Lc 3:1 - A Txꞌan Biblia Yin Kꞌanjobal 1989

¹ A yet olajonebxa abil yak'on cham Tiberio yajawil bay Roma, axa Poncio Pilato ayoc gobernadoral bay Judea. Axa Herodes ayoc gobernadoral bay Galilea. Axa jun yuẍtak chi yik Felipe ayoc gobernadoral bay Iturea c'al bay Traconite, axa cham Lisanias ayoc gobernadoral bay Abilinia.

Lc 3:1 Iomraidhean Croise

Gn 49:10

C'am mac chi je' yion ec' a mayk'ak'al, ach Judá. C'am mac chi je' yion ec' a vara yul a k'ab, masantac'al chi jay jun Cham chi yik Siloh, jun mac tol masanil nación ok iken bay.

Mt 14:1

Max yabaj Herodes, cham yajawil yul yet Galilea, yabixal Jesús yet jun tiempoal tu',

Mt 14:3

Caytu' max yut yalon axca tu', yujtol camnakxa Juan tu' yuj. Tix yuj ti' xan ak'bil cam yuj. Ay jun yuẍtak Herodes tu' chi yik Felipe. Herodías bi yistzil. Axa Herodes tu' montejnak el yistzil yuẍtak tu', xan max yal Juan bay Herodes tu' axca ti': Caw man mojok che' jun ix ti', ẍi bay. Yuj tu' xan max ak'lay c'ul Herodes tu' yuj ix. Axa yak'on mitx'lay Juan tu' bian, max yaon oc yul preso, cax max oc cadena yin.

Mt 14:6

Axa yet max chaon Herodes k'inal yabilal xin, max wajban oc anima. Axa canalwi ix yune' Herodías tu' satak eb masanil. Caw wal watx' yec' ix max yil Herodes.

Mt 22:17

¿Tzet cachi ach ti'? A ch'en tumin chi k'anlay el ayon yuj cham yajaw bay Roma, ¿ay mi leyal chi jak'a', ma c'amak cha na'? ẍi eb bay.

Mt 27:2

Max c'alon eb, max yiontok eb satak Poncio Pilato, cham yajaw yet tu'.

Mc 6:17

Tix yuj ti' xan max cam Juan tu' yuj. Ay jun yuẍtak Herodes tu' chi yik Felipe. Herodías bi yistzil. Montebil el yistzil Felipe tu' yuj Herodes tu', axa Juan alnej bay Herodes tu' axca ti': —Caw c'am leyal cha montej el yistzil oẍtak, ẍi bay. Yuj tu', max tit yowal ix Herodías tu'. Axa c'oli yak'on ix c'ul Herodes tu', xan max yak' mitx'lay Juan, max yaoc preso, max pixay yetok cadena. A ix Herodías caw chi chichon oc c'ul ix yin. Chi yochej ix chi yak' camok, palta c'amc'al chi je'.

Mc 6:21

A yet max chaon Herodes k'inal yabilal, max sayon ix tzetbil chi yut yak'on cam Juan tu'. Ay jun miman loj max oc yuj Herodes. Max yak' low eb yet yajawilal, yetok eb yajawil eb soldado, c'al eb mimek winak yul yet Galilea.

Lc 13:31

Ac'al oc yet jun c'ual tu' max jayoc juntzan eb fariseo, axa yalon eb bay Jesús axca ti': —Asi', elan bay jun lugar ti', yujtol chi yochej Herodes chach yak' camok, ẍi eb bay.

Lc 2:1

A yet jun tiempoal tu', a cham Augusto, cham yajaw bay Roma max aloni tol chi ilay aj is bisil masanil anima yulyibank'inal ti'.

Lc 23:24

Max yalon pax Pilato tu' axca ti': Yunokab axca che yochej tu', ẍi.

Lc 3:19

Yetok c'apaxok, max yak'lej tenchanen Herodes, cham yajaw, yujtol max montej el cham ix Herodías, yistzil yuẍtak. Man asannejok tu', palta aytoc'al juntzanxa yobtakil max el yuneni. Yuj tu' xan max yak'lej Juan tenchaneni.

Lc 9:7

Axa Herodes, cham yajaw bay Galilea, max yab cham k'umal masanil tzetak yetal max el yunen Jesús. Toc'al chi c'ayaj c'ul, yujtol ay eb max alon axca ti': A jun chi el yunen juntzan tzet yetal tu', a Juan ictzojnak aj xol eb camnak, ẍi eb.

Tzetak Yetal Max El Yunen Eb Chekbej Jesús 23:26

Ayin Claudio Lisias in, chin tz'ibejtok jun carta ti' ayach mamin yajaw Félix. Ti chi watok cawil a c'ul.

Tzetak Yetal Max El Yunen Eb Chekbej Jesús 24:27

Yin cab abil cac'al tu' chi yut ba yetok Pablo tu'. Lajwi tu xin, max el cham yin yopiso. Axa cham Porcio Festo max occan q'uexelok. A yet max el Félix tu' yin yopiso, toc'al max cancan Pablo yul preso yuj, yet watx' chi ochelay Félix tu' yuj eb aj israel.

Tzetak Yetal Max El Yunen Eb Chekbej Jesús 26:30

Lajwi yalon Pablo juntzan ti', axa yaj wan cham rey tu' yetok xal Berenice. Max aj c'apax wan cham Festo yetok masanil eb wajan ec' yetok eb.

Tzetak Yetal Max El Yunen Eb Chekbej Jesús 4:27

Wal yel, a Herodes, yetok Poncio Pilato, c'al eb man israelok, yetok c'apax eb jet israelal, max wajbaj ba eb yul conob ti', cax max k'anjab el eb yin a C'ajol, tol asannej ach et yayji, tol sic'bilcan el oj.