Lc 3:8 - A Txꞌan Biblia Yin Kꞌanjobal 1989

⁸ Ta chi na ba e c'ul yin e yobtakil, yowalil watx' che yut e beybal, yet watx' chi txecloj elok tol yel mayal e na e ba. Manchak e yal axca ti': C'am tzet chi co na', yinatil on Abraham, man quex chiok. Yujtol chi wal ayex, ta chi yal c'ul Dios, chi je' yuten oc juntzan ch'en ti' animail, cax chi oc yinatilok Abraham e q'uexelok.

Lc 3:8 Iomraidhean Croise

Nehemías 5:11

Yuj tu' xan chi wal ayex tol che yak' meltzoj is tx'otx' eb wal tinani', is yawoj eb, is yolivo eb, c'al is yatut eb, cax che yak'on tan is jec eb ayex tu' yiban, cax che yak'on meltzoj is yuca' tumin, ma trigo, ma vino, ma aceite, juntzan toxa max e k'an bay eb, quin chi bay eb.

Ez 33:24

Ach anima, a eb anima cajan bay conoblak uchbiltok yul yet Israel, chi yal eb: A Abraham junnej nail yayji, palta max cha jun tx'otx' tx'otx' ti' is satakok. Palta ayon ti' tinani', xiwilxa co beyi; yuj tu' xan jet-xa ton yayji oc tx'otx', ẍi eb.

Mt 21:43

Yuj tu' xan chi wal ayex, tol c'amxa e yalon e yet e yoc yul k'ab Cham aj satcan. Tx'okxa animail ok oc e q'uexelok. A ton eb tu' lajan axca eb ok ak'on yuca' tx'otx' tx'otx' axca wal is mojalil.

Mt 3:8

Ta chi na ba e c'ul yin e yobtakil, yowalil watx' che yut e beybal, yet watx' chi txecloj elok tol yel, mayal e na e ba.

Mt 3:9

Man e yal axca ti': C'am tzet chi co na', yinatil on Abraham, man quex chiok. Yujtol chi wal ayex, k'inalok ta chi yal c'ul Dios, chi je' yuten oc juntzan ch'en ti' animail, cax chi oc yinatilok Abraham e q'uexelok.

Lc 13:25

Yujtol a Dios, lajan axca junok aj na chi makchej yatut. Ok lajwok tu', axa ayex chex can lecan ti' na tu', okto e yak'lej e yawji octok axca ti': Mamin, jakon octok etok, quex chito wali. Man ex wojtakok, tamwal bay cajan ex, ẍi eltek, yet ok tak'wok.

Lc 13:26

Palta ilab lownak on etok, cuywinak on yul calle oj, quex chi, ok e yalon bay.

Lc 14:9

Axa talaj yalon cham awtenej ex tu' ayex axca ti': Elanek yul juntzan ẍila ti', cax che yak'on bay eb cham ti', ẍi talaj e yutelayi. Yuj tu', yowalil axa xol eb c'am jabok yelapnok chex apni ocok. Caw wal chi el e q'uixwil.

Lc 19:40

Axa yalon Cham bay eb axca ti': —Chi wal ayex, ta chi tz'inji ay eb, cax c'amxa mac chi aj yaw, axa ch'en ch'en ti' ok aj yaw, ẍi bay eb.

Lc 19:9

Axa yalon Jesús bay axca ti': —A tinani', mayal cha eb aj na ti' is colbanil, yujtol wal yel, yinatil c'apax Abraham jun winak ti'.

Lc 5:21

Axa eb meẍtol yin ley Moisés c'al eb fariseo, max na eb axca ti': ¿Mactxel jun winak ti', xan chi yal buchwal k'anej yin Dios? Tok ay junok mac chi je' yak'on tan yobtakilej, asannej Dios, ẍi eb.

Jn 8:33

Axa yalon pax eb bay tu': —Ayon ti', yinatil on Abraham. C'am junelok chon oc mosook junok anima. Yuj tu xin, ¿tzet yuj xan chala' tol ok on bekchajok? ẍi eb.

Jn 8:39

—Palta ayon ti', yinatil on Abraham, ẍi eb bay. —Matawal yel yinatil ex Abraham tu'. Ta yel yinatil ex, ami yunben che yunej.

Tzetak Yetal Max El Yunen Eb Chekbej Jesús 26:20

Yuj tu' xan a bay Damasco tu' max in babji walon el k'anej Dios. Lajwi tu' max ec' walon el bay Jerusalén, c'al bay junjun conob yul yet Judea, c'al bay eb man israelok. Max walon yab eb tol chi na ba eb, cax chi yaon oc eb nabal yin Dios. Max walon c'apax bay eb, tol yowalil watx' chi yut eb is beybal, yet watx' miman txequel tol chi na ba c'ul eb.

Ro 4:16

Yak'nakcan Dios ti' bay Abraham, yujtol max yaoc Dios yin c'ul. Axca ton tu' chi yun txecloj elok, tol asan yuj is watx'c'ulal Dios, xan yak'nakcan is ti'. Yuj tu', a ayon yinatil on Abraham on ti', ay c'apax jalon jet co masanil yin yetok. Man asannejok eb chi yikej jun ley tu' ay yalon yet yin, palta ay c'apax jalon jet yin co masanil ayon chi jaoc co c'ul yin Dios axca Abraham tu'. Yujtol axca tol co mam yayji Abraham tu' yul sat Dios, yujtol a yin Dios max yaoc c'ul.

Ro 9:7

A ayon yinatil on Abraham ti', man co masanilok yel yuninal on Abraham yul sat Dios. Yujtol yalnak Dios bay Abraham tu' axca ti': A yin nak Isaac, a tu' ok beyc'altoj enatil, ẍi Dios bay.

A Tx'an Is Carta San Pablo Bay Eb Aj Filipos 1:11

Ok oc Jesucristo e yetok, yet watx' tojolc'al ok e yut e beybal. Ta axca tu', ok txecloj el e yin, tzetbil tol caw xiwil watx'il c'ul Dios, cax ok al-lay watx' k'anej bay Cham.