yuj yiken eb axca yaloncan yul ley, max ikbelaytok cham Simeón tu' bay templo Dios yuj Cham Espíritu Santo,

Lc 3:3

Yuj tu', max ec' bay masanil juntzan lugar bay cawilal a' Jordán. Max ec' yaloncan el xolak anima, tol yowalil chi na ba eb yin is yobtakil, yet watx' chi elcan is yobtakil eb yiban, cax chi yak'on bautizar ba eb.

Lc 3:38

Enós, Set, Adán. A Adán ti', a Dios max watx'neni.

Lc 4:14

Max paxtok Jesús bay Galilea. Caw ayc'al oc yipal Cham Espíritu Santo yin. Pilan max abchaj is k'umal bay juntzan lugar tu'.

Lc 4:18

A Yespíritu Cham Dios Jajawil ayoc win, yujtol a Cham max in sic'on elok yuj walon el watx' abix bay eb meba'. A' cheknejintek, yuj walon c'apax bay eb axca tol preso yayji, tzetbil chi yun colchaj eb. Chi ul in jakon sat eb c'am chi je' yilwi. Axa eb caw chi etaxi, chi ul in colcan el eb.

Jn 1:32

Max yalon c'apax Juan tu' axca ti': Max wil yayol Cham Espíritu yiban axca junok paloma, axa yoccan yin tu'.

Jn 3:34

Yujtol a Cham tu', a Dios cheknejtek. Yuj tu' xan a k'anej Dios chi yala'. Tz'akaki chi yun yak'on Dios Yespíritu bay Cham.

Tzetak Yetal Max El Yunen Eb Chekbej Jesús 1:2

masantac'al yet max jay c'ual paxaj satcan. A yet c'amto chi paxi, max yaloncan juntzan chekbanilej bay eb is chekbej, eb sic'bil el yuj atac'ala' max yun yikbelay yuj Cham Espíritu Santo.

Tzetak Yetal Max El Yunen Eb Chekbej Jesús 10:38

E yojtak, tol a Dios yak'nak Cham Espíritu Santo bay Jesús aj Nazaret, cax yak'nak c'apax ikbej bay. E yojtak c'apaxok tol colwajnak Jesús bay eb anima. Masanilc'al mac chi etax yuj nak diablo, pilan max watx'jican eb yuj. Max je' yunen masanil juntzan tu', yujtol ayoc Dios yetok.

Tzetak Yetal Max El Yunen Eb Chekbej Jesús 8:39

A yet max lajwi paxajtek eb yul a' xin, max ilay el Felipe yuj Yespíritu Cham Jajawil. Majxa yil cham aj Etiopía tu' yin. Axa chaon be toj tu', max tojcan cham yin tzalojc'ulal.