Lc 3:7 - A Txꞌan Biblia Yin Kꞌanjobal 1989

⁷ Xiwil eb anima max jayoc bay Juan, yuj ul yak'on bautizar ba eb, palta max yal bay eb axca ti': Ayex ti', caw wal jelan ex yin ioj aytek satej axca no labaj. ¿Mac max alon ayex tol chi je' e colon el e ba bay jun miman yailal ok jay e yiban yuj yowal c'ul Dios?

Lc 3:7 Iomraidhean Croise

Gn 3:15

Chi wacan oc ajc'ulal e nan e xol yetok ix ix, c'al yetok masanil enatil, c'al yinatil ix. A yinatil ix ti', a' ok ak'on poj a jolom. Achxa xin, ok ak' yasjok yakan yinatil ix tu', ẍi Cham.

Is 59:5

A wal tzet che na' e yunen tu', lajan wal axca jos no bakne labaj, yujtol a junok mac chi loon juntzan jos tu', tojolc'al cami. A yet chi mak'lay poj no jos tu', labajxa chi elol yul.

Mt 12:34

Ayex ti', lajan ex axca labaj. Yob ex. Yuj tu', ¿tom ay jabok tzet watx' chi je' e yaloni? Yujtol a tzet ay bay co nabal, a' chi jala'.

Mt 23:33

Ayex ti', caw jelan ex yin yobtakil axca junok labaj. ¿Tzet wal ok e yut e colon el e ba yul k'ab yailal bay infierno?

Mt 3:6

Chi jakil eb is yobtakil bay Dios, cax chi ak'laycan bautizar eb yuj Juan bay yul a' Jordán tu'.

Jn 8:44

A e mam ayex ti', a ton nak diablo, yuj tu' xan asan yin che yaoc e nabal. Asan tzet chi yochej nak che yunej. Mak'om cam animaxa nak yettax max esnelay yulyibank'inal ti'. C'am jabok yelapnok junok tzet yetal yel bay, yujtol c'am junok tzet yetal yel chi yala'. A yet chi yak'on junok lek'tial, a bay is nabal chi tita, yujtol caw wal lek'ti'. A' ay yet masanil lek'tial.

Tzetak Yetal Max El Yunen Eb Chekbej Jesús 13:10

Max yalon bay nak axca ti': —Ach ti', caw wal chak' a nabal etnen anima. Caw wal a nabal. C'ajol ach nak diablo. Ajc'ul ach oc yin masanil tzet yetal watx'. Axa k'anej Cham Jajawil, yelc'al elok. Yuj tu xin, ¿tzet yuj xan c'am cha bekcan etneni?

1 Ts 1:10

Chi yal c'apax eb tol lanan e yechbanen yayol Cham C'ajol Dios bay satcan, a ton Cham Jesús, tol max ictzonelay aj xol eb camnak yuj Dios. A Cham chon coloncan el yul k'ab jun miman yailal ok jay yuj yowal c'ul Dios.

Hebreos 6:18

Yak'nak Dios is ti', cax max locban is bi, yuj tu', a tzet yalnakcanok, c'am bak'in tol man ok yunej, yujtol a Dios, c'am chi je' yak'on lek'tial. A tzet yalnakcanok, chi jaoc yipok co c'ul, yujtol janak oc co ba yul k'ab yuj on is coloni. Lanan jechbanen tzet ok yak' ayon, cax ayoc yipok co c'ul.

1 Jn 3:8

A mac ac'ala' beybalnen yobtakil, ac'ala' yettoc'alta' nak diablo chi yal tu', yujtol a' chanej el yich yobtakil tu'. Toltax tinani', ac'ala' yunen yobtakil. Yuj tu xan max ulic' Cham C'ajol Dios bay yulyibank'inal ti', yuj ul yak'on lajwok tzet chi el yunen nak diablo tu'.